TSV 1860 Minga
Aus Wikipedia
| Der Artikl is im Dialekt Obaboarisch gschrim worn. |
.png)
TSV Minga von 1860, oda a nua Sechzge, is a Fuasboivarein, der wo in da Greawoida Strass in Minga dahoam is. De oan Mingara song, des is da oanzig wohre Varein af da Wejd, ibahapts; de andan song, dass des da FC Bayern Minga is.
Offiziell hoassn de Sechzga TSV München von 1860 e. V. , oba de meistn sogn: 1860 oda nur de Löwn oda de Blaun.
Inhoitsvazeichnis |
[dro werkln] Gründung
Gründt woan is da Varein am 17. Mai 1860. Erst am 25. April 1899 is de berühmte Fuaßboi-Obteilung dazua kemma. As Vareinstier is da Löwe. De offizielln Vareinsfobm san grea und goid. D' Fuaßbolla han aba irgendwann, zwengs de Wittlsbacher, amoi auf weiß und blau kemma, zwengs dem wean de meisdns ois de Vareinsfobm heagnomma.
[dro werkln] Obteilungen
Aussa de Fuaßballer gibt no: de Baskebolla, de Kraxla, de Boxa, de Faustbolla, de wo Kegeln, de Leichtadledn, Ringa, de Bredl- und de Radl-Fohra (in dera Obteilung konst aa Inlinern und Goifn), de Tennis-Spuia, de Turna und de Wosserspoadla. Nachad gibts no a Obteilung, de hoasst »Freizeit« (da werd vialleicht Bier drunga?) und oane fir de Senioan.
[dro werkln] Fuaßboi-Abteilung
Des is de bekannteste Abteilung vo de Sechzga. Momentan spuins in da Zwoatn Liga. Da Traina is seit neiastn da Wolf Uwe (aa El Lobo ghoassn), der vouher d'zwoate Moschaft vo die Sechzga träniad hod und a schou fird Sechzga a Zeit lang gspuit hod.
De Sechzga spuin momentan in da Weißwuascht, da Allianz Arena. Des is scho wos bsondas, wei des wor eigentli a WM-Stadion. Aba sie ham's ja aa midzoid, s Stadion, aa wenn's hintahea a Problem gem hod, wei da Wuidmosa Karlheinz, der wo do grod da Präsident vo de Sechzga gwen is, und sei Bua si von ana estarreichischn Firma ham bschdecha lossn und an haffa Gejd eigschdeggd ham.
[dro werkln] Erfolge
[dro werkln] Fußboi
- Deitscha Moasta 1966
- Deitscha Pokalsiega 1942, 1964
- Deitscha Vizemoasta 1931, 1967
- Süddeitscha Moasta 1963, 1979
- Oiropapokal Vizemoasta 1965
- DFB-Halln-Mastas-Siega 1996
- UEFA-Cup-Teilnehma 1997, 2000
- Champions-League-Qualifikationsteilnehma 2000
[dro werkln] Sonstiges
Fia an Beitrog vo oa moi 1860,- Oihro wiast fias ganze Lebm Mitglied beim Varein.
