Behofn

Aus Wikipedia
Zur Navigation springen Zur Suche springen
Der Artikl is im Dialekt Pongaurisch gschrim worn.

Vorlog:Infobox Ort in Österreich (Südmittelbeirisch)

Behofn (aa Bihofen oder Bischofshofen, amtli: Bischofshofen, Oukyrschzung: B'hofen) is a Stoud an Soizburga Laund, an Pongau, mid 10.483 Eihwohna (Stond 1. Jenna 2016). Bekonnt is da Ort durch d' letzde Stazion vo da Vier-Schonzen-Turnee wourn, dia a jeeds Jour am Droikinigstoug durten oughoiden weascht.

Geografie[VE | Weakln]

Geografische Loug[VE | Weakln]

Dia Gmoa liagg an middlan Soizachtoi am Fuass vam Hochkinig, umgem vam Hochgrindeck und am Tennengebirg, an Pongau an Soizburga Lond, za. 50 km sidlich vo da Londeshauptstoud Soizburg. Za da Tauernautoboh sands za droi km.

Stoudgliedarung[VE | Weakln]

Katastroigmoaner und Ortstoae vo Bischofshofen sand:

  • Oipforscht (Alpfahrt)
  • Bischofshofen (Bischofshofen)
Morkt (Markt)
Noiche Hoamad (Neue Heimat)
Stoah (Stein)
Trige (Trigl)
  • Goafejd (Geinfeld)
  • Hoadberg (Heidberg)
  • Kreizberg (Kreuzberg)
  • Loadaregg (Leideregg)
  • Mitterberghytten (Mitterberghütten)
  • Winke (Winkl)
Peham (Pöham)

D' Ortschouft Peham (Pöham) an Fritztoi gheascht za da Katastroigmoa Winke. Mitten durchs Derfei geet d' Gmoagrenz und gheascht dessweng netta za da Hejften za da StoudGmoa Bischofshofen, dia onnerne Hejften gheascht za da Gmoa Pfourwerfen.

Nochbargmoaner[VE | Weakln]

Werfen Werfen
Pfourwerfen
Pfourwerfen
Miebouch a. Hkg. Compass card (de).svg Hittau
Miebouch a. Hkg.
Seiger Hons a. Pg.
Seiger Hons a. Pg. Seiger Hons a. Pg.
Hyttau

Gschicht[VE | Weakln]

Ausgrouwungen am Getschenberg (Götschenberg) bleng, das durten breits vur 5000 Jour Leit gsiadelt homd und Kupfer oubaud wourn is. Ob'm 5. Jourhundeascht v. Kr. homd doudan Kejten gsiadelt. Aus'm easchten Jourhundeascht n. Kr. sand Siadlungsspurn vo d' Remer gfunden wourn.

As eascht Moi is Behofn umara 711 urkundli dawent wourn - Im Romen vo da Klostergryndung vo da Maximilianszejn (cella maximiliana) duachn heiling Ruapert vo Soizburg mid da ausdrycklichen Befiaworschtung durch d' Agilofinger und da Untaschtitzung vo da romanischen Oudelsfamilie De Albina vo Owaroim.

Zwischn 720 und 730 is as Kloster vo Slawen zastert wourn. Um 750 houds an Streid um d' Bsietzrecht zwischen am Herschzog Ódilo vo Boarn und em Virgij vo Soizburg gem. 798 houd da Erschzbischof Arn vo Soizburg d' Ryckgoub vam Kloster ahs Erschzbistum Soizburg bwirck. 820 is d' Cella Maximiliana ouwermois zastert wourn.

1151 weascht „Hofen“ as easchtmoi urkundlich dawehnt. 1215 is da „Pongo“ gnonnte Ort inn Bsietz vo d' Bischef vam Bisdum Cheamsee kemmer. Da heitige Nom is druch sejg entstondn, das s a ohsiadlung am „Hof vam Bischof“ gwein is.

1525 sand a in Behofn d' Bauernkriag (Deitsche Bauernkriag) gwein und da Ort is zan Zentrum vam Bauernaufstond wourn. In ner vanichteaschten Niaderloug ba Rodstoud sand d' Bauern owa gschloung wourn.

1728 bis 1732 homd Tausende Soizburga Protestanten eaner Hoamad valoussen miassen.

Durch'n Bau vo da Giaselaboh (Soizburg-Tiaroier-Boh) nouch Werge und da Kronprinz-Ruadoif-Boh an Richtung Rodstoud. 1875 is Bischofshofen za am wirschtschouftlichm Middlbunkt herohgwouxen und is an Feewer 1900 za ner Morktgmoa dahom wourn.

Aufgrund vo da kontinuierlichen Entwicklung za am wichting Wirschtschoufts- und Eihkaffszentrum a' da Region houd Behofn an Jour 2000 as Stoudrecht kriagg.

Wouppm[VE | Weakln]

As Wouppm vo da Gmoa weascht aso bschriem: A toaets und in da owan Hejften gspoiteaschts Schijdel. Óm an tenken goidan Fejdel a schworschzer, mid ner roden Zung ausgstotteaschter Oudler und an rechten roden Fejdel a aus da Toalung schräglinks hervurrougeaschts sijwerns gotischs Pastorale mid weissm oufloutteaschtm Bond. In da untern blaun Schijdelhejften a aus'm tenken Seitenrond hervurrougeaschter Ourm an schworschzen Ärme mid weisser Manschetten, in da blossen Hond a goidaner Teidingstoub vo se gneigg hoiteascht.

Zuasetzlich zan Wouppm fiascht d' Gmoa a Fane mid d' Fourm Gejb-Rod-Blau.

Bevejkarung[VE | Weakln]

Bevejkarungs-
entwicklung
Dadum Eihwohna
1869 (1816)
1880 (2226)
1890 (2931)
1900 (3756)
1910 (4893)
1923 (6124)
1934 (6184)
1939 (6068)
1951 (7921)
1961 (8287)
1971 (9567)
1981 (9501)
1991 (10.138)
2001 (10.084)
2007 (10.152)
20016 (10.483)

Bis a' dia 1990er Jour is Behofn dia grässt Gmoa vam Pongau gwein. Seid dia 1990er Jour houd Seiger Hons dia Gmoa ouglest. Behofen is seid da easchten Voikszejung 1869 (1816 Eihwohna) bis 1991 auf 10.138 Eihwohna oiwei gwouxen. Oierdings houd dia Entwicklung bis 2001 stagnirscht und d' Eihwohnazoi is auf 10.084 Leit gsunken. Seid 2001 steigg d' Bevejkarungszoi wiader leicht oh. Am 1. Jenna 2007 homd a' da Stoud 10.152 Leit gwont. Hiazernt aktuej sands mim 1. Jenna 2011 10.290 und mim 1. Jenna 2016 10.483 Leit.

Sejchenweadigkeitner[VE | Weakln]

Behofn houd ois Kloahstoud zoireiche Sejchensweadikeiten zan biaten. Unter onnerm doudazua:

  • D' Pfourkirch zan hl. Maximilian is a sejchensweaschter Sakroibau, der wous seid 1450 a' da seining hiazing Form bsteet.
  • D' Fraunkirch is umra 1359 as easchtmoi urkundlich daweht wourn. s Bauwerk bsteet aus ner spadgotischen Bausubstanz mid am markanten, 62 m hochen Spietzturm.
  • D' Georngkrich is a Kapejn mid ner romanischen Apsis aus'm 13. Jourhundeascht. Wia vamuatt weascht, hondelt sa se doudabei um d' Hauskapejn vo dia „Herrn vo Pongowe“. D' romanischn Fresken an Innern sand umra 1230 entstonden.
  • D' Burgruien Bouchsfoi „Pongowe“ bfindt se owahoib vam Naturdenkmoi Geinfejd-Wousserfoi. Sie is mid ner hochen Wourscheinlichkeit umra 1200 da Herrschouftssietz vo dia Herrn vo Pongowe gwein. Noh heint sand dia Grundmauern vo da ehemoling machting Turmburg siagbour.
  • D Buachbergkirch is 1370 as easchtmoi urkundlich daweht wourn. A gotischer Chor, a friabarocker Hochoitour und weaschtvoie Fresken a' da Aussenfassaden aus spadromanischer Zeid ziarnds Bauwerk.
  • In Bischofshofen is außadem a no da große Goafödwossafoi hinta da Goaßbeagsiedling.

Museen[VE | Weakln]

Da sognonnte Kostenturm (eihschliasslich 'm Kostenhof) stommb aus'm 12. Jourhundeascht und houd d' Bischef vo Cheamsee ois Droatspeicher deaht, sowia aa ois Pflejgschouftsgriecht. Doudroh is direkt da Kostenhof ohgschlossen a' dem u. o. aaras Stoudomt unterbroucht is. Sei'm November 1998 iss Museum am Kostenturm durten unterbroucht und zoagg dia 5000-jaarige Siadlungsgschicht an Raum Behofn, sowia dia sakroie Kunst vam ehemoling kirchlichen Subzentrum. Ausserrougeaschte Schaustickai sands berymte Ruapertkreiz und dia Georngtoufe, a gotischs Hoibreelief sowia zoireiche archeologische Fund. Dia archeologische Ausstejung is an Jour 2000 durch Midorweiter vam Museum Carolino Augusteum in Soizburg noich gstoitt wourn und weascht durch dia aa betreit. Dia Bsuacher vam Museum homd aa dia Meglichkeit stoahzeidliche Borer und Reibschysseln aus zan prowiern.

Kunst & Kuitur[VE | Weakln]

Musi[VE | Weakln]

Behofn is bekonnt fias oijaarlich, am zwoaten Somstoug an oktowa stouttfindeaschte „Ómselsinger“. Ba da renomirschten Voiksmusivaohstoitung wernd a jeeds Jour dia besten Voiksmusigruppner vam Soizburga Lond kyrscht.

Kynstler[VE | Weakln]

Behofn vafiagg iawer a seer leewendig und vieschichtige Kuiturszene. Da Spooten Bijdhauerrei, Metoikunst, Litaratur, Musi, Theater oder Fotografie sand owa netta a pour dia aktiav gleebb wernd. Vuroim a' da bijdeaschten Kunst homd se zoireiche Kynstler/rinnen etablieascht.

Bijdung[VE | Weakln]

A' da Stoudgmoa gibbs foigeaschte Bijdungseihrichtunger za da Auswoi: 2 Kindergorschten, a Tougbetreiungsstätten, 3 Voiksschuin, 2 Hauptschuin, a Polytechnische Schui, as Privatgymnasium St. Ruapert, dia Turismusschui Bischofshofen, dia Bundesbijdungsohstoit fia Kindergorschtenpädagogik und as Musikum Pongau (Zwoagstej Bischofshofen.

Wirschtschouft[VE | Weakln]

Dia Stoud is unter onnerm durchs Eihkaffszentrum KARO mid seine 13.000 k² Eihkaffsflächen, des am 29. August 2002 daeffneascht houd, za am bedoitenden Wirschtschouftsstondort an Pongau wourn. Daneem sand da Turismus und vaschianne Sporschtaktiavitätner vo ner grossen Bedeitung.

Da greesst Orweitgeewer a' da Stoud is as Liabherr-Werk mid iwa 830 Midorweiter und am Umsootz vo iwa 290 Millionen Eiro.

Weiders existierd as Fit-Log Logistikzentrum Bischofshofen GmbH des dia Unternemen a' da Region a Bindelung vo d' Wornstrem ohbiatt, eemso wia d' Lougerrung vo vaschianne Giater.

Da internazionoi tätige Kesseherstejer Loos International houd an Behofen ebnfois jeeweis a Produkzionswerk.

A weiders internazionois reenomieaschts Unternemen, des d' Estareich-Zentroin a' Behofen houd, is da Glooserzeiger Pikingotn.

Infrastruktur[VE | Weakln]

Da Bohhof in Bischofshofen

Strouss[VE | Weakln]

Bischofshofen is vo Soizburg aus iwa d'Tauernautoboh, an Richtung Villach, in zirka ner hoim Stund zan daglonger. Ban Knoten Pongau kimmb ma auf d' vierspurig ausbaude Pinzgauer Bundesstrouss (an Voiksmund a ois Behofner Schnejstrouss bekonnt), wo se a Ouforscht fia Behofn bfindt.

Eisenboh[VE | Weakln]

D' Eisenboh, dia am Ort zan grossen Aufschwung vooiffm houd, houd nouch wia vur a grosse Bedeitung. Behofen is a wichtiger Knotenbunkt vo da Eisenboh, dia se in dia Richtunger Graz und Innschbruck, bzw. a' Schworschzach-Seiger Veit a' dia Richtung Villach toaet. 2003 is d' Modernisiarung vam Bohhof ougschlossen wourn. Da Bohknotenbunkt bijdt hiazant an modernen Umsteigbunkt, valiarscht owa weng Spourmoussnomen ba dia ÖBB trotzdem oiwei mer an seiner Bedeitung. Da onnerne Grund is, das Giatervatoalungszentrum gschlossen wourn is und aa dia Regionoivabindung nouch Roudstoud und as Ennstoi boanou za da Genzen auf d' Strouss valougeascht wourn is. Im Zug vam Bohhofsumbau is as Zentrum vo da Stoud freile noich gstoitt wourn. D' Hauptstrouss is valougeascht wourn und an Stoudkern a vakersberuigge Zone gschouffm wourn.

Effmtliche Eihrichtunger[VE | Weakln]

In Behofn befindt se a Wirschtschouftshof, a Stoudbibliothek sowia a Seniornhoam, weideaschts a Fitness-Parkur und a Kneippohloug.

Sporscht[VE | Weakln]

Schiespringer[VE | Weakln]

Internazionoi bekonnt is Behofen ois Austrougungsort vo da Vier-Schonzen-Turnee. Auf da Paul-Ausserloatner-Schonzen findt a jeeds Jour am Droikinigstoug s Ouschlusspringer vo derer Vaohstoitung stoutt. D' Gross-Schonzen is nouch ougschlosserne Umbauorweiten a noucht- und summertauglich und stejd dia za da Zeid gresst Mottenschonzen vo da Wejd. 1999 san dou im Romen vo da Nordischen Schiewejdmoastaschouft dia Bewerwe vo da Gross-Schonzen oughoiden wourn.

Fuassboi[VE | Weakln]

Bekonnt is owa a da Sporschtklub Behofen, vo dem d' Fuassboiouteilung neem da Austria Soizburg und 'm SAK 1914 iwa droi Jourzentt zua d' droi spijstärchsten und erfoigreichsten Vareih vam Bundeslond Soizburg gheascht houd. Zua dia gressten Erfoigg vam neihfouchen Soizburga Londesmoasta zejn d' Teinom a' da Nazionoiliager a' da Seison 1970/1971 unds Dareichen vam ÖFB-Cup-Viadlfinale 1965. In Behofn findt ara Radel-Kriterium stoutt.

Politik[VE | Weakln]

D' Fraunkirch an Winter

Buagamoasta[VE | Weakln]

Dia ÖVP stejd mim Rourmoser Jakob (Rohrmoser Jakob) an Buagamoasta. Da Viezeburgermoasta is da owinger Honsjerg (Obinger Hansjörg) und da Weran-Riager Lorenz (Weran-Rieger Lorenz) gheascht dageng da SPÖ oh.

Stoudsenat[VE | Weakln]

Da Stoudsenat bsteet aus neih Midglieda und setzd se aus foigeaschte Stoudrout zomm:

  • Bgm. Rourmoser Jakob (Jakob Rohrmoser) (ÖVP) - Ressort: Baun, Raumordnung, Finanzen
  • Vbgm. owinger Honsjerg (Hansjörg Obinger) (SPÖ) - Ressort: Bijdung und Jungd
  • Vbgm. Weran-Riager Lorenz (Lorenz Weran-Rieger) (SPÖ) - Ressort: Sozials, Familie, Seniorn und Gsunde Gmoa
  • StR Saller Barwara (Barbara Saller) (ÖVP) - Ressort Kuitur, Partnerschouft und Londwirschtschouft
  • StR Oidmoh Karolina (Karolina Altmann) (SPÖ) - Ressort: Umwejd Kliemabyndnis und Kindergorschten
  • StR Howe Kurt (Kurt Habe) (ÖVP) - Ressort: Energie und Vaker
  • StR Enegl Korl (Karl Enengl) (SPÖ) - Ressort: Sport
  • StR Bergmijer Woifgong (Wolfgang Bergmüller) (SPÖ) - Ressort: Woner
  • StR Schrempf Hons (Johann Schrempf) (ÖVP) - Ressort: Wirschtschouft, Ortsmarketing und Fremdenvaker

Gmoarout[VE | Weakln]

Da Gmoarout bsteet aus 25 Midglieda und setzd se seid da Gmoaroutswoi vo 2014 aus dia ManDatn vo d' foigeaschten Partein zomm:

  • 15 SPÖ – stejd d'n Buagamoasta
  • 8 ÖVP – an Viezeburgermoasta
  • 2 FPÖ

Stoudpartnerschouftner[VE | Weakln]

Behofn unterhoitt mid Unterhaching in Boarn, sowia Adeje auf Teneriffa a Stoudpartnerschouft.

Litaratur[VE | Weakln]

  • Kronik Bischofshofn, Hrsgb. StoudGmoa Behofn

Im Netz[VE | Weakln]

Beleg[VE | Weakln]

Wikipedia-logo-v2.svg Schau aa unter:
Portoi Pongau
 Commons: Bischofshofen – Sammlung vo Buidl, Videos und Audiodateien