Ignaz Stahl (Schauspieler)

Aus Wikipedia
Zur Navigation springen Zur Suche springen
Der Artikl is im Dialekt Weanarisch gschrim worn.

Ignaz Stahl (* 20. Oktoba 1790 in Wean; † 10. Jänner 1862 eb'ndå) woa'r a österreichischa Schauspüla, a Zeitgenosse vom Johann Nestroy, vom Wenzel Scholz und vom Alois Grois und wia dee hauptsächlich in Voiksstückln und Poss'n auf de daumålich'n Weana Vuastådtbühnan aungaschiat.

Leben[VE | Weakln]

Üwa'n Ignaz Stahl gibt's nua wenich biographische Informateaunan. In ana Saummlung von seiniche Briaf wiad a ois beliebta, z'weg'n seina Guatmütikeit oft ausg'låchta, ausg'nutzta und völlich mittellos vastuabana Schauspüla bezeichn't. Im Biographischen Lexikon des Kaiserthums Oestareich (1856–1891) vom Constantin von Wurzbach wiad a beschrieb'n ois:

„[…] eine der groteskesten Gestalten des Bühnenlebens, die mit den Reformen des heutigen Theaters immer mehr und mehr verschwinden; ohne zu wollen, oft eine Quelle unauslöschlicher Heiterkeit und ein aus dem Grunde des Herzens guter und, wo er sich sehen ließ, beliebter Mensch“.

Da Johann Nestroy håt füa eahm etliche Roi'n in seine Weak' eineg'schrieb'n:

und no meahra.

Sei Gråb is auf'n Sankt Marxer Friedhof (Grupp'n 1) in Wien-Landstraße.[1]

A Gleichsetzung mit'n östareichisch'n Schriftstölla Ignaz/Tobias Frech von Ehrimfeld (Albrechts Rache für Agnes) is zwoa vom Wurzbach aug'numma wua'n und is aa heit no maunchmoi augeb'n, güit owa ois unwoahscheinli; ea hättat daunn scho mit 14 Jahr'ln historische Roman' schreib'n miass'n.[2]

Theatabericht'[VE | Weakln]

  • Der Adler vom 1. Mai 1838: Benefizvuastöllung im Theater an der Wien Schuster bleib bei deinen Leisten aum 28. April [1]
  • Allgemeine Theaterzeitung vom 17. Juli 1840: Benefizvuastöllung im Theater an der Wien Vater und Tochter aum 21. Juli [2]
  • Der Wanderer vom 2. August 1841: Benefizvuastöllung im Leopoldstädter Theater Die blaue Frau aum 26. Juni [3]
  • Der Sammler vom 9. Juni 1842: Benefizvuastöllung im Theater an der Wien Der Sohn der Bildung aum 7. Juni [4]

Literatua[VE | Weakln]

  • Fritz Brukner/Otto Rommel: Johann Nestroy, Sämtliche Werke. Historisch-kritische Gesamtausgabe, zehnter Band, Verlag von Anton Schroll & Co., Wien 1927; S. 525, 593.

Beleg[VE | Weakln]

  1. Bild des Grabsteines
  2. SUB-uni-hamburg (ohg'ruaf'n aum 14. Juni 2014)
Normdatn: GND: 117203394 | VIAF: 47533897