Kolumbien

Der Artikl is im Dialekt Weanarisch gschrim worn.

República de Colombia

Republik Kolumbien


(Details)	(Details)

Woispruch: „Libertad y Orden“
span., „Freiheid und Uadnung“

Åmtssproch

Schbanisch

Hauptstod

Bogotá, D.C.

Stootsform

Bresidieurepublik

Stootsowahaupt & Regiarungsschef

Bresident Juan Manuel Santos

Flächn

1.138.748 km²

Eiwohnazoi

46.413.791 (Meaz 2012 gemäß staatlichn Statistikamt DANE ^[1])

Beväikarungsdichtn

36,8 Eiwohna pro km²

BIP nomineu (2007)^[2]

171.607 Mio. US$ (41.)

BIP/Eiwohna

4089 US$ (94.)

HDI

0.710 (87.)

Währung

Peso (COP)

Unobhängigkeit

vo Schbanien, 20. Juli 1810 erklead, 7. August 1819 anerkannt

Nazionalhymne

Himno Nacional de la República de Colombia

Zeidzone

UTC -5 Colombia Time (COT)

Kfz-Kennzeichn

CO

Internet-TLD

.co

Telefonvurwoi

+57

Kolumbien (amtlich República de Colombia) is a Republik im neadlichn Teu vo Südamerika. Da Name kummt logischaweis vom Christoph Kolumbus, obwoi eas söba ned enteckd hod.

Geographie [dro werkln]

Des Land grenzd an Panama, Venesuela, Brasülien, Peru und Ekuadoa. Außadem is do aa da Pazifik und di Karibik. In da westlichn Höftn san di Andn, im Ostn des Amazonasgebiet. Di greeßtn Städte san Bogotá (ziaka siem Millionan Eiwohna), Medellín und Cali (beide ziaka zwa Millionan). Wos di Oatnvüüfoit betriffd is Kolumbien wödweid auf Plotz zwa.

Bevökarung [dro werkln]

Noch Brasülien hod Kolumbien di zweitmeistn Eiwohna vo Südamerika. Di Kolumbiana setzn si aus drei Ethnien zsamm: di indigene, di eiropäische (schbanische Kolonistn) und di afrikanische, weus Sklavn impoatiad ham. Natialich gibts jetz vüle Kolumbiana di a Mischung aus mearare san. Di greeßte Bevökarungsgruppm san mid 48 % di Mestizn, oiso Nochfoan vo Eiropäan und Indigenan. Vüle Kolumbiana ziagts imma mea in di Städte, da Anteu von da Landbevökarung nimmt ob. Di Wödbank hod 2006 angebm, dass 49 % vo di Kolumbiana in Oamut lebm. Davon san 7 % absolut oam, des haaßt, si hom weniga ois an US-Dolla Einkomman am Dog.