Boarische Wikipedia
| Boarische Wikipedia | |
|---|---|
 Logo vo da boarischen Wikipedia | |
| bar.wikipedia.org | |
| Motto | De freie Enzyklopädie |
| Kommerziäi | naa |
| Beschreiwung | Online-Lexikon |
| Registriarung | Option |
| Sprochn | Boarisch |
| Eigndima | Wikimedia |
| Urheba | Wikipedia-Gmoaschaft |
| Mitglieda | Vorlog:NutzaANZAHL |
| Status | aktiv |
De Boarische Wikipedia is de boarischsprochige Version vo da frein Online-Enzyklopädie Wikipedia. De Wikipedia in boarischa Sproch gibts seit 2006.
Wichtige Vaweise:
→ Hoamseitn (de Startseitn vo da Boarischn Wikipedia)
→ FAQ (haifige Frogn zua boarischn Sproch und zua Boarischn Wikipedia)
→ Tipps fias Mitmocha
Artike
[Werkeln | Am Gwëntext werkeln]
De Boarische Wikipedia hod zua Zeit iwa 27167 Artiken (Stand: 19. Dezémber 2024). Damit is de Boarische Wikipedia im Septemba 2019, unta 294 Wikipedien, an 103. Stej gleng.
Zamm mit de Funktions- bzw. Metaseiten hod de Boarische Wikipedia 110.205 Seitn. Zum Aufbaun vo de Seitn san 844.693 Endarunga ("Edits") gmochd worn (ois - Stand: 19. Dezémber 2024).
De Artiken mit da häxtn Aufruaffrequenz san (Stand Aprü 2013):
De frequentiatastn Artikln in da östareichischn Sprochvariantn vom Boarischn san:
De Artikl san in Artiklgruppn zammgfosst, de wo aa Portal hoassn.
Hoamseitn
[Werkeln | Am Gwëntext werkeln]De frequentiataste Seitn af da Boarischn Wikipedia is - mit Obstand - de Hoamseitn (de Startseitn), gfoigt vo de Letztn Endarunga.
Af da Hoamseitn wean bsondas guade Artikl präsentiat, jede Woch a neia. Nacha gähts aa um boarische Weata, de wo dahoidn wean soin.
Es gibt u. a. aa no a Rubrik fia intressante, externe Links zua Audio-Video-Beispui in boarischa Sproch.
Im Kalendabladdl gähts um boarische Sprich, de wo af da Seitn Boarische Spruchsammlung zammtrogn wean. A Listn, de wo inzwischn zua de 10 frequentiatastn Seitn vo da Boarischn Wikipedia gheat.
Aussadem stengan af da Hoamseitn aa de wichtigstn Vaweise (Links) vo da Boarischn Wikipedia.
Schwestaprojekt
[Werkeln | Am Gwëntext werkeln]In da Boarischn Wikipedia san - im Untaschied zu vui andan Wikipedien - a poar Schwestaprojekt in de Wikipedia sejm integriad worn. Bessare Ibasichtlichkeit und Effizienz san bei dea Entscheidung im Voadagrund gstandn.[1]
- A Boarische Spruchsammlung, Namasramm SPRUCH (Wikiquote)
- A Sammlung vo Original-Text, Namasramm TEXT (Wikisource)
- A Boarische Biacharei, Namasramm BUACH (Wikibooks)
- A Boarischs Universalweatabuach , Namasramm WOAT (Wiktionary)
- A Sammlung vo Boarische Sprochnochrichtn, Namasramm NOCHRICHT (Wikinews)
Gschicht
[Werkeln | Am Gwëntext werkeln]→ Wikipedia:Aktuell: Iwablick iwa de Gschicht vo da Boarischn Wikipedia
Am 12. August 2005 um 17 Uhr 06 hod a IP bei Meta-Wiki an Request for new languages fia a Sidtirolerische Wikipedia gstejt[2]. A, 20. August 2005 hod da Steinbach, a Nutza vo da Limburgischn bWikipedia, untam Nomn Caesarion, ausn Adrog fia de Sidtirolerische Wikipedia an Adrog fia ra Boarische Wikipedia gmocht. Noch heftiga Dischkriererei is de Boarische Wikipedia am 2. Mai 2006 ois Testwiki aufm Meta-Serva online ganga. Am 12. Juni 2006[3] sand de Seitn dann aufn neia Wikimedia Inkubator vaschom worn. Am 30. September 2006 is schließle da Start unter bar.wikipedia.org erfoigt und am 2. Oktober hod da Import vo de Artike ausm Inkubator stattgfundn.
De easchte Hoamseitn
[Werkeln | Am Gwëntext werkeln]
Ganz z ofangs hod de Hoamseitn no Hauptsaitn ghoassn. Da easchte Entwurf vo dera Seitn is vom Nutza:Balû easchtejd worn. Des Grund-Layout hod se bis in Mai 2008 ghoitn, wo dann da Nutza:Mucalexx a modernas Layout gmocht hod. Noch no a bor Layout-Änderungen durch den sejm Nutza hod am 31. August 2012 Nutza:Gschupfta Ferdl des no heid vawendte Layout umgsetzt.
Da Nam vo da Einstiegsseitn is easchte Moi am 15. Aprui 2007 durchn Admin Nutza:Lou.gruber gändert worn, der des a in Hauptsaitn auf e zua Hauptseitn obassd hod, um mehr an da Standardsproch zu sei und da Vawendung in de moastn Artike zu entsprecha[4]. Schließle hod de Hauptseitn am 4. Oktober 2012 ihrn iatzign Nam Hoamseitn kriagt. Nutza:Bua333 hod de Änderung voizong, um nadda am englischn Homepage zu sei[5].
De easchtn Artike
[Werkeln | Am Gwëntext werkeln]Da easchte eastejde Artike vo da Boarische Wikipedia war Afrika, den da Nutza:Balû am 2. Mai 2006 kurz nochm Start auf meta oglegt hod.
De easchtn fimf Artike worn:
- Afrika 2. Mai 2006 6:32 vo Nutza:Balû
- Amerika 3. Mai 2006 16:39 vo Tropenschnorchler
- Östareich 4. Mai 2006 13:55 vo Häsk
- Deitschland 4. Mai 2006 14:18 vo Häsk
- Asien 4. Mai 2006 19:08 vo Apano
Bis zum Umzug aufn Inkubator sand dann no de foigandn Artike dazukemma:
Bejgien • Boarisch • Eiropa • Eiropäische Union • Frankreich • Geografie • Graz • Großbritannien • Italien • Kolterer Sea • Kristndum • Liachtnstoa • Listn vo de Gemeinden vo Sidtiroul • Naturns • Niedaöstareich • Rechtswissnschoft • Sidtiroul • Windische • Slowenien • Sproch
Insgesamt mit 25 Artike hod so de Boarische Wikipedia im Inkubator gstart. Dortn sand bis zum Umzug in de eigene Domän no a bar Artike dazukemma, so das am 2. Oktober 2006 40 Artike importiert worn sand[6]. Vo dene sand s zwoa Dobblung und oa Schmarrn-Artike gwen, so dass mit 37 echte Artike losganga is.
Den easchtn Artike im neia Umfejd hod am 2. Oktober 2006 um 8:15 Uhr midm Kartenspui Zwigga da Nutza:Dus eastejd. Bis zum End vom Jar is de Markn vo 100 Artikln grissn worn. A Jar späda warns dann scho iber 1000 Artikl und heid is da Stand bei 27.167.
De easchtn Nutza
[Werkeln | Am Gwëntext werkeln]Wei de Boarische Wikipedia zeascht ois Untaseitn auf meta.wikimedia.org entstanden is, hom se de easchtn Nutza aa dort omeidn miassn, so das de easchtn Artike olle vo Leit vo meta stamma.
Damois warn an da Boarischen Wikipedia no ned wirkle vui Nutza beteiligt. In da Hauptsoch hom drei Nutza den Start higlegt: Nutza:Melancholie hod wia im Request for language vasprocha se ois easchta Admin drum kimmad, das losgäd. Nutza:Balû hod de easchte Hoamseitn easchtejd und Nutza:Häsk hod ois easchta mehrere Artikl olegt, wia Deitschland und Östareich.
Weis no koa Single-User-Login gem hod, hom se nochm Umzug olle am Inkubator nei omejdn miassn und dessejbe dann an da Domain a nomoi. Nochdems ofangs nur weng Nutza warn, hom se bis Ende 2006 scho 113 Nutza ogmejd ghobt, a wenn nur a bo davo wirkle länga aktiv warn. A Joar drauf sans dann 450 Nutza gwen und heid is de Nutzazoi vor oim wega dem Single-User-Login auf 73.113 agwochsn, davo owa leider nur 59 aktive Mithejfa.
Nutza
[Werkeln | Am Gwëntext werkeln]De Boarische Wikipedia hod insgsamt 4.492 Nutza (de wo irgendwann aktiv worn), davo san im Februar 2021 83 aktiv gwen. Dazua gibts 3 Administratorn (Stand: 1. Meaz 2021).
In da Boarischn Wikipedia wean foigande Nutzagruppn untaschiedn:
- Ned ogmejdte Nutza (IPs)
- Ogmejdte Nutza
- Ogmejdte Nutza mit Stimmberechtigung
- Administratorn (Admins)
- Birokratn
Administratorn
[Werkeln | Am Gwëntext werkeln]
Birokratn
[Werkeln | Am Gwëntext werkeln]
Beleg
[Werkeln | Am Gwëntext werkeln]- ↑ Wikipedia:Aufruaf zum Dischkurs/Namensräume
- ↑ Request for new languages fia a Wikipedia in South Tyrolean
- ↑ Lescheintrog auf Meta (Seite nicht mehr abrufbar; Suche in Webarchiven)
- ↑ Diff: Änderung des Hoamseitn-Nams auf Hauptseitn (Seite nicht mehr abrufbar; Suche in Webarchiven)
- ↑ Diff: Änderung des Hoamseitn-Nams auf Hoamseitn (Seite nicht mehr abrufbar; Suche in Webarchiven)
- ↑ Logbuch zum Vaschiam da importierten Artike (Seite nicht mehr abrufbar; Suche in Webarchiven)