Kredenbach (Esselbach)

Aus Wikipedia
Zur Navigation springen Zur Suche springen
Kredenbach

49.8511111111119.5327777777778300Koordinaten: 49° 51′ 4″ N, 9° 31′ 58″ O

Häh: 300 m ü. NN
Eihwohna: 720 (2019)[1]
Eihgmoandung: 1. Mai 1978
Postloatzoi : 97839
Voawoi: 09394

Kredenbach is a Ortstei vo da boarischn Gmoa Esselbach im untafränkischn Landkroas Moa-Spessart. Da Ort liegd in da Planungsregion Wiazburg.

Geografie[Weakln | Am Quelltext weakln]

Log[Weakln | Am Quelltext weakln]

Des Doaf befindt se im sidestlichn Spessart an da Stootsstroß 2312 (ehemolige Bundesstroß 8). Da topographisch hechste Punkt vom Oatstei befindet si auf 378 m i. NN (Log[2]) om Bärnroth, da niedrigste liagt im Wachenbach auf 243 m i. NN (Log[3]).

Nochbargemarkunga[Weakln | Am Quelltext weakln]

Nochbargemarkunga im Uahzoagasinn im Noadn ofongnd san Steinmark, on oam Punkt Hafenlohr, Marienbrunn, Glasofen, Altfeld, Michelrieth und Esselbach.

Gewässa[Weakln | Am Quelltext weakln]

Om nerdlichn Rond vo da Gemarkung fliaßt da Esselbach in an Wachenbach.

Gschicht[Weakln | Am Quelltext weakln]

Kredenbach hod Bedeitung duach de Hondlsstroß vo Wean noch Amsterdam ealongt und im Ort hod se de Postkutschnstej und späta des Postomt Esselbach bedundn, des fia de Reisndn gleichzeitig Heabeage und Roßauswechslstej woar.

Do hod aa scho des Gebiet vo de Spessartraiba ogfonga und etwos noadwestli steht no das Wirtshaus im Spessart.

Kredenbach is duach des Zwoate Gmoaedikt am 17. Mai 1818 a eingständige Gmoa gewoadn.

Im Joar 1862 is des Bezirksomt Marktheidenfeld buidt worn, auf dessn Vawoitungsgebiet Kredenbach gleng is.

Kredenbach woar 1939 oane vo de 47 Gmoana im Landkroas Marktheidenfeld (Kfz-Kennzeichn MAR). Mid da Auflesung vom Landkroas Marktheidenfeld im Joar 1972 is Kredenbach in an nei buidtn Landkroas Moa-Spessart (Kfz-Kennzeichn KAR, ob 1979 MSP) kema.

Seit da Gmoareform, de am 1. Mai 1978 wirksom worn is, gheat Kredenbach zu Esselbach.[4]

Kredenbach hod zuam Stond vo 2019 a Eihwohnazoih vo 720[1] ghod.

Religion[Weakln | Am Quelltext weakln]

Gepforrt is des Doaf zua evangelischn Kiachgmoa Michelrieth, wo se aa de Kiach und da Friedhof befindn.

Beleg[Weakln | Am Quelltext weakln]

  1. 1,0 1,1 Esselbach in Zahlen – Gemeinde Esselbach. Gemeinde Esselbach. Obgruafa om 20. Jenna 2021. Archiviert om 21. Septemba 2020.
  2. Rechtsklick auf Middlpunkt vom Kreiz auf topografischa Kartn vom BayernAtlas
  3. Rechtsklick auf Middlpunkt vom Kreiz auf topografischa Kartn vom BayernAtlas
  4.  Statistisches Bundesamt (Hrsg.): Historisches Gemeindeverzeichnis für die Bundesrepublik Deutschland. Namens-, Grenz- und Schlüsselnummernänderungen bei Gemeinden, Kreisen und Regierungsbezirken vom 27. 5. 1970 bis 31. 12. 1982. W. Kohlhammer GmbH, Stuttgart und Mainz 1983, ISBN 3-17-003263-1, S. 763.