UEFA Champions League
De UEFA Champions League is a eiropeischer Fuaßboibeweab fia Vareinsmonschoftn. De Champions League gibts oba a in ondare Kontinente und fia ondare Spuioatn. Se wiad vo da UEFA vaonstoitet. Da kloane Bruada vo da Champions League is da UEFA-Cup. Durt spuin di Monschoftn, dis net in de Champions League gschoft hom.
Gschicht
[Werkeln | Am Gwëntext werkeln]De Champions League haaßt eascht seit 1992/93 so, davua hots Eiropapokal vo de Londesmasta ghasn. De Idee fia den Beweab is Onfong da 50er entstondn und suit den Mitropapokal dasetzn. S easchte Mol is a im Joa 1955 austrogn wurn. Seit domois hot Real Madrid nein Moi gwunna, da FC Bayern Minga via Moi. De sponendstn Endspü aus jingara Vagongenhet san de vo 1999 und vo 2005. 1999 hot Menschester Juneited den FC Bayern Minga duach zwa Diadln in da Nochspuizeit 2:1 besiegt. 2005 hot da AC Mailand scho 3:0 gfiat, oba da FC Liverpool hot a no drei Diadln gmocht und se donn im Öfmetaschiassn duachgsetzt.
Spümodus
[Werkeln | Am Gwëntext werkeln]
Es gibt zeascht amol a Qualifikatioun im KO-Sistem. Donn san no 32 Monschoftn übrig de se in ocht Viaragruppn auftön. In dera Gruppnfasn spüt jede Monschoft sechs Spüle: Zwa Spüle gegn jedn vo di ondan drei aus ira Gruppn. De bestn zwa aus jeda Gruppn kumman donn weita in de KO-Rundn. Duat gibts donn imma a Hin- und a Rückspü. Es güt de Ausweatstoaregl. Wonns noch de 180 Minutn no unentschidn is, gibts a Valengarung (zwa Moi 15 Minutn) und wonns sei muass a Öfmetaschiassn. S Finale is nua a Spü und wiad of neitralem Bodn gspüt.
Endspüle
[Werkeln | Am Gwëntext werkeln]In dera Taböön siacht ma olle Finalspüle von da Champions League ob da Säson 1992/93.
| Säson | Stadion, Oat | Gwinna | Eagebnis | Zwoata Plotz | |
|---|---|---|---|---|---|
| 1992/93 |  Olympiastadion, Minga |
 Olympique Marseille |
1:0 |  AC Mailand | |
| 1993/94 |  Spyridon Louis, Athen |
AC Mailand |
4:0 |  FC Barcelona | |
| 1994/95 |  Ernst-Happel-Stadion, Wean |
 Ajax Amsterdam |
1:0 | AC Mailand | |
| 1995/96 | Olympiastadion, Rom |
Juventus Turin |
1:1 n. V., 4:2 i. Ö. | Ajax Amsterdam | |
| 1996/97 | Olympiastadion, Minga |
Borussia Dortmund |
3:1 | Juventus Turin | |
| 1997/98 | Amsterdam Arena, Amsterdam |
Real Madrid |
1:0 | Juventus Turin | |
| 1998/99 | Camp Nou, Baßelona |
 Manchester United |
2:1 | FC Bayern München | |
| 1999/00 | Stade de France, Paris |
Real Madrid |
3:0 | FC Valencia | |
| 2000/01 | Giuseppe-Meazza-Stadion, Mäland |
FC Bayern München |
1:1 n. V., 5:4 i. Ö. | FC Valencia | |
| 2001/02 |  Hampden Park, Glasgo |
Real Madrid |
2:1 | Bayer 04 Leverkusen | |
| 2002/03 | Old Trafford, Menschesta |
AC Mailand |
0:0 n. V., 3:2 i. Ö. | Juventus Turin | |
| 2003/04 | Arena AufSchalke, Gösnkiachn |
 FC Porto |
3:0 | AS Monaco | |
| 2004/05 |  Atatürk-Olympiastadion, Istanbul |
FC Liverpool |
3:3 n. V., 3:2 i. Ö. | AC Mailand | |
| 2005/06 | Stade de France, Paris |
FC Barcelona |
2:1 | FC Arsenal | |
| 2006/07 | Spyridon Louis, Athen |
AC Mailand |
2:1 | FC Liverpool | |
| 2007/08 |  Olympiastadion Luschniki, Moskau |
Manchester United |
1:1 n. V., 6:5 i. Ö. | FC Chelsea | |
| 2008/09 | Olympiastadion, Rom |
FC Barcelona |
2:0 | Manchester United | |
| 2009/10 | Estadio Santiago Bernabéu, Madrid |
Inter Mailand |
2:0 | FC Bayern München | |
| 2010/11 | Wembley Stadion, London |
FC Barcelona |
3:1 | Manchester United | |
| 2011/12 | Allianz Arena, Minga |
FC Chelsea |
1:1 n. V., 4:3 i. Ö. | FC Bayern München | |
| 2012/13 | Wembley Stadion, London |
FC Bayern München |
2:1 | Borussia Dortmund | |
| 2013/14 | Estadio da Luz, Lissabon |
Real Madrid |
4:1 n. V. | Atletico Madrid | |
| 2014/15 | Olympiastadion, Berlin |
FC Barcelona |
3:1 | Juventus Turin | |
| 2015/16 | Giuseppe-Meazza-Stadion, Mäland |
Real Madrid |
1:1 n. V., 5:3 i. Ö. | Atletico Madrid | |
| 2016/17 |  Millenium Stadium, Cardiff |
? | ? |
Außadem
[Werkeln | Am Gwëntext werkeln]De Trofee um dis geht is egantlich a Wandapokal. Eascht wemmas dreimol nochanonda oda fümfmol insgesomt gwunna hot deaf ma sis ghoitn. Jetzan homs scho des sechste Trofee. Se is 62 cm groß. De Monschoftn de in da Champions League mitspün kriagn olle an Haufn Göd. Alanich fias dabeisein in da Grupnfase gibts 4,4 Mijona Euro. Zu de Premien dazua gibts a no a Fernsegöd. Es gibt a a Himne zua Champions League. Se wiad imma am Ofong von an jedn Spü im Stadion gspüt. Bei dem Liadl singans auf Englisch, Franzesisch und Deitsch. Se is an Stickl vom Geoag Friedrich Händl nochempfundn.