Türkei

De Türkei (amtli: Republik Türkei, türkisch: Türkiye Cumhuriyeti, Abkiarzung T.C.) is a Staat in Asien (97 Prozent vo da Staatsflächn) und Eiropa (3 Prozent vo da Staatsflächn).

Inhoitsvazeichnis

1 Geographie
2 Historie
3 Politik
4 Eiwohna
5 Ökonomie
6 Quelln
7 Weblinks

[dro werkln] Geographie

De wichtigstn Städte san nem da Hauptstådt Ankara und der am Bosporus auf zwoa Kontinente glengna Stådt Istanbul no Izmir, Adana, Bursa, Diyarbakir und Erzurum. Nachbarlända san Griechnlånd, Bulgarien, Georgien, Armenien, Iran, Irak und Syrien.

[dro werkln] Historie

De Türkei is da Nachfolgestaat vom Osmanischen Reich nach am Erstn Weltkriag. Da Staatsgründer is da Mustafa Kemal „Atatürk“, der de Türkei durch gsellschaftliche Reformen nach am Vorbuild vo Eiropa modernisiert håt. Nach am Kriag mit Griechnlånd is 1922 zu am "Bevökerungsaustausch" kemma. Im Zwoatn Weltkriag war den Türkei nur wenig betroffn. As Militär håt öfters amoi putscht, 1989 zum drittn Moi. Ab da Mittn vo de 1980er Jahr is aa da Kurdnkonflikt öffentlich worn. 1998 is da PKK-Chef Abdullah Öcalan gfanga gnumma worn. Seit am 3. Oktober 2005 steht de Türkei in Beitrittsverhandlungen mit da EU.

[dro werkln] Politik

Seit 2002 is a neie Regierung unta da Führung vo da islamischen Partei fia Gerechtigkeit und Entwicklung AKP am Ruada. Da wichtigste Mo vo da AKP is da Recep Tayyip Erdogan, der aa Ministerpräsident is.

De Türkei versteht si ois a laizistische Republik, des Militär segt si ois Wächta vo dera Politik.

[dro werkln] Eiwohna

Am 1. Jänner 2008 håt de Türkei 70.586.256 Eiwohna ghabt. De Angam zu de Ethnien differiern je nachdem, welchane Quelln ma nimmt, stark. In ebba lem in da Türkei folgende Ethnien: 80 bis 85 % Türkn, ca. 15 bis 20 % Kurdn, 2 bis 3 % Zaza, 2 % Araba, 1 % Albana, 0,5 % Tscherkessen, 0,5 % Georgier und diverse andare ethnische Gruppn und Nationalitätn wia de Abchasen, Aramäer, Armenia, Bosniakn, Bulgarn, Griechn, Lasen und aa Tschetschenen.

99,8% vo de Eiwohna san Moslems. Ummara 80% san Sunniten, de restlichen 20% Aleviten.

[dro werkln] Ökonomie

Des Bruttoinlandsprodukt pro Eiwohna war 2007 7.197 US-Dollar. De Inflation war 2002 no bei 32 %. 2005 is de oide „Türkische Lira“ durch de „Neie Türkische Lira“ (Yeni Türk Lirası) ersetzt worn, de Inflation is iatz bei in ebba bei 7 %.

Seit 1996 håt de Türkei a Zollunion mit da EU, in de 51,6 % vo de Exporte gengan. De Industrie in da Türkei is um des Marmara-Gebiet rund um Istanbul ogsiedelt. De Türkei is a groaßa Textil- und Glåslieferant, da Fremdnvakehr spuit aa a wichtige Rolln.