Cheamgau

Der Artikl is im Dialekt Obaboarisch gschrim worn.

Koartn vom Chiemgau

Da Cheamgau (hochdeitsch Chiemgau) is a Landschaft im Freistaat Bayern in Südostn vo Obabayern.

Ausdehnung

Zum Chiemgau ghern Gebiete vom Landkreis Traunstoa und vom Landkreis Roasnham. Er dehnt si jeweils in ebba 50 km in Nord-Süd- und in West-Ost-Richtung um an Cheamsee aus.

• In Richtung Bad Reichenhall / Berchtesgaden schliaßt si da Rupertiwinke o. De Ortschaftn rechts und links vo da Traun bzw. da Alz ling oisamt im Cheamgau. Inzell guit ois „Tor“ vom Cheamgau zum Berchtsgodner Lond.
• In Richtung Westn gäit as Inndoi ois Grenz zum Boarischn Obaland.
• Im Südn han de Cheamgauer Alpn de Grenz.
• Im Nordn geht a bis zua Gmoa Schnoatsee.

Ortschaftn im Cheamgau

De folgenden Orte zäin zum Cheamgau:

• Prean am Cheamsee und as westliche Cheamseeufa mit St. Salvator, Urschalling, Hittenkira, Rimsting und Greimharting
• Seebruck und as nordwestliche Cheamseeuafa mit Breitbrunn, Gstadt, Gollenshausen, Ising
• Cheaming und as östliche Chiemseeuafa mit Stöttham, Hart, Grabnstätt, Winkl, Marwang, Sossau, Oberhochstätt
• Bernau am Cheamsee und as südliche Cheamseeuafa mit Übersee, Feldwies, Westerbuchberg, Osterbuchberg,
• Bad Endorf und as Seenland hinterm boarischn Meer mit Thalkirchen (Cheamgau), Hirnsberg, Antwort (Cheamgau), Mauerkirchen (Cheamgau), Hemhof, Hartmannsberg, Eggstätt, Höslwang, Halfing, Amerang, Schnoatsee, Waldhausen, Kirchstätt, Kienberg, Obing, Rabenden, Pittenhart, Seeon
• Simssee und Samerberg mit Stephanskirchen, Riedering, Neukirchen am Simssee, Pietzing, Söllhuben, Höhenmoos, Rohrdorf, Samerberg, Törwang, Grainbach, Stoakira, Roßholzen
• Aschau im Cheamgau und as Preandoi mit Sachrang, Höhenberg, Umrathshausen, Frasdorf, St. Florian, Wildenwart
• Des obare Achental mit Schleching, Streichen (Chiemgau), Raiten, Untawössen, Oberwössen, Marquartstoa, Niedernfels
• Des Grassauer Doi mit Grassau, Rouda Rottau, Staudach-Egerndach
• Untam Hoachfelln: Bergen, Bernhaupten, Vachendorf, Einharting, Bad Adelholzen, Maria Eck
• Reiter Winke mit Seegatterl und Winkemoos
• des Weiße-Traun-Doi mit Ruahpading, Siagsdorf, Eisenarzt und Vogling
• Inzell und des Doi vo da Roaden Traun mit Hammer
• Traunstoa mit Hochberg, Haslach, Ettendorf, Surberg, Kammer, Nußdorf (Chiemgau), Sondermoning, Waging am See, Wolkersdorf und Erlstätt
• Traunreit und des untare Traundoi mit Pierling, Traunwalcha, Pertnstoa, Sankt Georgen bei Traunreit, Stoa an da Traun
• Trostberg und des obare Alzdoi mit Ischl a.d.Alz, Poing (Chiemgau), Höllthal a.d. Alz,Truchtlaching, Baumburg, Altenmarkt, Mögling, Sankt Wolfgang (Altenmarkt), Schedling, Deinting, Heiligkreuz, Tacherting, Peterskirchen (Tacherting), Feldkirchen, Engelsberg und Emertsham.
• Palling und Freutsmoos wern mitunter aa scho zum Rupertiwinke zäit.

Namenserklärung und Historie

Da Nam Cheamgau und Cheamsee hängan mit dem Ortsnam Cheaming zam, der vom Personennama „Chiemo“ (7./8. Jahrhundert) her kimmt. Am End vom 8. Jahrhundert is der Nam „Cheamgau“ a as erste moi in Urkundn ois „Chimigaoe“ auftaucht und hod domois no a kleanas Gebiet um's Dorf Cheaming ummadum gmoant. Durch de Jahrhunderte hod si as Gebiet vom Cheamgau imma weita ausbroadd.