Anif

Anif
Basisdaaten
Bundeslånd:	Soizburg
Politischa Beziak:	Soizburg-Umgewung (SL)
Flächen:	7,6 km²
Koordinatn:	47° 45' N, 13° 4' O
Hächn:	434 m i. A.
Eihwóner:	4085 (1. Jén. 2016)
Dichten:	538 Eihwohna pro km²
Póstlaatzoi:	5081
Vuawoi:	06246
Gmaandkennziffer:	50 301
NUTS-Región:	AT323
Gmaandvawoitung:	Anifer Straße 10 5081 Anif
Webseiten:	www.anif.salzburg.at
Bólitik
Buagamoastarin:	Gabriella Gehmacher-Leitner (Liste Krüger)
Gmaandroot: (2014)	10 KRÜ, 5 ÖVP, 3 SPÖ, 2 Grüne, 1 FPÖ
s Schloss in Anif

Anif is a kloane Gmoa im östareichischn Bundesland Soizburg direkt am Stodrand vo da Landeshauptstod Soizburg und ghert zu ihra Agglomarazion. Ortsteile vo da Gmoa san: Anif, Nei-Anif und Nidaoim.

D' Namensherkunft vo Anif is vamutlich köitisch-illirischm Ursprung aus: Anapa, Anava, Anniva, Anua eemso wia Nidaoim: Albhanta, Albina, Alben, Albm.

Gschicht

Scho in da „Notitia Arnonis“ vo 788 is „d' Krichn beiAnif“ schriftlich gnaunnt worn. Durch s Gsetz vom 17. Juli 1884 is Anif midsaumt Nidaoim vo da Gmoa Grödig trennt worn.

Da easchte Buagamasta voAnif hod Schnöll Matthias (da Hoiznabaua) ghassn, wöicha de Funkzion vo 1895 bis 1898 ghobt hod und vom Mayr Rupert (Kaisabaua), obglöst worn is.

Seidher hod se Anif zua oana woihhomdn Gmoa entwigget.

Wobbm

s Wobbm vo da Gmoa is: „Gspoitn; vurn in Süiwa a schworza Odla; hintn in Blau pfoihweis mid da Sehne eiwärts kehrt a goidena Bong.“

Wirtschoft & Infrastruktur

Mid oana Flächn vo lediglich 7,6 km² zöiht Anif zua de klanstn Gmoan vom Bundesland Soizburg. Da hoche Auteil an Greoaland is 1998 noamoi wesntlich vagressat worn; mittl am mehrheitlichm Beschluss is im Dezemba 1998 a neia Flächnwidmungsplan in Kroft tretn, wodurch 500.000 m² Baulaund bzw. Gewerbegebiet in Greoalaund gwidmet worn san, wos vurwiengd d' Bauan z' vadaunkn is, de „Bauan“ bleim woin und desweng mid beträchtliche Umwidmungan eivastaundn gwesn san.

Mid da PGV Valora Media Austria und Sony san inAnif (eingtlich in Nidaoim) zwa grosse Betriebe augsiedlt. Weitare Betriebe befindn se im 1998 darrichtetn Gewerbepark.

Sehnswiadigkeitn

• Schloss Anif, da friaare Summasitz vo d Bischef vo Cheamsee
• d' Pforrkirchn voAnif
• da Friedhof: do befindt se as Grob vom Herbert vo Karajan

Sport

De Gmoa vafügt üwa a Sportaunlog, mid foingde Aunlong:

• 4 Tennisbläz
• 3 Fuasboiföidln (1 mid Tribüne, Kapazität: za. 300 Zuaschaua)
• 1 Basketboibloz
• 1 Beachvolleyboibloz
• 1 Skaterpark
• 1 Eisstogghoin

Da Fuasboivarein USK-Anif, is dozumois a östareichisch Zwoatligavarein gewsn, spüid derzeid (Saison 2007/2008) in da drittklassing Regionalliga West.

Sunstigs

Partnaschoftn

• Eppan an der Südtiroler Weinstraße (Appiano sulla Strada del Vino) in Italien

Politik

Buagamastarin ist de Gabriella Gehmacher-Leitner vo da Liste Krüger (KGÜ).

Büidung

In da Gmoa Anif gibt s a Voiksschui, an Kindagortn und an Hort.

Prominenz

• Herbert vo Karajan (1908-1989) in Soizburg geborn, hod in Anif glebt
• Louise Martini (*1931 Wean), Schauspielarin, lebt in Anif
• Ricardo Muti (1941 Neapel, Italien), Dirigent, wohnt in Anif

Im Netz

• Hoamseitn vo Anif
• Hoamseitn vo Niaderoim
• Gmoadatn vo Anif bei da Statistik Austria