Oiing

Aus Wikipedia
Wexln zua: Navigation, Suach
Der Artikl is im Dialekt Obaboarisch (Oiing) gschrim worn.
Disambig-dark.svg Dea Artikl do beschreibt de Gmoa Oiing. Fia den gleichnamigen Ortsteil vo Sinzing, schaug dort.
Wobbn Koartn
Wappen der Gmoa Oiing Koordinaten fehlen
Hilfe zu Kartenp1
Basisdatn
Bundesland: Bayern
Regierungsbezirk: Oberbayern
Landgreis: FiarschtnfoidbruckVorlage:Infobox Gemeinde in Deutschland/Wartung/Landkreis existiert nicht
Häh: 550 m ü. NHN
Fläch: 21,04 km²
Eihwohna: 3664 (31. Dez. 2014)[1]
Dichtn: 174 Einwohner je km²
Postloatzoi: 82239
Voawoi: 08141
Kfz-Kennzoachn: FFB
Gemeindeschlüssel: 09 1 79 113
Adress vo da
Gmoavawoitung:
Gmoa Oiing
Am Kirchberg 6
82239 Oiing
Hoamseitn: www.alling.de
Burgamoaschta: Frederik Röder (CSU)
Lage der Gmoa Oiing im Fiarschtnfoidbruck
Karte


Oiing oda Olling (hoachdeitsch: Alling) is a Gmoa im Sidosten vom obaboarischn Landgreis Fiarschtnfoidbruck, uma 25 km westli vo Minga. Zur Gmoa ghearn Olling, Biiwa, Hoizhausn, Germaschberg, Gogaschd, Angahof, Hoflach, Hoizkircha, Neiriad und Waaglsriad.

Oiinga Kirch

Gschicht[VE | Weakln]

As erschte Moi werd Olling um 802 in a Urkund ois Allingas und Allinga (bei de Leit vom Allo) schriftle feschdghoitn. De oiteste schriftliche Urkund von Biiwa (Biburg) is von oifhunderdfuchzk und von Hoizhausn 776. Soim is Biiwa Piburch und Hoizhausn Holzhusun (Haiser am Woid) gschrim worn. Nochdem de oanzoin Orte ob'm 9. Joarhundat zua vaschiedne Kleschda ghert hom, is durch de Säkularisation 1812 de Gmoa Olling entstandn. Im nainzehntn Joarhundat is am Starzlboch in da Näh von Roggnstoa a naie Siedlung (spaada Eichenau) entstondn. Mit de Leit aus dem Ortstoi Eichenau hots politische Spannungen gem. 1925 beschliaßn de mehrheitlich Eichenauer Gmoaräte de Valegung vo da Gmoavawoitung auf Eichenau. Noch 1945 erheht si de Bevoikerung enorm durch'n Zuazug vo Flichtling und Vertrieme. Am 1. Aprui 1957 is Eichenau a soibständige Gmoa worn. Sengswert is de Hoflacher Kapoin, de an de Schlacht bei Oiing erinnert. Bei dera Schlacht san 1422 de vafeindetn Heere vo de Wittelsbacher Herzög Ernst vo Boarn-Minga und Ludwig da Bartige vo Boarn-Ingoistod aufeinandertroffa. Aus Donkbarkeit iba sein Sieg loßt Herzog Ernst in de Joar danach de Kapoin baun und mit am 7 m langa Fresko ausschmickn. De Kapoin is Privateigentum und blos bei bsundre Anläß zuagänglich.

Politik[VE | Weakln]

De Sitzverteilung im Gmoarat.
Joar CSU SPD Dorfgmoaschaft
der Freien Wähler
Dorfgmoaschaft
Biiwa-Hoizhausn
Birgaschaft Oiing e.V. gsamt Woibeteiligung in %
2008 7 1 3 3 2 16 71,9
2002 6 1 4 3 2 16 74,2

Ökonomie und Infrastruktur[VE | Weakln]

Wirtschaft mitsamt Land- und Forstwirtschaft[VE | Weakln]

1998 hots in da Land- und Forschdwirtschaft 13, im Handwerk 222 und im Handl und Vakea 83 sozialvasicherungspflichtig Bschäftigte am Orbatsort gem. In sinschdige Wirtschaftsbereiche san am Orbatsort 102 Leit sozialvasicherungspflichtig beschäftigt gwen. Ois in oim hots 1055 sozialvasicherungspflichtig Bschäftigte am Wohnort gem. Im verarbatendn Gwerbe (und aa Bergbau und Gewinnung vo Stoana und Erdn) hots oan Betrieb, auf'm Bau fimf Betriebe gem. Außerdem hots im Joar 1999 54 Bauanhef mit a landwirtschaftlich gnutztn Flächn vo 1500 ha gem. Davo san 1311 ha Okchaflächn und 187 ha Wiesn gwen.

Buidung[VE | Weakln]

Im Joar 1999 hom de foigendn Eirichtunga existiert:

  • Kindagärtn: 125 Kindagartnplätz mit 121 Kinda
  • Voiksschuin: 1 mit 5 Lehra und 106 Schuikinda

Vareine[VE | Weakln]

  • Oigmoana Sportverein Biiwa (ASV)
  • Bloskapoin Oiing (BKA)
  • Bleamen und Gartnfreind Biiwa
  • Dorfgmoaschaft Oiing
  • Dorfgmoaschaft Biiwa-Hoizhausn
  • Flugmodellsportgruppe Oiing
  • Gospelchor „Allsing“
  • Freiwillige Feirwehr Oiing
  • Freiwillige Feirwehr Biiwa
  • Freiwillige Feirwehr Hoizhausn
  • JM Oiing
  • Jugendroatkreiz Oiing
  • Junge Union Oiing
  • Kolpingsfamilie Oiing
  • Kuitur- und Theatavarein Oiing (KTV)
  • Kurbl-Club Biiwa
  • Landjugend Oiing
  • Landjugend Biiwa
  • Ländlicha Reit und Fohrvarein Oiing
  • Parsberger Schitzn Oiing
  • Schitznvarein "Bei da Burg" Biiwa
  • Schitznvarein "Parsberga Schitzn" Oiing
  • Starzltoia Sängerrunde Oiing
  • TSV Oiing
  • Veterana- und Soidatnverein Oiing

Bsundaheitn im Oiinga Dialekt[VE | Weakln]

  • Vokalisierung von "el": In da Gengd um Oiing werd "el" zu "oi" vokalisiert. Ma sogt oiso z.B. "schnoi", "Goid", "Foid" und "soiba".
  • mittlhoachdeitsch "o": Wia im Siidboarischn is ausm mittlhoachdeitschn "o" a Zwiilaut "oa" worn. Ma sogt oiso z.B. "hoach", "road", "groaß" und "Kloaschda".
  • mittlhoachdeitsch "ê": De Werta, de im Mittlhoachdeitschn a "ê" ghobt hom, wern im siidboarischn mit am Zwiilaut "ea" gsprocha. In Oiing guit des nur no fir a boar Werta z.B. "Schnea", "wea", "Zeacha" und "Reah", de mehrern wern haint mit "ää" gsprocha z.B. "Sää". De männliche Form vo zwoa is friaras "zwean" gwen z.B. "zwea(n) Buam" werd obar woi scho ausgstarm sei.
  • "st": Durch an lechroanischn und siidboarischn Einfluß san an etla "st" Laute zu "schd"/"scht" worn oiso z.B. "feschd", "huaschdn", "Moaschda", "Fenschda", "Neschd", "Koschdn", "Pfingschdn", "Auguschd", "hoschd", "woaschd" und "kimmscht". De "scht/schd/sch" Aussproch guit oba net fir olle Werta. "Schuasta" und "Schwesta" werd zum Beispui mit "st" gsprocha.
  • "-ck-": A "ck" innerhoib an Wort werd wia "kch" gsprocha z.B. "Okcha", "brokcha", "schtekcha", "zwickcha" … "Lakchl".

Vui von dene sprochlichn Bsundaheitn san heint bedroht daß vagessn und vadrängt wearn. Da Einfluß aus Minga, vo de vuin "Zuagroastn" und vom Mediendeitsch is aa z'Oiing ziemli groaß.

Beleg[VE | Weakln]

  1. Bayerisches Landesamt für Statistik – Tabelle 12411-001: Fortschreibung des Bevölkerungsstandes: Bevölkerung: Gemeinden, Stichtage (letzten 6) vom Oktober 2015 (Einwohnerzahlen auf Grundlage des Zensus 2011) (Hilfe dazu).

Literatua[VE | Weakln]

  • Dr. Bernhard Stör und Traudl Albrecht: Die Mundart von Puchheim und Umgebung (Landkreis Fürstenfeldbruck)

Im Netz[VE | Weakln]

 Commons: Oiing – Oibum mit Buidl, Videos und Audiodateien
→ Dea Artikl basiad auf ara frein Ibasetzung vom säim Artike in da Wikipedia af deitsch.