Tirknföld

Aus Wikipedia
Wexln zua: Navigation, Suach
Woppn Koartn
Wappen vo da Gmoa Tirknföld
Tirknföld
Deutschlandkarte, Position vo da Gmoa Tirknföld hervorgehoben
48.11666666666711.083333333333599Koordinaten: 48° 7′ N, 11° 5′ O
Basisdatn
Bundesland: Bayern
Regiarungsbeziak: Oberbayern
Landgreis: Landgreis FiarstnfoidbruckVorlage:Infobox Gemeinde in Deutschland/Wartung/Landkreis existiert nicht
Häh: 599 m ü. NHN
Fläch: 15,95 km²
Eihwohna: 3780 (31. Dez. 2015)[1]
Dichtn: 237 Eihwohna je km²
Postloatzoi: 82299
Voawoin: 08193 und 08144Vorlage:Infobox Gemeinde in Deutschland/Wartung/Vorwahl enthält Text
Kfz-Kennzoachn: FFB
Gmoaschlissl: 09 1 79 149
Gmoagliedarung: 6 Ortstei
Adress vo da
Gmoavawoitung:
Schloßweg 2
82299 Tirknföld
Hoamseitn: www.tuerkenfeld.de
Buagamoasta: Pius Keller (CSU)
Log vo da Gmoa Tirknföld im Landgreis Fiarstnfoidbruck
Karte


Tirknföld oda Tirkafeld (amtli: Türkenfeld) is a Gmua im obaboarischn Landgreis Fiarstnfoidbruck.

Geografie[VE | Weakln]

Tirknföld liggt ummara 14 km sidweschtli vo Bruck und 37 km weschtli vo Minkcha. Zur Gmua ghearn de Ortstoale Burgholz, Klotzau, Tirknföld, Peitnmül, Pleitmonswang und Zankahausa.

Gschicht[VE | Weakln]

Des ehemolige Schloss, heint Sitz vo dr Gmoavawoitung

De ölteschte Urkund vo Tirknföld is as Soizburga Urkundnbuach Breves Notatiae. Do is firs Joar 749 dr Ortsnama ols "Duringueld" aufgschriba wora [2]. Dr Nama "Duringueld" geat auf'm Personanama "Durinc" zruck. Durchn Einfluß vo de Tirknkriag hot se dr Nama auf Tirknföld gändert. Weschtlich vo Zankahausa liggt no a Viereckschanz, de worscheinlich zastert wora is.

Aus'm Frihmittloltr kon ma nerdlich vo Tirknföld und Peitnmül no Reihngräwerföldar findn. Eschtli vo Burgholz find ma no aus dr sölbm Zeit a Obschnittbefeschtigung de oft folsch Remarschanzn [3] gnennt werd.

As Joar 1818 is Tirknföld mid'm Orttoal Klotzau Gmua wora. Im sölbm Joar is Zankahausa mit de Gmuatoale Burgholz, Peitnmül, und Pleitmonswang ols Gmua grindt wora. Burgholz is 1872 on de Gmua Tirknföld ganga. De Gmuana Tirknföld und Zankahausa hot ma eascht am 1. Jennar 1972 zsammgschlossn.[4]

Politik[VE | Weakln]

Gmuarot[VE | Weakln]

Dr Gmuarot setzt se momentan wia folgt zamm:

  • CSU 7 Sitz (Partei stöllt'n easchtn und zwoatn Burgarmoaschtr)
  • Darfgmuaschaft 5 Sitz
  • FW 5 Sitz

Woppn[VE | Weakln]

Am 5. Novembar 1971 is as Woppn vo dr Regierung vo Oberbayern genehmigt wora. As Woppn zoagt in dr Mittn an Pfal mit am zwoareihign roat weißm Schachbrettmuschtr. In dr linkn Hölftn neban Pfal siggt ma zwoa schrägkreizte goldne Streitkolbn auf schworzn Hintrgrund und in dr rechtn Hölftn drei blaue Lindnblättlen an am gwundna Stingl.

Dr roat weiß gmuschterte Pfal is ols Schrägbolkn a heroldischs Zoacha vo de Zisterzienser, de ols Grundherrschaft im Gmuagebiet vo Bedeitung warn. Mit dem Pfal werd olso a Verbindung zur Zisterzienserabtei Firschtnföld hergstöllt. De gekraiztn Streitkolbn stamma ausm Woppn vom Ortsodlsgschlecht dr Tirknföldr (vo Durgenfeld), de easchtmols am End vom 12. Joarhundert nochweisbar sen. Dene eana Sach is scho im 14. Joarhundert zum oan Toal ans Kloaschtr Firschtnföld und zum andern Toal an de spadare Odlshofmark Tirknföld iwerganga. De Lindnblättlen an am gwundna Stingl sen ausm Woppn vo de Staudinger iwernumma, de vo 1569 bis 1598 de Hofmark Tirknföld bsessa hom.[5]

As Woppn is vom Heraldiker Heinz C. Bessling aus Gauting gestoltet wora.

Sechnswirdigkeitn[VE | Weakln]

Blick vom Schianeberg bei Zankahausa noch Sidn
  • Fuggerschloss z'Tirknföld
  • Pforrkurcha Mariä Himmelfahrt z'Tirknföld
  • Pforrkurcha St. Johann Baptist in Zankahausa
  • Frihmittlolterliche Obschnittbefeschtigung sideschtlich vo Tirknföld
  • Benediktiner-Erzabtei St. Ottilien (liggt 4 km vo Tirknföld weg aufm Gmuagebiet vo Eresing)
  • Aussichtspunkt Schianeberg nerdlich vo Zankahausa mit am schiana Blickch iwern Ammrsea und di Boarischn Olpm.

Büldung[VE | Weakln]

Tirknföld hot a Grundschual, a Mittlschual und zwoa Kindergärtn mit Kindergrippm de zur Gmua ghern.

Dialekt[VE | Weakln]

Z'Tirknföld werd Leechroanisch gsprocha. Im oltn tirknfölder Dialekt werd "l" und "r" it vokalisiert und es geit vül schwäbische und siidboarische Einflisse. Durch de S-Bon sen vül Leit auf Tirknföld zuazoga de koa leechroanisch it sprecha.

Bekonnte Leit[VE | Weakln]

Beleg[VE | Weakln]

  1. Bayerisches Landesamt für Statistik – Tabelle 12411-001: Fortschreibung des Bevölkerungsstandes: Bevölkerung: Gemeinden, Stichtage (letzten 6) vom Juli 2016 (Einwohnerzahlen auf Grundlage des Zensus 2011) (Hilfe dazu).
  2. Die Türkenfelder Ortsgeschichte
  3. Die Türkenfelder Ortsteile
  4.  Wilhelm Volkert (Hrsg.): Handbuch der bayerischen Ämter, Gemeinden und Gerichte 1799–1980. C.H.Beck’sche Verlagsbuchhandlung, München 1983, ISBN 3-406-09669-7. Seite 466
  5. Haus der Bayerischen Gschicht

Im Netz[VE | Weakln]

 Commons: Tirknföld – Sammlung vo Buidl, Videos und Audiodateien
→ Dea Artikl basiad auf ara frein Ibasetzung vom säim Artike in da Wikipedia af deitsch.