Rohrbrunner Forst

Log im Landkroas Aschaffenburg

Da Rohrbrunner Forst is a 39,05 km² grouß gmoafreies Gebiet im Landkroas Aschaffenburg im bayerischn Spessart. Des Gebiet is komplett bewoidt.

Geografie

Log

Da Rohrbrunner Forst is des flächnmäßig greßte gmoafreie Gebiet vo Untafrankn unds aktuej siemtgreßte in Bayern. Er umschliaßt voiständig de nomansgemde Gemarkung Rohrbrunn, wejche heit ois Exklave zua Gmoa Weibersbrunn gheat. Im Rohrbrunner Forst lieng de drei hechstn Gipfe vom Spessart: da Geiersberg mid 586 m i. NHN, de Lärchhöhe mid 573 m i. NHN und de Hohe Warte mid 573 m i. NHN. Des gmoafreie Gebiet reicht vom Echterspfahl (zu Mespelbrunn), der im Westn ois Enklave im Forst liegt, bis noch Erlenfurt (zu Rothenbuch) im Hafenlohrtal im Nordostn. A weitare Enklave im Rohrbrunner Forst is des zu Weibersbrunn gheande untare Rohrwiesenbachtoi. Im aißastn Sidostn vom gmoafreien Gebiet befindt se da Haselbrunnen, de Quej vom Haslochbach. Uma 500 m sidwestli davo, liegt am Rond vom Forst da Punkt, wo de Landkroas Aschaffenburg, Main-Spessart und Miltenberg zammtreffn.

Nochboagmoana

Waldaschaffer Forst (gmoafreies Gebiet)	Gmoana Rothenbuch und Weibersbrunn
Gmoana Mespelbrunn und Heimbuchenthal		Fürstlich Löwensteinscher Park (gmoafreies Gebiet)
Gmoa Dammbach	Gmoa Altenbuch	Gmoa Bischbrunn

Sender Breitsol

Natuaschutz

Foignde Natuaschutzgebiete lieng voiständig oda teiweis aufm Gebiet vom Rohrbrunner Forst:

• Auenwoid bei Erlenfurt (NSG-00562.01)
• Hafenlohrtoi (NSG-00333.01)
• Naturwaldreservat Eichhall (NSG-00740.01)
• Naturwaldreservat Hoher Knuck (NSG-00596.01)
• Rohrberg (NSG-00116.01)

Vakeah

Duachn Rohrbrunner Forst valaffn de A 3, de Stootsstroßn 2312 (ehem. B ) vo Hessenthal noch Bischbrunn, de St 2316 vo Krausenbach noch Rothenbuch und de Stootsstroß 2317 vo Schollbrunn noch Rohrbrunn.

Zwoa historische Happtstroßn fiahn duachn Rohrbrunner Forst: da Eselsweg und de Poststroß.