Rothenbuch

Basisdotn
Bundesland:	Bayern
Regiarungsbeziak:	Untafrankn
Landkroas:	Landkroas Aschaffenburg
Hechn:	365 m ü. NHN
Flächn:	7,05 km2
Eihwohna:	1761 (31. Dez. 2020)
Bevökarungsdichtn:	250 Einwohner je km2
Postleitzoien:	63860,; 97840 (Erlenfurt, Lichtenau)
Voawoi:	06094
Autokennzeichn:	AB, ALZ
Gmoaschlissl:	09 6 71 148
Gmoagliedarung:	1 Ortstei
Address vo da; Gmoavawoitung:	Schloßplatz 1; 63860 Rothenbuch
Webseitn:	www.rothenbuch.de
Buagamoasta:	Gerhard Aulenbach (SPD)
Log vo da Gmoa Rothenbuch im Landkroas Aschaffenburg
	Karte

Rothenbuch is a Gmoa im untafränkischn Landkroas Aschaffenburg.

Geografie

Geografische Log

Rothenbuch liegt in da Region Bayerischer Untermain, im Herz vo Deitschlands greßtm Laubwoidgebiet, dem Spessart. Zua Gmoa Rothenbuch zäjn aa de uma 8 bzw. 9 km entfeantn Weiler Lichtenau und Erlenfurt im Hafenlohrtoi, de de Postleitzoi vo da Gmoa Hafenlohr (Kroas Main-Spessart) trong, se jedoch no im Landkroas Aschaffenburg befindn. Rothenbuch weist a vakeahsgünstige Log zwischn am Rhein-Main-Gebiet mid seina Metropole Frankfurt am Main und da Region Wiazburg auf. De nechstglengne Stod is Lohr am Main im Ostn. Den Flughafen Frankfurt eareicht ma in uma 40 Minutn, nechstglengna ICE-Bohhof is Aschaffenburg (20 Minutn). Da topografisch hechste Punkt vo da Gmoagemarkung befindt se mid 470 m ü. NN sidöstli vom Ort, on oam Nemgipfe vom Königsbeag, da niedrigste liegt in da Nechn vo Erlenfurt on da Hafenlohr auf 231 m ü. NN.

Gmoagliedarung

Rothenbuch hod oan Ortstei fia via Siedlunga^[2] auf oana Gemarkung:

Rothenbuch
- Erlenfurt
- Lichtenau
- Steinmühle

Nochboagmoana

	Rothenbucher Forst (gmoafreies Gebiet)
Rothenbucher Forst (gmoafreies Gebiet)		Rothenbucher Forst (gmoafreies Gebiet)
Gmoa Weibersbrunn	Rohrbrunner Forst (gmoafreies Gebiet)	Fürstlich Löwensteinscher Park (gmoafreies Gebiet)

Gschicht

Rothenbuch ghead zu de äjdasdn und bedeidandsdn Orte vom Innaspessart. De easchde uakundliche Eawähnung „zuo den Rodenboychen“ stommd ausm Joar 1318.

Im Joar 1342 is, on da Quej vo da Hafenlohr, midm Bau vo om Schloss in Rothenbuch ogfonga worn. De easchdn Bewohna diafdn ois Jogdfröna beim Schloss ogsiedld worn sei. Im Bauankriag 1525 is's Schloss stoak bschädigd bzw. zastead worn. 1566 is's Schloss af Weisung vom Mainza Kuafiascht Daniel Brendel vo Homburg wieda afbaud und eaweidad worn.

Im Joar 1862 is's Beziaksamt Aschaffenburg buidd worn, af dessn Vawoitungsgebiet Rothenbuch gleng is.

Rothenbuch woa 1939 oane vo de 26 Gmoana im Landkroas Lohr am Main (spätas Kfz-Kennzeichn: LOH). Mid da Afläsung vom Landkroas Lohr is Rothenbuch 1972 in an nei buiddn Landkroas Aschaffenburg (Kfz-Kennzeichn: AB) kemma.

Vo 1977 bis 1993 hod Rothenbuch a Vawoitungsgmoaschoft mid Waldaschaff und Weibersbrunn buidd. Om 1. Jenna 1994 hod Rothenbuch wieda sei gmoaliche Sejbstständigkeit earunga.

Eihwohnaentwicklung

1900: 0993 Eihwohna
1950: 1476 Eihwohna
2007: 1975 Eihwohna
2015: 1764 Eihwohna

Noma

Etymologie

Da urspringliche Noma Rodenboychen bsteht aus de oidhochdeitschn Weata rod und poiche und bedeit Rotbuche.^[3]

Friahare Schreibweisn

Friahare Schreibweisn vom Ort aus diversn historischn Koartn und Urkundn:^[3]

1318 Rodenboychen
1342 Rodenboich
1477 Rottenbuch
1511 Rotenbuch

1532 Rottenbuch
1559 Rodenbuch
1686 Rothenbuch

Kultur und Sehenswirdigkeitn

Baudenkmoi

As Forsthaus ausm Joar 1576 is noch sechsjähriga Renoviarung im Oktoba 2013 vom stootlichn Forstbetrieb wieda iwanumma worn.^[4]

Wiatschoft und Infrastruktur

Vakeah

Rothenbuch liegd 7 Kilometa vo da Bundesautobahn 3 (Ausfoaht Weibersbrunn) entfeand. De Bundesstroß 26 Aschaffenburg-Wiazburg valaffd in oana Entfeanung vo 3 Kilometa.

Rothenbuch wead mid Busse vo Aschaffenburg und Lohr bedient.