Wikipedia:Qualitetssicharung/Archiv/2018

Israel

Waunn ma den Atikl auf weanarisch mocht, miassat ma einglich "Israö" sogn. Ausn "el" wiad bei uns immaraa "ö" wia bei "Öbogn"(Ellbogen), "schnö"(schnell). Sogoa waunn a "h" dazwischn is, wia bei "Möö"(Mehl). Moch ma des ? --RobTorgel (dischkrian) 17:02, 9. Jen. 2018 (CET)

Stimmt, kunnt ma macha, i bin owa fia Israel. Bei Stootn bin i dafia, dass ma Nam nehma, wo im Ost- und Westmittlboarisch guad vaständli san. (I wor iwrigns aa geng Öisass fia Elsass, obwoi des koa Stoot is). Oba an mia sois ned lieng. --Joe Watzmo (dischkrian) 07:36, 10. Jen. 2018 (CET)

ealedigt Ealedigt --Joe Watzmo (dischkrian) 12:49, 27. Feb. 2018 (CET)

Michael Haas

Is noned featich, do fäuts no an da dichtarischn Karriere --RobTorgel (dischkrian) 12:28, 12. Jen. 2018 (CET)

Sprochbox-Föhla

Bei da Infobox Poinische Sproch vaschluckts de Zeun "Minderheitensprache" nebst de entsprechandn Lända. Kaun wea des grodbegl? --Zwentibold (dischkrian) 10:44, 22. Jen. 2018 (CET)

ealedigt Ealedigt Update gmocht (hiaz is de Box zwoar neama net so schee, dofia funzts :) --Muadabuali (dischkrian) 13:21, 28. Jen. 2018 (CET)

Roß

Wie mochn ma des? Eigentlich schreibt man Ross mit zwaa "s". in unsan "Ross"-artikl steht oba so konsequent "Roß" min schoafn "s", doss i ma denkt hob, i frog amoi, wia ma des ham woin : "Ross" oder "Roß" ? --RobTorgel (dischkrian) 11:07, 27. Jen. 2018 (CET)

PS:I fiacht, doss des Wuat in unsara Wiki wos-waass-i-wia-oft vuakummt --RobTorgel (dischkrian) 11:12, 27. Jen. 2018 (CET)

Do hods scho a Obstimmung gem: pro Roß, schaug Disk vo Roß (natiale kunnt ma des aa wieda endan). Wei eigentli song ma im Boarischn Roos und af koan Foi preissisch Ross ;) --Joe Watzmo (dischkrian) 21:06, 27. Jen. 2018 (CET)

ealedigt Ealedigt --Joe Watzmo (dischkrian) 12:48, 27. Feb. 2018 (CET)

Ungarisch

Is des wiakli a so gmaant, doss a Begriffsklearung auf si söwa valinkt? Iachandwia kummt ma des söötsaum vua. --Zwentibold (dischkrian) 10:27, 31. Jen. 2018 (CET)

ealedigt Ealedigt Hob den Bledsinn korrigiat. --Joe Watzmo (dischkrian) 12:18, 31. Jen. 2018 (CET)

Haura-Sprochlinks

Do gibts zwaa Sträng: ana geht iwan Standartdeitschn Winzer https://de.wikipedia.org/wiki/Winzer, da aundare iwan englischn Vintner https://en.wikipedia.org/wiki/Winemaker. Kunnt ma de net iachandwia zaumlegn? Brauchts do an Admin?--Zwentibold (dischkrian) 21:33, 9. Feb. 2018 (CET)

Links af olle zwoa Sträng, ohne Zommleng. D Links vom kloanan Strong untn im Artike eihbaut. Wei gnau gnumma gibts af Wikidata an Untaschied im Sinn vo Weibaua versus Weitandla. Natiale iagndwo a Bledsinn, oba misch ma uns do liaba net eine i d Hoarspoitarei. --Muadabuali (dischkrian) 18:38, 10. Feb. 2018 (CET)

ealedigt Ealedigt --Joe Watzmo (dischkrian) 12:48, 27. Feb. 2018 (CET)

Vaständnisfrog: Gbiat, bliabt

Nuar a Vaständnisfrog: san de Fuaman "Gbiat", "bliabt" in etliche Artikln echt oid bajuwarisch, oda neiche Wuatbüdungan? Mia söwa kummt des net so bekaunnt vua, des haaßt owa nu laung nix, zweng dem frog i do amoi noch.--Zwentibold (dischkrian) 11:45, 17. Apr. 2018 (CEST)

De Fuamen gibts nit, des is a Kaas. I schaug, ob i des mid AWB korrigian ko. --Howan Hansi (dischkrian) 15:34, 10. Jun. 2018 (CEST)

ealedigt Ealedigt --Joe Watzmo (dischkrian) 08:02, 18. Jun. 2018 (CEST)

measse Joe. --Howan Hansi (dischkrian) 05:08, 22. Jun. 2018 (CEST)

OmniROM

A mol drüba schaun
Is richtig da's i an name Xplodwild zu Xplodwuid ei geboarischt hob?--Futurwiki (dischkrian) 09:54, 9. Jun. 2018 (CEST)

Guad, i schaug mas oo --Howan Hansi (dischkrian) 15:35, 10. Jun. 2018 (CEST)

ealedigt Ealedigt Futurwiki, i hobs a weng iwaorbad. Nam vo Persona biddschee nia vaendan. --Howan Hansi (dischkrian) 16:01, 10. Jun. 2018 (CEST)

Langobarden, Intanazionala Dåg fu da Muataschbråch

I glaub de Umändarung von an Artikl auf a Weidaleitung bringts net wiakl. --Zwentibold (dischkrian) 08:52, 9. Jul. 2018 (CEST)

ealedigt Ealedigt Do host woi Recht. Bledsinn revertiad. --Joe Watzmo (dischkrian) 20:27, 9. Jul. 2018 (CEST)

Leopoidstoda Tempe

Mir kummt des foisch vua: I tädat sogn "Leopoidstädta Tempe". I nimm au, des is wia mit de Diminutiv, wo a Vadunklung aa vaschwind.

Hamma an Weana do, dea wos des widalegt oda b'stätigt? --RobTorgel (dischkrian) 10:53, 28. Jul. 2018 (CEST)

+1 Oiso mia såg'n Leopoidstod (oda Leopoidståd) owa Leopoidstädta Tempe, seas, --Michl aus Wean (dischkrian) 18:07, 28. Jul. 2018 (CEST)

Daunkschee, Michi. Is no wea do? I woat a wengl, dann vaschiab i den Atikl --RobTorgel (dischkrian) 10:17, 29. Jul. 2018 (CEST)

ealedigt Ealedigt erl. und ois ausbessat, wos i dawuschn hob --RobTorgel (dischkrian) 15:49, 30. Jul. 2018 (CEST)

Ökologisch-Demokratische Partei

Do hods wos mid da Sproch, i schätz, des soit Oidbayrisch sei, waaß owa ned genau. Kunnt se des biddschee wea aus Bayern auschaun?--Zwentibold (dischkrian) 15:53, 30. Jul. 2018 (CEST)

i waaß ned, an Impafekt ("wurde 1982") gibz in kaan neichn oda oidn Boarisch. I sog, des is a Kaas --RobTorgel (dischkrian) 16:10, 30. Jul. 2018 (CEST)

Jo, des stimmt scho, owa gwisse Ölemente im Text san in de Richtung gaunga, doss iachandwia Obabayrisch sei hädd soin (waun aa schlecht gmocht). I hob jetzn mei gaunzas Wissn vom Bayern-Bayrisch zaumgnumma, und prowiad, doss i de ärgstn Fiisch ausbegl. Kolegn aus Bayern, I hoff es kummt eich net des Speibm ;-P--Zwentibold (dischkrian) 09:53, 3. Aug. 2018 (CEST)

ealedigt Ealedigt Bin zwoa ned aus da Gegnd, aber i finz ok, so, wias jezan is. Daunk da schee, zwenti ! --RobTorgel (dischkrian) 12:18, 3. Aug. 2018 (CEST)

Bloudan

I waass ned recht: soi i des leschn? An Atike iwa Bloosn waarat jo recht, obara so? I kaunn den Dialekt ned identifizian. --RobTorgel (dischkrian) 16:56, 10. Okt. 2018 (CEST)

Der Dialekt mit den gestürzten Diphthongen ist wohl nordbairisch, aber inhaltich ist der Artikel natürlich eher dürftig ... --Holder (dischkrian) 21:01, 10. Okt. 2018 (CEST)

ealedigt Ealedigt Nojo, i hob den Artikl erweitert, oba auch Weanarisch, wäu nordbairisch kau i ned goa guat --RobTorgel (dischkrian) 11:13, 11. Okt. 2018 (CEST)

Italienisch, Swahili, Nationalpaak Berchtsgoan

Schauts eich amoi de Veasionsgschichtn au! Soi ma des echt so duachgeh lossn? Mia waa s jo wuascht, hob gnua aundan Stress...--Zwentibold (dischkrian) 20:46, 15. Okt. 2018 (CEST)

ealedigt Ealedigt Naa, loss ma ned duachgeh. Dangda Zwentibold! Da Drahdi is hoid leida unbeleahbor. Ea moants guad, owa... --Joe Watzmo (dischkrian) 21:08, 15. Okt. 2018 (CEST)

Rachel Maddow‎

Des is eignlich a Frau. Wo tamma mid de Kategorien? De san auf Männa ausgricht --RobTorgel (dischkrian) 09:52, 6. Dez. 2018 (CET)

ealedigt Ealedigt A Supafrau, desweng glescht. De vadient an gscheidn Artike und koan hiigroztn. --Joe Watzmo (dischkrian) 10:15, 8. Dez. 2018 (CET)

yep, desweng nei afglegt --Muadabuali (dischkrian) 12:27, 8. Dez. 2018 (CET)

Kategorie:Komiker

I waaß ned, do gibz aane oda mehrare IP, de an gaunzn Haufn amerikanischa TV-Leit eitrogt, oba olle ois Komika. Mia wern olle Eiträg tscheckn miassn, des is a Oaweit fia aan, der wos Vota und Muada daschlogn hod --RobTorgel (dischkrian) 10:39, 6. Dez. 2018 (CET)

Das ist jemand, der dies seit Jahren in allen Sprachversionen der Wikipedia macht, immer mit der Kopie des ersten Satzes aus dem Artikel Robin Williams. Das führt das überall zu solchen Artikeln wie

Angelia Jolie woa a amerikanischa Komika und Schauspuia, Abraham Lincoln woa a amerikanischa Komika und Schauspuia usw.

Als Global Admin kann ich nur empfehlen, das alles gleich zu löschen, wenn ihr das jeweils nachkorrigiert, macht ihr die barwiki nur attraktiv für diesen Troll. --Holder (dischkrian) 07:24, 7. Dez. 2018 (CET)

mmh, is vielleicht des Beste. --RobTorgel (dischkrian) 09:04, 8. Dez. 2018 (CET)

ealedigt Ealedigt d accord. --Joe Watzmo (dischkrian) 10:20, 8. Dez. 2018 (CET)