Zochaberg

Aus Wikipedia
Zur Navigation springen Zur Suche springen
Der Artikl is im Dialekt Niedaboarisch gschriem worn.


Woppn Deitschlandkoatn
Woppn vo da Gmoa Zochaberg
Zochaberg
Deitschlandkoatn, Position vo da Gmoa Zochaberg heavoaghobn

Koordinaten: 48° 58′ N, 13° 0′ O

Basisdotn
Bundesland: Bayern
Regiarungsbeziak: Niedabayern
Landkroas: Landkroas RengVorlage:Infobox Gemeinde in Deutschland/Wartung/Landkreis existiert nicht
Vawoitungs­gmoaschoft: Ruhmannsfelden
Hechn: 602 m ü. NHN
Flächn: 27,31 km2
Eihwohna: 2066 (31. Dez. 2020)[1]
Bevökarungsdichtn: 76 Einwohner je km2
Postleitzoi: 94239
Voawoi: 09929
Kfz-Kennzeichn: REG
Gmoaschlissl: 09 2 76 146
Gmoagliedarung: 37 Gemeindeteile
Address vo da
Gmoavawoitung:
Am Rathaus 1
94239 Ruhmannsfelden
Webseitn: www.zachenberg.de
Buagamoasta: Hans Dachs (CSU)
Log vo da Gmoa Zochaberg im Landkroas Reng
Karte

Zachabea is a Gmoa im niedaboarischn Landkroas Reng und Mitglied vo da Vawoitungsgmoaschoft Ruhmannsfelden. Da gleichnomige Hauptoat is Sitz vo da Gmoavawoitung.

Eadkund[Weakln | Am Quelltext weakln]

Geografische Log[Weakln | Am Quelltext weakln]

Zachabea liegt in da Region Doana-Woid im Däsnadoi inmittn vom Boarischn Woid am Noadfuaß vom Oaeadriagl (1121 m) und am Pfoi ungefähr 17 km südeastle vo Vejda, zwejf km westle vo da Kroasstod Reng sowej 18 km neadle vo Degndoaf (A 92. Am Gmoagebiet befindn se zwou Bahnstationa vo da Waldbahn in Gottzej Bahnhof und in Triefnriad. De bietnd a stündliche Vabindung mit Plattling und Boarisch Äsnstoa.

Gmoagliedarung[Weakln | Am Quelltext weakln]

Es gibt 37 Gmoateile:

Es gibt nua de Gemarkung Zochaberg.

Gschicht[Weakln | Am Quelltext weakln]

Bis zua Gmoagründung[Weakln | Am Quelltext weakln]

Da Oat is in ana Urkundn vom Klousta Obaalteich asm Jo 1274 ois Zaekkenperg eastkundle gnennt. Es liegt da bajuwarische Personanama Zacco zgrund, dea a Edlmo war (nobilis Viri Zacchonis) und im 12. Joahrhundat sei Guat dem Klousta Obaoida gschenkt hot. Zachabea gheat zum Rentamt Strawen und zum Landgricht Vejda vom Kuafiaschtndum Bayern. Des Klousta Gottzej hot do bis zu seina Aafhebung im Jo 1803 de Niedare Grichtsboakeit iba seine oaschichtign Untatanen (offane Hofmark) khod. Im Zug vo de Vawoitungsrefoama im Kinereich Bayern is mit dem Gmoaedikt vo 1818 de Gmoa entstandn.

Eiwohnaentwicklung[Weakln | Am Quelltext weakln]

Zwischn 1988 und 2018 is de Gmoa vo 2023 aaf 2069 um 46 Eiwohna bzw. 2,3 % gwachsn:

  • 1961: 1873 Eiwohna
  • 1970: 1963 Eiwohna
  • 1987: 2046 Eiwohna
  • 1991: 2103 Eiwohna
  • 1995: 2072 Eiwohna
  • 2000: 2097 Eiwohna
  • 2005: 2132 Eiwohna
  • 2010: 2139 Eiwohna
  • 2015: 2073 Eiwohna

Politik[Weakln | Am Quelltext weakln]

Gmoarot[Weakln | Am Quelltext weakln]

De Kommunoiwai 2020 hot foigande Sitzvateilung abrocht: CSU: 6 Sitz Freie Wählagemeinschoft Zachabea: 5 Sitz Freie Wählagemeinschoft Triefnriad: 3 Sitz

Buagamoasta[Weakln | Am Quelltext weakln]

Ersta Buagamoasta is da Hans Dachs (CSU). In da Stichwai zu de Kommunoiwain in Baiern 2020 hot se dea am 29. März 2020 mit 53,4 Prozent gega d Regina Penn (FWG Tiefnriad) duagsetzt. Vo 2008 bis 2020 hot da Michael Dachs (FWG Triefnriad) ois Ersta Buagamoasta amtiert.

Wappn[Weakln | Am Quelltext weakln]

Blasonierung: "Iba goidna Dreibeag gspoitn, voan vo Rot und Suiba gspoitn, blegt mit am goidna Boikn, hintn in Rot a in drei Reihn vo Blau und Suiba grauteta Boikn. Wappnfiahrung seit 1985.

Kuitua und Sehnswiadekeitn[Weakln | Am Quelltext weakln]

Baudenkmäla[Weakln | Am Quelltext weakln]

  • Eisnbahnbruckn, Zachabeabruck
  • Bahnhof Gottzej
  • Buidstock, Pestsein Hafnriad
  • Hofkapejn, Hintadietzbea
  • Ehemoligs Bahnwärtahäsl, Klessing
  • Oatskapejn, Keackasriad
  • Wegkapejn Leuthn
  • Kapejn viazea Nothejfa, Voadadietzbea
  • Buidstock, Pestsein, Obafejd
  • Kapejn, Weichslriad
  • Woidkapöjn,Weichslriad
  • Kapöjn Zochabeag
  • Woidkapöjn mit Hoizgiebe, im Woid neadle vo Lobatsriad
  • Kapöjn, Muschnriad
  • Kapöjn, Reisachmuih
  • Doudnbredl-Gruppn, Triefnriad an da Straß af Moach

Denkmoi fia den amoadatn Zwangsoabata Jozef Trzeciak[Weakln | Am Quelltext weakln]

Am 8. Mai 2012, dem 70. Joahrdog vo da Hirichtung vo dem polnischn Zwangsoabata Józef Trzeciak is in unmittlbora Näh vom Hirichtungsoat a Gedenkstoa enthüllt worn. Jozef Trzeciak is ais Zwangsoabata vo am Banhof in da Gmoa Zachabea zuateilt woan. Es hot se a Liebesbeziehung zu ana 16-jahringa Enkelin vo dem Bauan entwicklt, der den Hof bsessn hot. Jozef Trzeciak is desweng ghängt worn, des Deandl is zeitweis in a Konzentrationsloga kemma. Da Gedenkstoa in Zochaberg is da erste Gedenkstoa fia an higrichtn polnischn Zwangsoabata. In Niedabaiern und da Obapfoiz hot da Thomas Muggenthaler in seim Bejche Vabrechn Liebe insgsamt 22 sechane Vabrechn dokumentiert.

Buswartehobe[Weakln | Am Quelltext weakln]

Kuaz noch dem Oatsausgang vo Zochaberg in Richtung Köckasriad is a oids Wartehaisl vo am oatsosässinga Schreina zu umgstoit worn, dass es jetzat unta dem Nama Buswartehobe de Foam vo am Hobe bsitzt. Es is wöjtweit des oanzige Hobewoatehaisl.

Wirtschoft und Infrastruktua[Weakln | Am Quelltext weakln]

Wirtschoft eischließle Land- und Foastwirtschoft[Weakln | Am Quelltext weakln]

1998 hot's noch da amtlichn Statistik im produzierandn Gewerbe 76 und im Bereich Handl und Vakeah koane sozoivasichachrungspflichtinga Bschäftigtn am Oabatsoat gem. Sozoivasicharungspflichte Bschäftigte am Wohnoat hot's 709 gem. Im vaoabantn Gewerbe hot's koane, im Bauhauptgewerbe oan Betrieb gem. Zuadem ham im Joahr 1999 89 landwirtschoftliche Betrebe mit ana landwirtschoftlich gnutztn Flächn vo 1265 ha, dovo warn 215 ha Ackaflächn und 1050 ha Dauagreaflächn.

Vakeah[Weakln | Am Quelltext weakln]

Im Gmoateil Gottszoi Bahnhof liegt dea noch da näha glengna Nachbargmoa bnennte Bahnhof an da Bahnstreck Plattling-Zwiesl-Boarisch Eisnstoa. Ea werd im Stundntakt bedient. Seit 1928 zweigt in Godszoi de Streck Richtung Viechtach vo da Rengdoibahn AG ob. De fiaht bis 1991 weida noch Blaiboch, wo sie Oschluss an de Bahnstreck Cham-Lam hot. Unweit vo da Gmoa valaaft de Bundesstroß 11 zwischn Padasdoaf und Degndorf.

Im Netz[Weakln | Am Quelltext weakln]

 Commons: Zochaberg – Sammlung vo Buidl, Videos und Audiodateien

Beleg[Weakln | Am Quelltext weakln]

  1. Genesis Online-Datenbank des Bayerischen Landesamtes für Statistik Tabelle 12411-001 Fortschreibung des Bevölkerungsstandes: Gemeinden, Stichtage (letzten 6) (Einwohnerzahlen auf Grundlage des Zensus 2011) (Hilfe dazu).