Portal:Eadkund

Aus Wikipedia
Wexln zua: Navigation, Suach


Globes in the State Hall of the Austrian National Library 20091008 004.JPG
   PORTAL:EADKUND

De Eadkund oda Geografie is de Wissnschoft vo da Eadobaflächn, vom Raum und Oat vo da Eadn im Oigmoanan und aa vo da Bschoffnheit vo da Eadn söbsd. Se eafoascht, bschreibt und eakläat de Struktuan und de Vuagäng auf da Eadobaflächn und de Auswiakungan auf'n Menschn. De Geografie büdt de Bruggn zwischn de oanzelnen Natua- und Sozialwissnschoftn.

De bestn Artikl

Crystal Clear action bookmark.svg  BERIGE ARTIKL
das große Staatswappn

Bayern

Da Freistaat Bayern (aa Freistoot Boarn), is a Lound im Sidostn vo da Bundesrepublik Deitschlond. Es is as flächngresste Bundeslond und stähd noch da Einwohnazoi hinta Nordrhein-Westfalen an zwoata Stej. De Haptstodt vo Bayern is Minga. Nochban vo Bayern san de Bundeslända Badn-Württmberg, Hessn, Thüringen, Saggsn sowia de Staatn Estareich, Tschechische Republik und im Bodnsee de Schweiz. De Schreibweis vum Landesnama mim "y" gähd afn boarischn Kini Ludwig I. zruck, friacha hods "Baiern" ghoaßn. Ea hod an griachischn Buchstobm "Ypsilon" gnumma, ois Liab zu Griachaland und zu seim Buam (Otto I.), dea Kini von Griachaland worn is.

Bayern guit oft ois ziemle oanzigartig. De Voikskultua is fia vui Bayern gscheid wichtig. Dazua ghean vor oim Brauchtum, Trachtn, Musi, Voiksfest und traditionelle Sportartn, oba aa boarischs Essn und Dringa wia Bia und Weisswuascht. Des zoagt a bsundare Hoamat- und Naturvabundnheit. De Voikskultua z Bayern is mehra wia 1500 Joar oid und gheat zu de ejdestn vo Europa.

Da tippische Bayer werd oft ois freindlich, glossn und gmiatle eigschätzt. S Lem in Bayern, sogt ma, is weniga hektisch ois wia wo anders, do dafia hoit ma oba a bei vui Sochan lenga durch. Manchmoi guit da tippische Bayer oba aa ois dickkepfi oder sturschedlad, soichane Leid hoaßn dann z Bayern Grantla. → weidalesn

Cheamsee mit Oipn

Cheamsee

An Cheamsee hoasst mar aa s „Boarische Meer”. Er ligd so um de 25 Kilometa estlich vo Rosnham, oiso im Sidosten vo Obabayern. Ea is da grässde See in Bayern, und aa in ganz Deitschland san grod da Bodensee und da Müritz-See no grässa. Es is obar aso, dass vaglicha mim Cheamsee da Starnberger See des mehra Wossa hod, wei dea vui tiafa is.

Da Cheamsee hod an Rauminhoit vo 2.047.840.000 Kubikmeta. Sei Ufa is 63,96 Kilometa lang, und boi ma de Insln aa mit dazuarechnad sans 83 Kilometa. S Einzugsgebiet is 1.398,56 Quadratkilometa groß. An da tiafstn Stej is da Cheamsee 72,7 Meta tiaf (gmessn im Mai 2005). Dea Nama vom See gehd zruck af an Odlign im Mittloita, dea wo Chiemo ghoassn hod.→ weidalesn

Crystal Clear action bookmark Silver.svg  ZIMFTIGE ARTIKL
Ljubjanica Ljubljana night Franciscan Church.jpg

Laiboch

Laiboch (windisch: Ljubljana?/i, deitsch: Laibach) is de Haptstod und mid 287.218 Eihwohna (2015) gleichzeidig de grässte Stod vo Slowenien. De Stod liegt aun de Fliss Save und Ljubljanica (Laiboch) im Laibocha Beggn. De Stod is es politische, wirtschafdliche und kuituröle Zentrum vo Slowenien und Sitz vo am Remisch-katholischn Erzbischof. Seidm Joa 1919 gibts de Universität Laiboch.

Nochfoigend a Listn vo de Stodeu vo Laiboch nochn Alfabet, in Klauman da jewäulige deitsche Nauman. → weidalesn

Da Salar de Talar (4010 Meter) a da Natt vo San Pedro a da Atacamawüstn

Chile*

Chile (spanisch República de Chile, amtle Republik Chile) is a Land im westlichn Siidamerika und ligt zwischn de Breitngrode 17° 30′ S und 56° 0′ S. im Noadn duads an Peru grenzn (aufrana Läng vo 160 Kilomeda), im Ostn an Argentinien (auf 5308 Kilomeda), im Noadostn an Bolivien (auf 861 Kilomeda) und im Westn und Sidn vom Land is da Pazifik. Insgsamt hod Chile a Landesgrenz vo 6329 Kilomeda. D Noad-Sid Ausdehnung vo Chile bedrogt eba 4300 Kilomeda. Zum Stootsgebiet ghead a de Ousdainsl (Rapa Nui), de Insl Salas y Gómez, de Juan-Fernández-Insln (inkl. de Robinson-Crusoe-Insl), de Desventuradas-Insln und im Süden de Ildefonso-Insln und de Diego-Ramirez-Insln. Chile beosprucht a an Tei vo da Antarktis. Iba de Magellanstross, de ganze zu Chile ghead, hods an Zuagang zum Atlantischn Ozean. → weidalesn

* zua Berig-Woi vuagschlogn

Crystal Clear action bookmark green.svg  GUADE ARTIKL
Libya 5230 Wan Caza Dunes Luca Galuzzi 2007.jpg

Sahara

De Sahara is mit 9 Miljonen Quodratkilometa d'greßte Trocknwüstn vu unsam Planetn und noch da Eiswüstn in da Antarktis de zwoatgreßte Wüstn übahaupt. Im Noadn vu Afrika gleng, glaungts vum Atlantik im Westn bis ins Rode Mea im Ostn, vum Middlmeea und im Atlasgebiage im Nordn bis ind Sahelzone und zum Niger im Siidn. D'Sahara is aunnähand trapezföamig mit ana Läng vu bis zu 5000 Kilometa laung und ana Breadn vo 1500 bis 2000 Kilometa und damit is's fost so groß wia Eiropa und bedeckt mea wia a Drittl vu Afrika. Es is oba net möglich a genaue Grenz zwischn da Sahara und da Sahelzone zum daziang weil de Wüstn si noch Siidn hi ausbroat. Genauso stöid de Sahara a Kuiturgrenzn doa, weil nördli davau san arabische Lända und im Siidn faungt Schwoazafrika au. → weidalesn

Great Wall in Inner Mongolia.JPG

Innare Mongolei

Innare Mongolei is de Bezeichnung vu am autonomen Gebiet im Noadn vu da Voiksrepublik China. Auf Chinesisch hoaßt d'Innare Mongolei Nèi Měnggǔ (內蒙古), auf Mongolisch Öbür mongɣul (Oburmonggul.svg). Da ISO 3166-2-Code vu da Innan Mongolei is CN-15.

Aa waun da Begriff Aißare Mongolei heid vaoitat is, is bei da Innan Mongolei da sinozentrische Naum nu da offizielle. Da greßte Teu vu da Aißan Mongolei is heid da unobhängige Stood Mongolei; de Mongoin nennen de Regionen Aißare und Innare Mongolei liawa d'Hintare und d'Voadare Mongolei. De Mongoin mochn heid owa netta nu an Bruchteu vu da Bevöikarung aus: Fost 80% vu de duat lebadn Leid han Han-Chinesn.

D'Innare Mongolei is dünn besiedlt, laundwiatschoftli is kaum wos mid iah au zum dafaunga, owa sie hod vüi Rohstoffe und is desweng und weus a launge Grenz hod strategisch wichtig. → weidalesn

Artikl noch Themengebietn

Empty Star.svg AFRIKA
Africa satellite plane.jpg
Empty Star.svg AMERIKA (NOAD-, MITTL- UND SIDAMERIKA)
America sattelite.jpg
Empty Star.svg ASIEN
Asia satellite orthographic.jpg
Empty Star.svg AUSTRALIEN UND OZEANIEN
Australia satellite orthographic.jpg
Empty Star.svg EIROPA
Europe satellite orthographic.jpg
Empty Star.svg OZEANE UND POLE
Äquator im Atlantik.jpg

Mitmochn

Waunst söwa Artikl schreim oda eagänzn wüsd, an Föhla gfundn oda Frogn/Aunregungan hosd, schreib dei Aunliagn hier.