Liachtnstâ

Aus Wikipedia

Fürstntum Liachtnstâ Fürstentum Liechtenstein
(Details) (Details)
Åmtssproch	Deitsch
Hauptstod	Vaduz
Stootsform	konstituzjonelle Erbmonarchie
Stootsobahaupt	Fürst Hans-Adam II. von und zu Liechtenstein Åmtsausübenda Stöivatreta Erbprinz Alois von und zu Liechtenstein
Regiarungsschef	Otmar Hasler (FBP)
Flächn	160,475 km²
Eiwohnazoi	34.905 (31. Dezemba 2005)
Beväikarungsdichtn	213 Eiwohna pro km²
Währung	Schweiza Frånkn
Nazionalhymne	Oben am jungen Rhein
Nazionalfeiatog	15. August
Zeitzone	UTC+1
Kfz-Kennzeichn	FL
Internet-TLD	.li
Telefonvorwoi	+423

's Fürstntum Liachtnstâ oda à Liechtnstâ (Hochdeitsch: Fürstentum Liechtenstein) is a suvaräna Stååt im mittleuropäischn Åipmraum. 's Lãnd liegt zwischen Östareich und da Schweiz am Ostufa vôm Rhein. 's Fürstentum güit hait åis konstituzionelle Erbmonarchie auf demokràtisch-parlamentàrischa Grundlåg. Dé Suvaränität liegt sowoih beim Voik åis à beim Fürstn. Liachtnstâ gliedat sé in öif Gmoana. Hauptort und Fürstnsitz is Vàduz. Liechtnstâ håd 's hechste BIP pro Kopf wöidweit - 's liegt bei 80.900 Euro (2005).

Inhoitsvazeichnis 1 Geografie 2 Klima 3 Bevökarung 4 Vawaitung 5 Weblinks 6 Fotos

[dro werkln] Geografie

Liachtnstâ is umgem vô dé Schweiza Kantone St. Gåin undm Kanton Graubündn im Westn sowia 'm östareichischm Bundeslãnd Voràrlberg im Ostn. Zãmm mid Usbekistan is 's àna vô dé zwà Binnenstååtn vô da Wöid, dé söibst nur vô Binnenstååtn umgem san. Dé gsãmte westliche Stååtsgrenz zur da Schweiz entspricht 'm Rheinvalauf. Dé östliche Stååtsgrenz is prägt vôm Åipm-Hochgebirg, 'm Rätikon. 's Lãnd grenzt auf 41,1 km ãn dé Schweiz. 27,1 km vô da Grenzläng entfåin aufm Kanton St. Gåin und 14,0 km aufm Kanton Graubündn. Dé Grénzläng mid da Repubblik Östareich betrågt 34,9 km und entfåit völlig aufs Bundeslãnd Voràrlgerg. Da hechste Punkt vô Liechtnstâ is da Grauspitz mid àna Hechn vô 2599 m. Da tiafste Punkt is 's Ruggella Riet mit àna Hechn vô 430 m. 's Lãnd misst ãn seina längstn Stöi 24,56 km und ãn seina bràtestn 12,36 km.

[dro werkln] Klima

's Klima vôm Lãnd kã trotz da Gebirgslåg åis relativ müid bezeichnet wern. Es wird stårk durch d' Eîwirkung vôm Föhn (wårma, troggena Fåiwind) prägt, wodurch dé Vegetazionszeid im Frühling und im Herbst valängat wird. Dé Messungen da jährlichn Niedaschlågsmengen ergem im Schnitt runde 900 bis 1.200 Millimeta auf àn Quadràtmeta. Im direktn Åipmgebiet dagéng lieng dé Niedaschläg oft bei bis zu 1.900 Millimeta. Im Winta sinkt 's Thermometa söitn unta minus 15 Gràd, während im Summa dé mittlan Témparaturn zwischen 20 und 28 Gràd schwãnkn.

[dro werkln] Bevökarung

Etwoa zwà Drittl vô dé Eîwohna san gebürtige Liachtnstâna (65,8%); dé ausländische Wohnbevökarung kummt dagéng zu etwoa àn Fümftl (20,1%) hauptsächlich ausm übring daitschn Språchraum (dåvô 10,8% aus da Schweiz, 5,9% aus Östareich und 3,4% aus da Bundesrepubblik Daitschlãnd, gfoigt vô jeweils 3,3% aus Italien und Eîwohnan vôm friahran Jugoslawien, 2,6% san Türkn und 4,8% kêmman aus ãndare Stååtn).

[dro werkln] Vawaitung

Liachtnstâ gliadat sé in öif Gmoana, dé auf dé beidn Wåihkreise Untalãnd und Owalãnd vateilt san.

[dro werkln] Weblinks

• Offiziöis Portàl vôm Fürstntum Liachtnstâ
• Portàl vô da Liachtnstânarischn Lãndesvawåitung
• Offizielle Homepage vôm Liachtnstânarischen Lãndtãg
• Liachtenstânarische Gsétze
• Fotogàllarie mid Aufnãhmen vô Liachtnstâ
• Lända- und Reiseinformazionen vôm Auswärting Ãmt

[dro werkln] Fotos

Schloss vô Wàdutz

Burg Gutenberg in Liachtnstâ

Liachtnstânarische Auto-Nummantåfe