Kirchdorf an da Grems

Aus Wikipedia
Wexln zua: Navigation, Suach
Der Artikl is im Dialekt Owaöstareichisch gschrim worn.
Da Turm von da Kirchdorfa Stodpforrkirchn

Kirchdorf an da Grems (amtl.: Kirchdorf an der Krems] is a Stod im owaöstareichischn Draûvierl und d'Hauptstod vo dem Bezirk und dem Grichtsbezirk, de wos a Kirchdorf an da Grems haßn. Kirchdorf liegt am Fluss Grems im Südn vo Owaöstareich, und es wohnan dortn so 4.327 Leid (2016).

Kirchdorf liegt af 450 Meta üwan Meer drüwa am Nordrond vo de Oipn. S'Gemeindegebied is recht gla, vo Nordn noch Südn iss 2,2 Kilometa long und vo Westn noch Ostn grod amoi 1,9 Kilometa. Insgesomt hod Kirchdorf a Flächn vo 2,78 Quadratkilometa; davo wern 44,8 Prozent fird Londwirtschoft hergnumma.