Winaring

Basisdotn
Bundesland:	Bayern
Regiarungsbeziak:	Obabayern
Landkroas:	Landkroas Oidäding
Hechn:	374 m ü. NHN
Flächn:	24,58 km2
Eihwohna:	4716 (31. Dez. 2015)
Bevökarungsdichtn:	192 Einwohner je km2
Postleitzoi:	84543
Voawoi:	08671
Autokennzeichn:	AÖ, LF
Gmoaschlissl:	09 1 71 137
Address vo da; Gmoavawoitung:	Obere Hofmark 7; 84543 Winaring
Webseitn:	www.winhoering.de
Buagamoasta:	Hans Daferner (CSU)
Log vo da Gmoa Winaring im Landkroas Oidäding
	Karte

Winaring (amtli: Winhöring) is a Gmoa im Nordn vom Landkroas Oidäding, neadli vom Inn und teilweis im Hoizland. As Doaf sejm liegt an da Grenz zum niedaboarischn Higlland und is im Mindungsdreieck vo da Isen und am Inn. De naxt grejsane Stod is de Handelsstod Neiäding, de naxtn Grosstädd sand Soizburg und Minga.

Winaring hod vui Sengswiadigkeitn wias Schloss Frauenbühl, an historischn Pfarrhof, de Kira St. Beda und Baul, de Fejdkira Mariä Namen und d Schlosskapejn z Burg. Winaring is aa zwengs de guadn Bedingungen fias Mountainbike foahrn im Hoizland und de zwoa Kafäähaisa bekannt.

Ortstei

Winhöring hod 38 Ortstei^[1]:

Aufham
Blabenzing
Buanerschneid
Burg
Eck
Ehgartn
Eisenfein
Enhofa
Guggenberg
Guntersberg
Hart
Hof
Hoizn
Illbach
Kager
Kautzing

Kellerstorf
Kronberg
Kronberg i. Holzland
Letzenberg
Lindloh
Loh
Mandelsberg
Oach
Osterham
Pfaffenbuch
Raustigl
Rubenberg
Salzing
Schmidstog
Schmitten

Staik
Staudach
Stoanaring
Unterau-Ost
Unterau-West
Watzing
Winaring
Windschnurr

Wossa

Aubach
Baggaweiha
Inn
Isen
Isenkanal

Isenstausee
Osterboch
Suibasee
Watzinga Boch
Woidspitzsee

Gschicht

Es is ned long her, da hod ma denkt, dass Winaring ois Uuiniheringa zum easchtn Moi 953 urkundlich ois päpstlicher Besitz erwähnt woan is. In Urkundn vo de Bischöfe vo Freising is oba scho am 13. Feba 816 a Schenkung in Winaring erwähnt gwen. Winaring woa longe Zeit Sitz vo oana Hofmark, de seit 1721 im Besitz vo de Grafen zu Toerring-Jettenbach gwen is. Winaring is bei oana Verwaltungsreform in Boarn 1818 a seijständige bolidische Gmoa gwoan. 1966 san Teile vo da ehemoalign Gmoa Eggen z Winaring dazuakemma.

Politik

Da Winaringa Gmoaroud hod 16 Mitglieda. Er dogt oamoi im Monad. Es sand de folgenden Parteien vatretn:

CSU	SPD	Freie Wähler „Gemeindewohl“
9	3	4

Religiona

Z Winaring sand um de 90 % vo de Leid katholisch. D'katholische Pfarrei St. Beda und Baul gheart zum Dekanat Neiäding und zum Bistum Passau. Zur Pfarrei ghearn neba da Pfarrkira St. Peter und Paul no zwoa weidane Kiran: De Fejdkira Mariä Namen is im Friedhof an da sidlichen Ortsgrenz, de Kapejn St. Bartholomäus im Oatstei Burg is as Relikt vo oana middloitalichen Schlossanlog. In boade Kira wern no kleanare Andochtn gfeiat, z. B. Maiandochtn.

Effentliche Einrichtunga

Gmoabiacharei
Grund- und Mittlschui Winaring
Kindagoartn St. Beda und Baul
Kindagoartn St. Valentin
Pfoarheim
Sportplatz mid Tennisheim und Zwoafachturnhalle

Partnerschaftn

Pernegg a.d. Mur, (Östareich, Steiamoak, seit 2003)

Segnswiadigkeitn

Fejdkira Mariä Namen
Pfoarhof
Pfoarkira St. Beda und Baul
Ruine vo da „Unterholznerburg“ in Burg
Schloss Frauenbühl
Schlosskapejn St. Bartholomäus z Burg

Theata

De Hofmarkbühne vom Winaringer Arbeiterverein bringt jeds Joahr volkstimliche Theaterstickln, und den oiseits bekannten "Wi-NARR-inger Narrengsang" zua Auffiahrung.