Tschechische Republik
| Česká republika Tschechische Republik |
|||||
|
|||||
| Woispruch: Pravda vítězí („Di Wahrheit gwinnt“) |
|||||
| Åmtssproch | Tschechisch | ||||
| Hauptstod | Prag | ||||
| Stootsform | Parlamentarische Republik | ||||
| Stootsowahaupt | Präsident Miloš Zeman | ||||
| Regiarungsschef | Ministapräsident Petr Nečas | ||||
| Flächn | 78.864 km² | ||||
| Eiwohnazoi | 10.306.700 (31. März 2007) | ||||
| Beväikarungsdichtn | 130 Eiwohna pro km² | ||||
| Währung | Tschechische Krone (CZK) | ||||
| Grindung | 1. Jenna 1993 | ||||
| Nazionalhymne | Kde domov můj? | ||||
| Zeidzone | UTC +1 | ||||
| Kfz-Kennzeichn | CZ | ||||
| Internet-TLD | .cz | ||||
| Telefonvurwoi | +420 | ||||
 |
|||||
D Tschechische Republik (tschechisch Česko bzw. Česká republika) liggt in Mitteleuropa und grenzt an Deitschland (810 km) im Westen und Nordwesten, an Poin (762 km) im Norden, d' Slowakei (252 km) im Osten und Östareich (466 km) im Süden.
D Tschechische Republik is aus de drei historischn Lända Böhmen, Mähren und Mährisch-Schlesien (siach Verwaltungsgliadarung).
Da Staat is 1999, åcht Jahr nach da Aflösung vom Warschauer Pakt, Mitgliad vo da NATO worn und is am 1. Mai 2004 da Europäischen Union beitren.
Inhoitsvazeichnis |
Da Naum [dro werkln]
Dialekt: Ostöstareichisch
Umgaunsgsprochlich vawendt mar aa heid no in Ausdruck Tschechei, wos owa vo maunge Tschechn ooglehnt wiad. Auf da aundan Seitn setzt si da Ausdruck Tschechien net iwaroin auf boarisch und Standartdeitsch duach. Is foigande Kapitl gibt an gaachn Iwablick iwa de vaschiedanan Variationan, wia ma fia de tschechische Republik sunst no sogn kau.
Auf Tschechisch [dro werkln]
Auf Tschechisch is da ofiziölle Naum Česká republika, wos ma mid Tschechische Republik genau so auf boarisch iwasetzn kau. Weu des owa a laungs Wuat is und im Oidog oft vakiazd wiad, hod da tschechische Senat aum 11. Mai 2004 aar in Naum Česko ois ofiziöö deklariad. Olladings gibt s auf Tschechisch kaan Untaschied zwischn de Weata behmisch und tschechisch, zweng dem si de Leid in Meahn und im tschechischn Deu vo Schlesien diskriminiat vuakumma kentatn. Da koarekte Naum miassad daun Čechy, Morava a Slezsko sei, wos owa no vüü zaacha wia Česká republika is.
Auf Boarisch und Standartdeitsch [dro werkln]
Auf Deitsch und auf Boarisch is de Soch no um a Eck kompliziada, weu des Wuat Tschechei fia de Tschechn mid da Zeid vom Nazionalsozialismus asoziiad wiad, wo im Joah 1939 s Großdeitsche Reich de Rest-Tschechei iwafoin und anektiad hod. De Tschechische Regiarung wüü zweng dem net, das auf Deitsch des Wuat Tschechei benuzt wiad. A des Ausweatige Aumbt vo da Bundesrepublik Deitschlaund empfüüd eanaren Diplomatn und a denan deitschn Medien, dass ma liawa in ofiziöön Naum Tschechische Republik vawendt, oda hoid kuaz Tschechien. De gaunze Froog hod si gstööd, nochdem se de Tschechoslowakei 1992 aufgspeudlt hod, und se da tschechische Deu a neiche Kuazbezeichnung fia sei Laund gsuacht hod.
Auf boarisch, bzw. auf olle Dialekt in Bayarn und Östareich iss owar a so, das si des Wuat Tschechien fia vüüle Leid a wengl hoppadatschig auhuacht. Zweng dem sogn vüü Leid a jetzan ollaweu no "Tschechei". Dem kaumma owa entgegn hoidn, das da Ausdruck "Tschechien" historisch scho seid 1876 belegt is, owa "Tschechei" eascht seidn Aufaung vom 20. Jhdt.[1]
An weidan Punkt bringt aa no de historische Betrochtung: Im Standartdeitschn hod ma bis ins 19. Jhdt eine vuawiegend "Böhmen" bzw. "böhmisch" fia olle Tschechn und eahnare Sproch gsogt; wuascht, vo wo dass san. [2] Aa in vüüle boarischn Dialekte vawendt ma heid no Ausdrück wia "bei de Behm" oda im "behmischn drübm". Aundare Synonyme fian Tschechischn Stoot san Behmei (Niedaöstareich)[3] oda des Behm ("Das Böhm", Oidabayarn)[4]. Des haaßt, es gibt so ois wiar im Tschechischn aa im Boarischn und im öödaren Schriftdeitsch kaan Untaschied zwischn de Weata "Behmisch" (wos streng gnumma nua fia de Leid aus da historischn Region "Behman" passt) und "Tschechisch".
Quöön [dro werkln]
- ↑ Lemberg, H.: 1993: Haben wir wieder eine „Tschechei“? Bohemia 34, Heft 1, S. 106-114 (PDF)
- ↑ Berger, T.: 2005: Böhmisch oder tschechisch? Der Streit über die adäquate Benennung der Landessprache der böhmischen Länder zu Anfang des 20. Jahrhunderts. PDF Dokument, Universität Tübingen [1]
- ↑ Renner, F. & Renner, M. (2007): Highuacht und aufgschriebm. Das Niederösterreichische Mundartlexikon.- Eigenverlag der Autoren, A-3430 Staasdorf. 448 S ISBN 978-3-200-00990-5
- ↑ Zehentner, L. (2005): Bairisches Deutsch. Lexikon der deutschen Sprache in Altbayern. 3. Auflage - Edition Vulpes, Regensburg. 488 S ISBN 3-9807028-7-1
Albanien | Andorra | Belgien | Bosnien-Herzegowina | Bulgarien | Dänemark2 | Deitschland | Estland | Finnland | Frankreich2 | Griachaland | Holland2 | Irland | Island | Italien2 | Kasachstan1 | Kosovo | Krowozien | Lettland | Liachtnstoa | Litaun | Luxmburg | Malta | Mazedonien | Moldawien | Monaco | Montenegro | Norwegn2 | Östareich | Poin | Portugal2 | Rumänien | Russland1 | San Marino | Schwedn | Schweiz | Serbien | Slowakei | Slowenien | Spanien2 | Tiakei1 | Tschechei | Ukraine | Ungarn | Vatikanstod | Vaeinigts Kinireich2 | Weißrussland
1 Liegt zan gresstn Tei in Asien. 2 Hod aa Gebiete aussahoib vo Eiropa.
Belgien | Bulgarien | Dänemark | Deitschland | Estland | Finnland | Frankreich | Griachaland | Holland | Irland | Italien | Lettland | Litaun | Luxmburg | Malta | Östareich | Poin | Portugal | Rumänien | Schwedn | Slowakei | Slowenien | Spanien | Tschechei | Ungarn | Vaeinigts Kinireich | Zypern
Australien | Belgien | Chile | Dänemark | Deitschland | Finnland | Frankreich | Griachaland | Irland | Island | Israel | Italien | Japan | Kanada | Luxmburg | Mexiko | Neiseeland | Holland | Norwegn | Östareich | Poin | Portugal | Schwedn | Schweiz | Südkorea | Slowakei | Slowenien | Spanien | Tschechei | Tiakei | Ungarn | Vaeinigte Staatn | Vaeinigts Kinireich
Koordinaten: 49° 45' 0" N, 15° 44' 59" O
