Nigglodog

Aus Wikipedia
Da Nigglo, es Niggloweiwe und de Buttnmandl (Berchtesgoana Land)
Da Nigglo und de Krampal (Soizburg)

Da Nigglodog, aa Nikolaustag, is a Festdog im boarischn Brauchdum. Da Dog vom hl. Nikolaus is da 6. Dezemba. Am Omd vom Nigglodog und am Dog sejm griagn vor oim de Kinda kloane Gschenke und wean vom Nigglo bsuacht.

Ea lest oft aus am goidnan Buach vor, wos de Kinda Guads und Schlechts gmocht hom und lobt und mahnt. Nacha schenkta eana Apfal, Nussn, Lebkuachal und Schoklad aus seim Sock. Begleidd wead a oft vom Krampal oda vo de Buttnmandl mit Besn, Kettn und Buttn.

Uasprung[Werkeln | Am Gwëntext werkeln]

Es Nigglobrauchdum hod vor oim zwoa Wuazln:

  • De krisdliche, in Eainnarung an in heilign Nikolaus vo Myra.
  • De heidnische, in da Figua vom wandandn Wodan und vo de Schiachperchtn ois Wintavatreiba (Krampal).

Kindaliadl[Werkeln | Am Gwëntext werkeln]

Nikolaus

Heiliga Nikolaus, du brava Mo,
i sing da a Liadl, so guad wia i ko,
i sing da a Liadl, so guad wia i ko.

Host in dein Sackal drin
Apfal und Kean,
vui Nussn und Feign,
mei, de mog i gean!

Sog za dein Krampal glei,
bin no so kloa,
ea deaf mi fei jo ned
in Sock einidoa!

Galerie[Werkeln | Am Gwëntext werkeln]

Beleg[Werkeln | Am Gwëntext werkeln]

Im Netz[Werkeln | Am Gwëntext werkeln]