Gamsboart

Aus Wikipedia
Wexln zua: Navigation, Suach
Auf da Wiesn, 2008
Gamsboart vo am „Miaschbecka Trachtla

Da Gamsboart is a traditionella boarischa Huatschmuck, wo zua Trocht vo Monna ghead.

Heastejung[VE | Weakln]

Da Gamsboart wead aus de Rucknhoar vo am Gamsbog bischlweis bundn. Dazua wean Gamsna vawendd, de wo im Winta gschossn woan san, wei s Fej dann dichda und scheena is. A Gamsboart ia teira wiar a Hirschboar oda a wiar Dachs- und Wuidsauhoar, trotzdem oda deszweng siagt ma ba boarischn Drochtlan fost nur an Gamsboart. Und a Kenna ko oan Gamsboart sofort vo de nochgmochdn untascheidn.

Fia a guade Qualitet soit a Gamsbog ned äita ois 4-7 Joar sei. Dees Wuidhoarboartbindn guit ois hohe Kunst. Fia an Haffa Orwadsgeng vom Ausrasian vo de Hoar iwas Woschn und Rupfn bis hi zan Bindn, kena mearane Stundn dauan. Nebm de beruaflichn Gamsboartbinda gibts aa vui Jaga, wo dees mocha. Je nochdem wia gschickt a Binda is, brauchda fia oan oanzign Boart Hoar vo bis za zehn Gamsna. Unta de Wuidhoarbinda wean jeds Joar Wettbewerbe austrogn.

De Kiniklass is a Gamsboart mit mindastns 19 cm Leng. Fia so an Gamsboart san de Hoar vo eppa 10 bis 15 Gamsna nedi.

Restauriarung[VE | Weakln]

Wei a neia Gamsboart so teia is, gibts aa Spezialistn fias Restaurian. Da Zaiser Edi aus Stoahaus ba Wejs hod si dafia wäidweit an Nama gmochd.

Statussymboi[VE | Weakln]

Friara hod da Gamsboart iwa de Schneid vo Monna Auskumft gebm. Um an guadn Gamsboart z griagn, hod ma de Gamsna im Winta schiassn miassn, wei s Wintafej bsondas dicht is. Im Hochgebirg - bei Schnee und Eis - is owa ois andare ois oafoch gwen im Winta Gamsna z schiassn. Heit is da Gamsboart meara da Ausdruck vo Woistand, wei Kiniklass ganz schee teia is.

Schau aa[VE | Weakln]

Literadua[VE | Weakln]

Beleg[VE | Weakln]

Im Netz[VE | Weakln]