Hiatamadl

Aus Wikipedia
Wexln zua: Navigation, Suach
Hiatamadl
Oart: Poardanz (Gsejschoftsdanz)
Musi: Voiksmusi/Oipmrock
Rhythmus: 2/4 Takt
Gschwindigkeit: 50 Takt pro Minutn (d. h. 100 bpm, d.h. beats per minute)
Herkumft: Estreich
Entstandn um: ~ eppa 1800
Listn vo boarische Voiksdanz

Es Hiatamadl is a traditionella Voiksdanz, wo in Östareich und Bayern weit vabroadd is. En Danz gibts in vaschiedna Variantn. Da Nama kimmt vom Danzliadl "Koa Hiatamadl mog i net".

Da Danz hod de sejm Wuazln wia da Strohschneida, wo iwa ganz Eiropa vabroadd wor.

Liadtext[VE | Weakln]

Koa Hiatamadl mog i net,
Hod koane dickn Wadln net.
I mog a Madl aus da Stod,
Wos dicke Wadln hod.

Variantn ausm Cheamgau[VE | Weakln]

Vom Hiatamadl gibts vui Variantn, ois Beispui a Version ausm Cheamgau:

Takt 1-4, Schritt

8 Gehschritt in da Danzrichtung, de Aussnfiass fanga o

Takt 5, Schritt

Mit de Fuasspitzn vo de Aussnfiass oamoi vordupfa und nacha de Fiass zrucknehma.

Takt 6, Schritt

Mit de Innafiass afdupfa.

Takt 7-8, Schritt

Draaha mit 4 Schritt, oamoi im Uazoagasinn um de Poaraxn.

Takt 9-12, Schritt

Wiadaholung vom Takt 5-8.[1]

Oipmrock[VE | Weakln]

Da Hubert vo Goisern hod draus a Pop-Version gmocht und mit seine Alpinkatzen 1992 die Hitparadn gstiamt. Ea hod spoda aa no a Version mit da moldawischn Gruppm Zdob şi Zdub afgnumma.

Beleg[VE | Weakln]

  1. Cheamgaua Hiatamadl

Literatua[VE | Weakln]

  • Herbert Lager: Österreichische Tänze, Unsere Grundformen, Österreichischer Bundesverlag, Wean 1959
  • Karl Horak: Tiroler Volkstanzbuch, Musikverlag Helbling, Innschbruck, 1974.

Im Netz[VE | Weakln]

YouTube[VE | Weakln]