Slowakai

Der Artikl is im Dialekt Pongaurisch gschrim worn.

Slowakai Slovensko
Omtssprouch	Slowakisch
Hauptstoud	Pressburg (Bratislava)
Stoutsform	Republik
Stoutsowerhaupt	Präsident Ivan Gašparovič
Regiarungsschef	Ministerpräsidentin Iveta Radičová
Flächen	49.035 km²
Eiwonerzoi	5.431.363
Bevejkarungsdichten	110 Aiwoner pro km²
Gejt	Euro (1 Euro = 100 Cent)
Gryndung	1. Jenna 1993
Nazionaalhymne	Nad Tatrou sa blýska
Zeidzone	UTC+1 MEZ UTC+2 MESZ (Märschz - Oktower)
Kfz-Kennzeichen	SK
Internet-TLD	.sk
Telefonvurwoi	+421

D' Slowakai, oder Slowakische Republik, säitner Slowakien, (slowakisch: Slovensko oder Slovenská republika) is a Stout in Mittlairopa, der wous 1992/1993 aus da Toalung vo da Tschechoslowakai hervurgongan is. Si grenzt an Esterraich, an d' Tschechai, Poin, d' Ukraine und Ungarn. Said'm 29. Märschz 2004 is d' Slowakai a Midgliad vo da NATO und said'm 1. Mai 2004 ghärschts za da Airopäischn Union.

Geografie

Hauptartike: Geografie vo da Slowakai • Listn vo d' Fliss in da Slowakai

D' Slowakai bestet im Nordn und in da Mittn aus de za d' Karpatn ghäraschtn Gebirg Tatra (Tatry) und d' Niadern Tatra (Nízke Tatry), Kloane Fatra (Malá Fatra), Grosse Fatra (Velká Fatra), am Slowakischn Erschzgebirg (Slovenské rudohorie) und vij onderne. As Lond biatt vuroim in da Tatra a oipinas Bijdl, im Sidn dastreckt sa se bis in d' Ungarische Tiafewane. D' hächste Dahewung is d' Gerlsdorfer Spitzn (Gerlachovský štít) in da Hochn Tatra mid 2.655 Meter.

D' grässtn Fliss vo da Slowakai sand d' Donau (am mittleran Ouschnitt), d' Thaiss, d' Woug, d' March und d' Gran.

Vawoitungsgliaderrung

Hauptartike: Vawoitungsgliaderrung vo da Slowakai

Londschouftsvabänd

D' Slowakai is in ocht Londschouftsvabänd („kraj“) aitoaet.

Banskobystrický kraj Bratislavský kraj Košický kraj Nitriansky kraj

Prešovský kraj Trenčiansky kraj Trnavský kraj Žilinský kraj

Grässte Städ

• Pressburg - 425.155
• Košice - 235.006
• Prešov - 91.767
• Nitra - 85.742
• Žilina - 85.268
• Banská Bystrica - 81.704
• Trnava - 69.140

(Stond: 31. Dezember 2004)

Beväikerrung

Voiksgruppm

Hauptartike: Ethnische Entwicklung vo da Slowakai

Im Lond lem ebbers 5,43 Millionen Laid. D' Beväikarungsentwicklung is said da Unouhängigkait eher stagnirt. Mid am Durchschnittsoiter vo 35,5 Jou ghärscht d' Slowakai za d' jungdlichern Stoutn vo Airopa.

Nem 85,8 % Slowakn bestet d' Beväikerrung vo da Slowakai aus 9,5 % Ungarn, 1,8 % Roma, 0,8 % Tschechn (offiziäie Zoin, da toutsächliche Otoae werscht wesntlich hächer aigschätzt), 0,4 % Ruthener, 0,2 % Ukrainer und 0,1% Daitsche .

Religion

D' Blaue Kirch in Pressburg

In da Slowakai gib's fuchzen stoutlich oakonnte Glaamsgmoaschouftn. D' oadaitig grässt' is d' Rämisch-Katholische-Kirch. Laut da Voikszälung vo 2001 ghärn dera 68,9 % o.

Waiderne grässerne Gmoaschouftn sand:

• Evangelisch-Augschburger-Kirch 6,9 %
• Griachisch-Katholische-Kirch 4,09 %
• Evangelisch-Reformirte-Kirch 2,04 %
• Methodistn
• Orthodoxe Kirch 0,94 %
• Jidische Gmoa

Danem existirn aa no Boptistngmoaschouftn und Gmoana vo de Siwatn-Doug-Adventistn.

Es gib aa 11.269 aktiave Zaing Jehovas in da Slowakai, de in da Zaid vo da CSSR vabotn gwen sand. Im Jou 2007 sand's in 160 Gmoana in da gonz Slowakai tätig gwen.

12,9 % vo da Beväikerrung sand konfessionslos und 2,99 % homd koa Ogoub gmocht. Unter de sunsting 1,24 % befindn se unter onderm Judn, de vurm Kriag zoiraiche Gmoana ghob homd. Haidzdoug existirn wider merane Gmoana, zwee in Pressburg (800 Midgliader), oane in Košice (700 Midgliader), sowia in d' Städ Prešov, Nové Zámky, Komárno, Dunajská Streda, Galanta, Nitra und Trnava. In da Zaid vom Kommunismus houd's in da Slowakai faktisch koa jidischs Lem neamer gem. Vij Jou houd d' jidische Gmoa koane religiäsn Owerhaipter ghob. Erscht nouch da „Somtern Revuluzion“ is da haidige Owerrabbina vo da Slowakai, da Baruch Myers aus d' USA und da Rabbina Goldstein aus Israel, de d' Gmoana in Pressburg und Košice loatn, ins Lond kemma.

Ausserdem lem aa no mera wia 2.700 Muslime in da Slowakai..

Vaker

As Vakersnetz is bizentrisch aufs im Westn glegerne Pressburg und aufs im Ostn glegerne Košice ausgrichtt. 's orientirt se an d' Toier und Fliss in da gebirging Slowakai.

Aisnboh

Wichtigste Bohvabindungan sand de elektrifizirte Ost-West-Vabindung vo da Ukraine iwer Košice nouch Pressburg mid da Furtsetzung in d' Tschechai, nouch Esterraich und Ungarn. Danem is d' Vabindung vo da Tschechai iwer Pressburg nouch Ungarn vo Bedaitung. Wichtige Aisnbohgsäischouftn sand doudabai firn Personenvaker d' Železničná spoločnosť a.s. (ŽSSK), firn Gitervaker d' Železničná spoločnosť Cargo Slovakia a.s. (ŽSSK Cargo), ois Schinennetzbetraiwer d' Železnice Slovenskej republiky (ŽSR) und d' regionoi operrirernde Bratislavská regionálna koľajová spoločnosť (BRKS).

Literratur

• André Micklitza: Slowakei, Michael Müller Verlag, 2007, ISBN 978-3-89953-355-2
• The Encyclopaedia of Slovakia and the Slovaks, VEDA, 2007 (A Enzyklopädie vo da Slowakischn Akademie vo de Wissnschouftn)
• Frieder Monzer: Die Slowakei entdecken, Trescher 2004, ISBN 3-89794-059-0
• Renata Sako-Hoess: Reisetaschenbuch Slowakei, DuMont 2002, ISBN 3-7701-4889-4
• Susanna Vykoupil: Slowakei, Becksche Länderreihe, 1999, ISBN 3-406-39876-6
• Gabriele Matzner-Holzer: Im Kreuz Europas: Die unbekannte Slowakei, Wien 2001, ISBN 3-85493-047-X
• Eva Gruberova & Helmut Zeller: Slowakei, Reise Know-How 2005, ISBN 3-8317-1375-8
• Ernst Hochberger: Das große Buch der Slowakei, Sinn 2003, ISBN 3-921888-10-7
• Katharina Sommer: Slowakei, Iwanowski 2006, ISBN 3-933041-23-6
• Aurel Emeritzy & Erich Sirchich: Nordkarpatenland - Deutsches Leben in der Slowakei, Karlsruhe 1979, ISBN 3-7617-0168-3

Im Netz

Boarisches Weatabuach: Slowakai – Bedeitungserklärunga, Woatheakunft, Synonyme und Ibasetzunga

• Offiziäie Websaitn vo da Slowakischn Regirung (Slowakisch/Englisch)
• Offiziäie Websaitn vom Slowakischn Turismus
• Länderprofij iwer d' Slowakai vom Statistischn Bundesomt
• Umfongraich ergänzate Infos auf Slowakei-Net.de
• SK TODAY - Nouchrichtn aus da Slowakai auf Englisch

Stootn in Eiropa

Albanien | Andorra | Belgien | Bosnien-Herzegowina | Bulgarien | Dänemark² | Deitschland | Estland | Finnland | Frankreich² | Griachaland | Holland² | Irland | Island | Italien² | Kasachstan¹ | Kosovo | Krowozien | Lettland | Liachtnstoa | Litaun | Luxmburg | Malta | Mazedonien | Moldawien | Monaco | Montenegro | Norwegn² | Östareich | Poin | Portugal² | Rumänien | Russland¹ | San Marino | Schwedn | Schweiz | Serbien | Slowakei | Slowenien | Spanien² | Tiakei¹ | Tschechei | Ukraine | Ungarn | Vatikanstod | Vaeinigts Kinireich² | Weißrussland

¹ Liegt zan gresstn Tei in Asien.  ² Hod aa Gebiete aussahoib vo Eiropa.

 

Mitgliedsstootn vo da Eiropäischn Union

Belgien | Bulgarien | Dänemark | Deitschland | Estland | Finnland | Frankreich | Griachaland | Holland | Irland | Italien | Lettland | Litaun | Luxmburg | Malta | Östareich | Poin | Portugal | Rumänien | Schwedn | Slowakei | Slowenien | Spanien | Tschechei | Ungarn | Vaeinigts Kinireich | Zypern

 

Mitgliedstootn vo da OECD

Australien | Belgien | Chile | Dänemark | Deitschland | Finnland | Frankreich | Griachaland | Irland | Island | Israel | Italien | Japan | Kanada | Luxmburg | Mexiko | Neiseeland | Holland | Norwegn | Östareich | Poin | Portugal | Schwedn | Schweiz | Südkorea | Slowakei | Slowenien | Spanien | Tschechei | Tiakei | Ungarn | Vaeinigte Staatn | Vaeinigts Kinireich