Greapfinzda

Da Greapfinzda, Greadunasdog oda Speispfinsta is da fimfte Dog, oiso da Pfinzda, in da Koarwoch. As Kristndum erinnad an dem Dog ans letzte Omdmoi vom Jesus mit seine zwejf Apostl vor da Kreizigung. In da vorkristlichn Vorstejung ko an dem Dog mit greanan Gmias und frischn Kraitln de Kroft vom Fruajoor fias ganze Joar aufgnumma wern.

Brauchdum

In vui Gengadn is Brauch, am Greapfinzda wos Greans z essn, Gmias, Salot und Kraitln. In Estreich is vor oim Spinod mit Spiagloa.^[1]) Des gäht auf de oide heidnische Vorstejung zruck, dass so de Fruajoorsenergie aufgnumma wern ko und so aa a Heilwiakung fias ganze Joar bewiakt werd. Da Greapfinzda hod aa a bsundare Bedeitung fiad Fejd- und Gortnorbat, fiad Aussoot unds Setzn vo Pflanzna. Wos ma do mocht bringt a reiche Ernte.^[2]

Am Greapfinzda, nochm Gloria vo da Mess zum letztn Omdmoi, fliagn nochm kristlichn Voiksglaam de Glockn af Rom. De Aufgob ibanehma de Ratschnkinda. Da Ursprung vom Ratschna is da oide Brauch zum Vatreibm vo de Wintageista.

Beleg

↑ Eindrog iwa Greapfinzda in: Austria-Forum, dem östareichischen Wissnsnetz – online (im ABC zur Volkskunde Österreichs)
↑ Paul Sartori: Art. „Gründonnerstag“, in: Handwörterbuch des deutschen Aberglaubens, Bd. 3 [1932], unveränd. photomech. Nachdruck, Walter de Gruyter, Berlin / New York, 2000.

Boarischa Brauch


Weihnochtskroas	Nigglodog • Heiligomd • Kristbaam • Rauhnocht • Wüde Jogd • Silvester • Neijoar ooblosn • Neijoar oosinga • Perchtn • Sternsinga • Goaßlschnoizn • Apaschnoizn
Foschingszeid	Fosanocht • Narrischa Pfinzda • Ruaßiga Freida • Schmoiziga Samsda • Oschamigga • Fosanegl • Liachtmess
Ostakroas	Ostan • Poimkatzal • Poimbuschn • Poimgart • Ostabrod • Oascheim • Poimsunda • Greapfinzda• Oustabrunn
Joareskroas	Walburgisnochd • Maibaam • Pfingstox • Unruahnocht (Pfingstn) • Johanni • Oimotrieb • Wiesn • Ollaheilignomd (Halloween) •Ollaheilign • Ollasäin • Martini
Gwand	Boarische Tracht • Diandl • Gamsboart • Haferlschuah • Lederhosn • Pfoad • Roagaspitz • Schariwari
Lebmsobschnitt	Ged • Fensterln • Boarische Hozad • Prograda • Sterbbuidl
Lebmsfreid	Derblecken • Gstanzl • Hiatamadl • Hoagascht • Schuahplattler • Schmei • Weana Schmäh • Wolpertinger • Unruahnocht

[1] Eindrog iwa Greapfinzda in: Austria-Forum, dem östareichischen Wissnsnetz – online (im ABC zur Volkskunde Österreichs)

[sartori-2] Paul Sartori: Art. „Gründonnerstag“, in: Handwörterbuch des deutschen Aberglaubens, Bd. 3 [1932], unveränd. photomech. Nachdruck, Walter de Gruyter, Berlin / New York, 2000.

[1]

[2]