Dänemark

Der Artikl is im Dialekt Obaboarisch gschriem worn.

Kinereich Dänemark
Königreich Dänemark
Kongeriget Danmark


(Flaggn)	(Woppm)

Amtssproch

Dänisch (regionoi: deitsch, grönländisch, färöisch)

Haptstod

Kopnhagn

Stootsfoam

Parlamentarische Monarchie

Stootsowahapt

Frederik X

Ministapresident

Mette Frederiksen

Fläch

ohne Grealand 42.921 km²]
mid Gronland: 2.2 Mio. km²

Eihwohnazoih

Keanland 5.873.420 (Stond: 1. Jenna 2022)^[1]

zuaghearigs Grönland 56.584
zuaghearige Färöer 48.354

Bevejkarungsdichte 130

BEV-ZUANOHM ▲ +0,47 % (2011)^[2]

BIP

$49.182 pro Kopf

Hymne

Der er et yndigt land (national)

Kong Christian stod ved højen mast (königlich)

Weahrung

dänische Krone

Zeidzona

UTC+1

Kfz-Kennzeichn

DK

Internet-TLD

.dk

Voawoih

+45

Dänemark is a Kinereich in Noadeiropa. As Stootsgebiet liegd zwischn da Skandinavischn Hoibinsl und Middleiropa af uma 43.000 km² Fläch. A Driddl dovo mocha de 443 namadli bekonndn Insln (72 dovo san bewohnd) aus.^[3] entffoid (insgsomt sans sogoa 1419 Insln iwa 100 m² Flächn).^[4]

Dänemark ghead seit 1973 za da EU. Nem Keanstootsgebiet ghean de innenpolitisch autonomen Gebiete Grönland und de Färöer zan Kinereich Dänemark und za da NATO, owa ned za da EU.

De oanzige Landgrenz hod Dänemark z Deitschland. Do lebd in ehemois dänischn Sidschleswig a dänische Mindaheit, so wia im ehemois deitschn Noadschleswik in Dänemark a deitsche Mindaheit lebd.

Geografie

As dänische Keanland bstähd aus'm neadlichn Tei vo da Hoibinsl Jütland (dän.: Jylland) und insgsomd 443 Insln, vo dene de gressde Sääladd (Sjælland) mid da Haptstod Kopnhagn is. Ondre große Insln san: Fünen (Fyn), Lolland und Falster. De gressdn Insln san olle duach Bruckn midanand vabundn. As Land is recht floch, da häxde Higl is grod amoi 171 Meta iwa'm Meearesspiagl. Westli vo Dänemark liegd d'Noadsää (drum hoassds af dänisch aa: Vesterhavet, oiso Westsää), im Ostn d'Ostsää. Vabundn san de zwoa duach an Öresund zwischn Sääland und Schwedn, an großn Belt zwischn: Sääland und Fünen und an kloana Belt zwischn Fünen und Jütland. As Klima is weng am Goifstrom eha fad: im Summa is' vahejtnismeßig frisch, und im Winta rengd's an Haffa, und schneim duads eha sejtn. Fia d'Landwiatschoft is des grod guad, drum hod's so vui Sai und Rindviecha in Dänemark.

Wichtige Städt

De dänische Gsejschoft is stoak uabanisiad, iwa 86 Prozent vo da Bevejkarung lem in Städt^[5].

Stod	Region	Eihwohna 1. Jenna 2000	Enwohna 1. Jenna 2007
Hovedstadsområdet	Hovedstaden	1.075.851	1.145.804
Orhus	Midtjylland	217.260	228.123
Odense	Syddanmark	145.062	158.453
Aalborg	Nordjylland	119.617	121.610
Esbjerg	Syddanmark	73.341	71.129
Randers	Midtjylland	55.761	59.391
Kolding	Syddanmark	53.447	55.407
Horsens	Midtjylland	48.730	51.112
Vejle	Syddanmark	47.930	49.943
Roskilde	Sjælland	43.100	46.071
Herning	Midtjylland	29.216	44.481
Silkeborg	Midtjylland	37.088	41.619
Næstved	Sjælland	39.408	41.510
Fredericia	Syddanmark	36.573	39.356
Køge	Sjælland	32.996	34.735
Viborg	Midtjylland	32.258	34.522
Helsingør	Hovedstaden	34.494	34.339
Holstebro	Midtjylland	31.200	33.548
Hørsholm	Hovedstaden	35.261	33.528
Slagelse	Sjælland	31.259	31.914
Taastrup	Hovedstaden	30.934	31.461
Hillerød	Hovedstaden	27.675	29.382
Sønderborg	Syddanmark	26.757	27.371
Svendborg	Syddanmark	27.499	27.263
Holbæk	Sjælland	23.426	25.987
Hjørring	Nordjylland	24.829	24.729
Frederikshavn	Nordjylland	24.680	23.499
Haderslev	Syddanmark	21.114	21.182
Skive	Midtjylland	20.639	20.556

Bevejkarung

Bevejkarungsstruktua

De Bevejkarung vo Dänemark is seah homogen, iwa 90 Prozent vo da Bevejkarung san Dänen. Gressare Mindaheitn san Oghearige vo ondan skandinavischn Vejkan sowia Tiakn und de deitsche Mindaheit. De deitsche Mindaheit hod gnau wia de dänische Mindaheit in Schleswig-Holstein a Sondastejung. De moasdn vo de uma 15.000 – 25.000 aus da deitschn Voiksgruppm lem on da Grenz za Deitschland.

Sproch

De Amtssproch vo Dänemark is Dänisch. Ois Mindaheitnsproch is in Noadschleswig (im dänischn Tei vo Schleswig bzw. Sidjütland) aa Deitschoeakennd. Donem hom in a poa Landestein aa Dialekte wia: Sønderjysk und Bornholmsk a relativ stoake Vaonkarung af de Färöer und in Grönland san nem Dänisch Färöisch bzw. Grönländisch offiziej Amtssprochn.

De dänische Sproch ghead zamm mid: Isländisch, Färöisch, Norwegisch und Schwedisch zan nordgermanischn Zweig vo de Indogermanischn Sprochn. Bis zan End vo da Wikingazeid hom se de skandinavischn Mundoatn nua a wengal voanonda untaschiedn.

Politik

Wia de moasdn Lända in Noadeiropa is aa Dänemark a konstitutioneje Monarchie mid om Monarchn ois Stootsobahapt. Des woa jetz scho seit iwa 50 Joar de Kenigin Margarethe II. De wiakliche Mocht gehd owa van Folketing aus, so nennans era Parlament. Des wead olle via Joar gwejd, sogd o, wea Ministapresident wead. Traditionej hockn im Folketing recht vui vaschiedne Partein, wei ma bloß zwoa Prozent vo de Wehjastimma brauchd, doss ma einekimmd, und wei Vatreta vo Grönland und Färöer goa koa Sperrklausl hom. D'wichtigsdn Partein san: de Liberaln (Venstre), de Sozialdemokratn (Socialdemokratiet) und de Voikspartei (danske Folkeparti).

De Vawoitung hom's in Dänemark eascht 2007 komplett nei gmochd: as Land is jetz in 5 Regiona: (Nordjylland, Midtjylland, Syddanmark, Hovedstaden und Sjælland). Dozua kemma no Grönland und de Färöer, wo se autonom vawoitn.

Folketing

Im Folketing san nein Partein vatredn:

Partei	Siez
Liberale Partei (Venstre)	47
Sozialdemokratische Partei (Socialdemokratiet)	45
Dänische Voikspartei (Dansk Folkeparti)	24
Sozialistische Voikspartei (Socialistisk Folkeparti)	23
Konservative Voikspartei (Det Konservative Folkeparti)	17
Sozialliberale Partei (Det Radikale Venstre)	9
Eihheitsliste Roud-Grea (Enhedslisten – de rød-grønne)	4
Liberale Allianz (Liberal Alliance)	3
Kristdemokratn (Kristendemokraterne)	1

Nem de dänischn Partein san aa Partein aus de autonomen Territorien Grönland und Färöer mid zamm via Siez im Parlament vatredn.

Vawoitungsgliedarung

Regiona

Seit'm 1. Jenna 2007 is's Muadaland Dänemark in de foigndn fimf Regiona mid insgsomd 98 Kommunen afteid:

Log	Region	Vawoitungssiez	Bevejkarung	Fläch (in km²)	Bevejkarungsdichte (pro km²)
	Region Nordjylland	Aalborg	578.839	7.927	73
	Region Midtjylland	Viborg	1.237.041	13.142	94
	Region Syddanmark	Vejle	1.194.659	12.191,2	98
	Region Hovedstaden	Hillerød	1.645.825	2.561	643
	Region Sjælland	Sorø	819.427	7.273	113