Katar

Aus Wikipedia
Fia andane Bedeitunga schau: Katar (Begriffsklearung).
Flagge Katars
Flagge Katars
Wappen Katars
Wappen Katars
Flagge Wappen
Amtssprache Arabisch
Hauptstadt Doha
Staatsoberhaupt Scheich Tamim bin Hamad Al Thani (تميم بن حمد بن خليفة آل ثاني)
Regierungschef Scheich Khalid bin Khalifa bin Abdul Aziz Al Thani (خالد بن خليفة بن عبد العزيز آل الثاني)
Fläche 11.437 km²
Einwohnerzahl 2.155.446 (2014)
Bevölkerungsdichte 186 Einwohner pro km²
Bruttoinlandsprodukt nominal (2009)[1] 83.910 Mio. US$ (61.)
Brutto­inlands­produkt pro Einwohner 68.872 US$ (3.)
Index der menschlichen Entwicklung 0,803(38.)[2]
Währung 1 Katar-Riyal (QR) = 100 Dirham
Unabhängigkeit 18. Dezember 1878, 3. September 1971 (vom Vereinigten Königreich)
National­hymne as-Salam al-amiri
Zeitzone UTC+3
Kfz-Kennzeichen Q
Internet-TLD .qa
Telefonvorwahl +974
Wüstenlandschaft in Katar

Katar (arabisch قطر‎ Qatar, Umschrift: Qaṭar) is a Emirat am Noadostn vo da arabischn Hoibinsl am Persischn Goif.

Da Stoot Katar ligt auf arana recht schmoin, ovaln Hoibinsl und duad am Sian an Saudi-Arabien grenzn. Vom Sian an Noadn auffe, dehnt se as Land um de 180 km, vom Westn an Ostn 80 km aus. Zum Gebiet gheand a nu oi Insln.

Eadkunde[Werkeln | Am Gwëntext werkeln]

Soizsimpf und Wüstenstroafan grenzand Katar vom Rest vo da arabischn Hoibinsl o. D Soizpfandln – sognennde Sabkhas – auf da Hähn vom Meer hand Relikte ausarana Zeit, wo Katar nu a Insl wa. Erscht duach a leichte Hebung vom Lands id d Vabindung zum arabischn Festland entstandn. Aus dene Simpf steigt an Noadn as sanft gwejde Higelland empor, de wos Katar prägt. Am Westn, a da Natt vo da Stod al-Kirana, kimmd as Gelände am Dschabal Duchan mid 106 m zu seim hächstn Punkt. An Ostn hi foid s Land sanft zum Meer obe. As ibawiegnd flache Land is vo Stoandl- und Kieswüstn prägt. Sanddünen kemmand grod vaoanzld fia, meistns a da Kistn am eißastn Siadostn. D Kistn wiad vo mehrane langgstreckte Buchtn gliadad. Bsundas a da Ostseitn hand an Haufa Korallenrief voaglogad.

S Grundwossa hod as gscheid houa Soizghoid; a Wossa zum Dringa wiad aus Meerwossaentsoizungs-Anlagn gwunga. Am Siadostn ligt d Meereslagune Khawr al Udayd.

Klima[Werkeln | Am Gwëntext werkeln]

Mid de gringa Niadaschlag vo unda 100 mm ghead Katar zu de druckastn Landschaftn vo da Wejd. Weis so nouad am Persischn Goif ligt, is a Klima s ganze Jea iba schwej, subtropisch und hoaß. D Luftfeichtigkeit ligt bei eba 85 %. Am Summa hand Tembaraduan vo um de 45 °C ned Sejtn, am Winda singands am Schnied auf 17 °C. Es kinnand oba Tembaraduan vo unda 10 Grod fiakemma agrad de letztn Winda is eftas fiakemma. Oft wachld da drucka-staubige Noadwestwind Schamal.

Flora und Fauna[Werkeln | Am Gwëntext werkeln]

Katar ist zum Groußteil recht unfruchtboa und a Ed, nu fej unwirtlicher ois de ganzn andan arabischn Wüstnlända. Grod am Noadn, wo d Niadaschlag nu a wengal efdas fia kemmand, wochsand Wüstenhyazinthn, Poimn und Dornstauan. Noch dem sejtna Reng kemmand Grasa und Greida fiara, Bliatn und Fricht dreimd, dadiand oba glei wieda. A de Soizpfandl wochsand a Gros und oi Stauan wos as Soiz vadrongand (Halophyten).

Ned fej Viecha – Wüstenspringmäuse, Igl, Geckos und Warane – kinnand do unda de extrema Lemsbedingunga vo da Wüstn Lem. Zugvegl rastn am Winda a da neadlichn Kistn. Gem duads eba 30 Vogloatn wos heimisch hand. Fia de gfährdetn Oryxantilopen is siadle vo Doha a Wuidpark baud won. D Gwassa vom Persischn Goif hand recht fieschreich. Manchmoi hand a Pottwale, Delfine und d vagleichweis rech sejtna Säkia zum findn. A da Noadkistn hand westle vo Ras Laffan Oaoblagestände vo Meeresschildkrötn.

Am Wuidpark al-Wabra gibts 50 vo de 80 Spix-Aras wos unda da Obhut vo de Menschn lemand.

Vawoidungsgliedarung[Werkeln | Am Gwëntext werkeln]

D Vawoidungsgliedarung vo Katar bestehd seit 2004 aus sim Gmoan (arabisch: baladiyya):

  1. Doha
  2. al-Chaur
  3. al-Wakra
  4. ar-Rayyan
  5. asch-Schamal
  6. Umm Salal
  7. ad-Daʿayan

Lidaradua[Werkeln | Am Gwëntext werkeln]

  •  Erich Follath: Wie Dubai, nur exklusiver. In: Der Spiegel. Nr. 28, 2006, S. 100 ff (Online).

Im Netz[Werkeln | Am Gwëntext werkeln]

 Commons: Katar – Oibum mit Buidl, Videos und Audiodateien

Beleg[Werkeln | Am Gwëntext werkeln]

  1. International Monetary Fund, World Economic Outlook Database, Oktober 2010
  2. Human Development Index


Koordinaten: 25° N, 51° O