Schwedn

Aus Wikipedia

Kinigreich Schwen Konungariket Sverige
(Details) (Details)
Åmtssproch	Schwedisch (de fàkto)
Hauptstod	Stockholm
Stootsform	Parlamentàrische Monarchie
Stootsobahaupt	Kinig Carl XVI. Gustav
Regiarungsschef	Fredrik Reinfeldt
Flächn	450.295 [1] km²
Eiwohnazoi	9.150.508 [2] (31. Juli 2007)
Beväikarungsdichtn	20,3 Eiwohna pro km²
BIP/Eiwohna	42.392 US-$ (2005)
HDI	(5.) 0,951
Währung	Schwedische Krone (SEK)
Nazionalhymne	Du gamla, Du fria
Zeitzone	UTC +1
Kfz-Kennzeichn	S
Internet-TLD	.se
Telefonvorwoi	+46
Datei:Sw-map.png

As Kinigreich Schwedn (schwedisch: Konungariket Sverige; hochdeitsch: Königreich Schweden) is a Land in Nordeuropa. As Kinigreich liagt auf da skandinavischen Hoibinsel, grenzt im Westen an Norweng, im Nordosten an Finnland und is im sidwesten durch d Öresund-Bruckn mit Dänemark vabunden. Schwen is Mitglied vom nordischen Rat und seit 1995 vo da eiropäischen Union.

Inhoitsvazeichnis 1 Erdkund 2 Beväikerung 3 Politik 4 Oanzlnochweis

[dro werkln] Erdkund

Schwen is a recht a langgstreckts Lånd: während im Norden da Polarkreis durchgeht, liagt da Siadn auf oana Heh mit de nerdlichsten Teile vo Deitschlånd. Dementsprechend is a s'Klima verschien: im Siadn is mild und im Sommer recht wårm, åber im Norden flackt da Schnee bis in Sommer. An da Grenz nåch Norweng håt's Berg bis ieber 2000 Meter, da hechste is da Kebnekaise mit 2111. Da Rest vom Lånd is eher flåch. In da Ostsee, wo estlich vo Schwen liagt, hom's no zwoa große Inseln, Ölånd und Gotlånd.

Im Hinterland und im Norden, wo net so vui Leit wohnan, håt's an Haufa wuide Viech, zum Beispui Elch, Wäif und Bärn. An großn Teil vo Schwen håm's zum Naturschutzgebiet erklärt, weil's eh gnua Laand håm.

[dro werkln] Beväikerung

Mit mehr wia 10 Millionen is Schwen an oawohnerreichste Land in Skandinavien. Davon han stückra 90 Prozent ethnische Schwen. Danem hods vor oim an da Grenz noch Finnland an Haffa Finnen, dera Språch wo doert a åis Minderheitenspråch oerkannt is, die Samen im Norden und an Haufa zugroaste Ausländer. In manche Stodtteil vo Stockholm hods mehr wia 95% Auslända.

De grässtn Städt vo Schwedn han

• Stockholm (1.253.309 Oawohner 2003)
• Göteborg (515.253)
• Malmö (261.549)
• Uppsala (127.734)
• Västerås (107.194)

Stückra 75% vo de Schwedn han in da evangelischn schwedischn Kiach, da Rest han Moslems, andas Christnvoik, Jun oder a ganz wos andas.

[dro werkln] Politik

Wia d Nochboalända Dänemark und Norweng is a Schwedn a konstitutionelle Monarchie. Des hoaßt dass a an Kini ois Staatsoberhaupt hom - seit 1973 is des da Carl XVI. Gustav - dass der oba net bsonders vui zum song hod. D Regierung werd vo am Ministerpräsidenten gleit, der wo zwoa vom Kini ernannt, oba vom Parlament bestimmt werd. S Parlament, in Schwen riksdag ghoassn, werd olle via Joah gwäit. Im Reichstag (riksdag) han d wichtigstn Partein d Sozialdemokratn (Sveriges socialdemokratiska arbetareparti) und de konservativen vo da moderatn Sammlungspartei (Moderata samlingspartiet). D'Sozialdemokraten han zwar traditionell d stärkste Kroft in Schwedn und hom in d letzen Joahzehnt a enorms Sozialsystem afbaut, oba seit da letztn Woi 2006 is da Fredrik Reinfeldt vo da Sammlungspartei im Amt.

[dro werkln] Oanzlnochweis

1. ↑ Statistisk årsbok för Sverige 2006
2. ↑ Statistiska Centralbyrån