Deitsche Sproch

Der Artikl is im Dialekt Obaboarisch gschriem worn.

Deitsch
Gredd in	Deitschland, Östareich, Liachtnstoa, dem deitschsprochiga Tei vo da Schweiz, Luxemburg, Namibia, Sidtirol (Italien), Deitschsprochige Gmoaschoft in Belgien; Mindaheitn in zoireichn weida middl- und osteiroejischen Stootn sowia in Zentralasien; Auswandera in Iwasee, v. a. afm amerikanischn Kontinent
Sprecha	Geschätzt: etwa 90 bis 98 Millionen Muuadasprochla wejdweit, mindestens 80 Millionen Fremdsprochla (davo nach Eurobarometer 55 Milliona in da Eiropäischen Union)
Linguistische Klassifikation	Indogermanische Sprochn Germanische Sprochn Westgermanische Sprochn Deitsch
Amtlicha Status
Amtssproch vo	Bejgien Bejgien Deitschland Deitschland EU (Amts- und Arbeitssprache) Liechtenstein Liechtenstein Luxnbuag Luxnbuag Ostareich Östareich Schweiz Schweiz Südtirol (Italien Italien)
Sonstiga amtlicha Status in:	Frankreich Frankreich („Regionalsprache“ in der Region Elsass und im lothringischen Département Moselle) Namibia Namibia („Nationalsprache“; bis 1990 auch Amtssprache) Poin Poin („Hilfssprache“ in zahlreichen Gemeinden)  Slowakei: Blaufuß (Amtssprache auf Gemeindeebene) Vatikanstod Vatikanstod (Kommandosprache der Schweizergarde)
Anakannte Mindaheitensproch in:	Danemark Dänemark Kasachstan Kasachstan Kirgisistan Kirgisistan Rumänien Rumänien Russland Russland  Slowakei Tschechei Tschechei Ungarn Ungarn
Sprochcodes
ISO 639-1:	de
ISO 639-2:	(B) ger	(T) deu
ISO 639-3:	deu

De Deitsche Sproch is theoretisch de Sproch, wo ma vasteat, wenn oana deitsch redt. Z Deitschland u ba de Groußdeitschn vasteat ma im weitastn Si dodrunta owa de ganzn Varietetn vom Houchdeitschn u Nidadeitschn, de wo se ned ois oangane Sprochn emanzipiat hom. Zwengs dem is de Deitsche Sproch a ganza Sprochzweig, da wo i da Regl de emanzipiatn Varietetn, wia Nidalendisch, Luxnbuagisch u Jiddisch, (politsch) exkludiat. Heit vasteat ma dodrunta owa efta blouß mehr es Houchdeitsch, fia wos aa de Anerkennung vom Nidadeitschn ois a Regionojsproch sprichd. In an engan Si vasteat ma unta m Deitschn ganz oft aa blouß es Neihouchdeitsch oda Standarddeitsch, wo de gsamtdeitscha Doch- u d Mediensproch is un adiem aa Lutherisch, (Nei-)Meißnisch oda Breissisch gnennt wiad.

De deitsche Sproch gheat zan westlichn Zweig vo de germanischn Sprochn und is de fast alloanige Sproch in Deitschland, Östareich und Liachtnstoa. Aa a groußa Teil vo da Schweiz und Sidtiroul is deitschsprochig, i den Sii, dass deitsch a Sammlbegriff vo Sprochn is, de wo afs Oidhouchdeitsch zruck gengan.

Wo kimmts her

Es Deitsch im engan Si, es Neihouchdeitsch, red ma schon seid dem 15. Joahundat, oiso scho recht loung. "Deitsch" hot ma owa scho im Oid- u Middlhouchdeitschn gsogt u wor zerscht nu a Pluralform diutschiu lant, d. h „deitsche Landa“. Gmoant hot ma domid, de Pletz, wo ma hoit Deitsch gred hot.

Des Wort Deitsch fia de Sproch gibts scho ebba länger wia ma moant. Gfundn hot mas in da lateinischen Form "theodisce". Des hot des easchte moi oana im Joa 786 n.Chr. in am Synodnbericht vom päpstlichn Nuntius Gregor vo Ostia gfundn.

A bissl deitlicher wead’s zwoa Joa späder, wia Anklage geng an boarischen Herzog Tassilo III wenga Fohnaflucht erhom worn is: "... quod theodisca lingua harisliz dicitur...". De „theodisca lingua“ wor seit'm Karl dem Groußn des amtliche Wort fia de oidfränkische Sproch.

Em lateinischn theodiscus (zum Voik ghörig) ligt des westfränkische theudisk zugrund, aba s wead aa mit’m gotischen „thiuda“, althochdeitsch „diot“ (Voik), in Vabindung brocht.

Eascht im Joa 1090 (im Annoliad ausm Kloaster Siegburg) wead „diutisc“ auf’d Sproch, s Voik, de Leid und s Land ogwendt:

 »Diutschin sprechin«, »Diutschin liute« u »in Diutischemi lande.«

hoaßt sovui wia

 »deitsch ren«, »deitsche Leit« u »i deitschm Land«

Dennat findt se beim Schmella nu in 19 Joahundat: "Noch ist's unserm gemeinen Mann lediglich die Sprache was einen Deutschen ausmacht. deutsch seyn, Deutsch verstehen oder sprechen. [...] Mier hom en Franzosn in Quatier, der is deutsch." oiso da red deitsch; ma vasteat nen...

Historie

Da hod ma friara Deitsch gred

De Deitsche Sproch, bzw. da Sprochzweig, teilt se in zwoa Formen auf. Oamoi gibts des Hochdeitsche und zum andern des Niderdeitsche, wobei es Nidadeitsch wia gsogt in jingana Zeid vasoucht woan is ois Nordseegermanisch umzenglidan. Hochdeitsch warn alemannisch, boarisch, ost-, rhein-, middelfränkisch und ostmiddeldeitsch, also de ober- und middeldeitschn Mundartn.

Und weils im ganzn Middloita an Untaschied zu de romanisch- oda slawischsprochign Nachbarn gebn hod, und ois sozusogn 'stark territorial zasplittert gwen is und a scho oiwei ois recht durchaanand gwesn is da untn, ham si extrem unterschiedliche deitsche Dialekte aussabuidt.

Vom Zeitlichn her ko ma d' Historie vo da (hoch-)deitschn Sproch in vier Abschnitte (Sprochstuafn) dividian:

• 750 – 1050: Oidhochdeitsch
• 1050 – 1350: Middlhochdeitsch
• 1350 – 1650: Fruaneihochdeitsch
• ummara 1650: Neihochdeitsch

De Sproch i de Epochn is ned homogen, scho im Oidhouchdeitschn hod ma vaschidnane Dialekt ghobt.

Sprochgschicht und wia si’s ohead

In Sidn san de ganzn ejtan aspiriatn – oda bhauchtn – Lautt p^h / t^h / k^h frikativ woan; oiso hots a p^h / t^h / k^h blouß mear ois Allophon vo pf / z / kch oda sekundear ois b+h / d+h / g+h gem. D Untascheidung zwischn 'b / d / g' un 'p / t / k (= bb / dd / gg)' is in Obadeitschn a lenis/foatis-Untascheidung gwoan. Des is de neadlichn Dialektsprecha schwaar gfalln u se hom es ned bhauchta p / t / k scheints in Middldeitschn ois stimhafts b / d / g oda houchsprochlich wia in Nidaddeitschn ois p^h / t^h / k^h asgsprochn. Des 'k' in Boarischn – u generej in neadlinga Obadeitsch – is gweanli a k^h. Oids u oidboarischs 'k' wiad heit praktisch blouß mea gg oda g gschrim.

Generej findt ma im nidadeitschn Noadn i de Dialektt bei de Konsonantn oiso an ejtan Sprochzuastand. Bei de Entwicklunga zen Fruaneihouchdeitschn mocht na da alemannische Sidwestn de lautlichn Vaänderunga im Bereich vo de Vokall ned mit; da boarische Siidostn mocht de "Diphthongierung" u de "Deanung i da Tonsilbn" mid, owa de fruaneihochdeutsche Monophthongierung ned, wobei des natiale grob gsogt u leicht simplifiziad is, wei a) de gnenntn Entwicklunga untaschidle umgsetzt woan san – de Deanung in Boarischn is ondasts wia in Standarddeitschn – u b) Lautwandl aa in Nidadeitschn u Alemannischn stattgfunna hom. Weitas bleim ban Assapickn vo de zamgejadn Lautwandl min Neihouchdeitschn, d grammatischn Untschid rundum asgspoat, wo es Boarisch en Alemannischn grammatisch furt gneachta is wos en Standarddeitschn, bspw. Boarisch gaabad u k^haamad warad Alemannisch chämti u gäbti oda ause warad ūse...

Ban Standarddeitschn is generej d Assproch duach de zgrund lingatn Dialekt pregt. D offizielle Assproch mid p^h / t^h / k^h fia Boarisch p (bb) / t (dd) / k^h reflektiat de ois p^h / t^h / k^h daholtanen Konsonantn in Nidadeitschn...

So wia mas schreibt

Friana hots mearane Kanzleisprochn u Orthographien gem. De boadn groußn transregionaln Furma, wo si in houchdeitschn assabildt hom, san es obasächsische Neihouchdeitsch u d Obadeitsche Schreibsproch gweng. I de Joarzent noch en Afstiag vo Preißn duachn Simjähring Kriag (1756-1763) is de Schuipflich in Sidn mid da obasächsischn resp. ostmiddldeitsch-basiatn Schriftsproch eigfiart woan, wos es End fia d Obadeitsche Schreibsproch gmoant hod.

Zen toal nutzn d Obadeitsche Schreibsproch u da Dialekt meara Fremdweata, wia Trottua, Schurnal, Schandarm, Redschossee oda Billet, es Standarddeitsch owa meara Neologismen. I de ned-bundesdeitschn Varietetn von Schriftdeitsch is de Entfremdung von Dialekt a bissl entschärft. Za dera Vadeitschung vo da Sproch hom beitrong:

• d sprochpuristischn Bewegunga seit n 17. Jh.; vo da 1617 grindetn Fruchtbringadn Gsellschaft bis zen 1885 grindetn Allg'meinen Deutsch'n Sprachverein
• a nazionale Streamunga seit n 17. Jh.

Relevant fia d Duachsetzung vom heiting Neihouchdeitsch warad u. A.:

• in 15. Jh. es 'Afschliaffa' oda Affinna vo da Tipografi resp. da Biachapress
• seit 1650 d Zeitunga
• 1717 d Eifiarung vo da Schuipflich z Preißn
• 1763 da Sig vo d Houchnzollan resp. vo Preißn in Simjähring Kriag
• 1774 d Eifiarung vo da Schuipflich z Estarreich min Obasächsischn Neihouchdeitsch
• 1802 d Unterrichtspflicht z Bayan min Obasächsischn Neihouchdeitsch
• 1866 da Sig vo d Houchnzollan in Deitschn Kriag
• 1871 d Grindung von Deitschn Reich
• d Harmonisirung u d Standardisirung von Deitschn
• seit 1923 es Radio
• seit 1935 es Feanseng resp. es "Potschnkino"

Mit da Schuipflicht u dem Zuanemma vo dene, de wo schreim hom kenna, is ma draf as gweng, si im Neihouchdeitschn bei gwisse Sochan zen eining:

• 1748 git s d Gottsched’sche Grammatik, wo se longsom duachsetzt
• 1781 schreibt da Johann Christoph Adelung s easchte moi d ganzn Weata auf
• 1852 untanemma da Jacob u da Wilhelm Grimm no amoi a gesamtdeitschs Weatabuach mid ana historischn perspektiv, fertig worn is eascht 1961
• (1860–1865 schreibt da Daniel Sanders sa Belegweatabuach vo da neianen Deitschen Schreibsproch)
• 1880 brengt da Konrad Duden sa Orthographischs Weatabuach vo da Deitschn Sproch assa
• 1901 is des in leicht vaändata Form zur Grundlog vo da amtlichn Rechtschreibung erklärt worn.
• 1996 homs dann de Neie deitsche Rechtschreibung ogfangt

Wo wers jetz no ibaoi gredt?

Do konnst da’s oschaun:

Die deitschsprochige Welt Orange: Amtssproch Rot: Vakeassproch, regionale Amtssproch Blau: rechtl. anerkannte deitsche Minderheiten Türkis: Deitsche Minderheiten ohne rechtl. Status.

Argentinien 330.000 - 350.000; uma 1,5 Millionen Deitschstämmige (schaug aa unta: Belgranodeitsch) Australien 200.000 oda mehr; 2 Millionen Deitschstämmige (Hauptsächlich um Adelaide) Bejgien 78.000 (in Ostbejgien, vaanzlt aa no im Areler Land, Deitsch is oane vo de drei offizielln Sprochn Bejgiens, gmeinsam mit Niederländisch und Franzesisch) Brasilien 850.000 - 900.000; 2 - 5 Millionen Deitschstämmige und Dialekts (schaug aa unta Riograndenser Hunsrückisch, Deitschsprochige in Lateinamerika) Chile 20.000 (schaug aa unta: Launa-Deitsch) Dänemark 15.000 (in Nordschleswig; etwa zwoa Drittel vo da deitschen Minderheit redn an südjütischen Dialekts als Umgangssproch) Deitschland uma 82 Millionen (Deitsch is gsetzliche Amtssproch; Sorbisch, Dänisch, Friesisch und Niederdeitsch ham Minderheitenrechte) Estland 1.870 Frankreich: 1.200.000 (nur no ein kloana Teil vo de Elsässer und Lothringer redt den ogstammten Dialekt) Israel 200.000 (schaug aa unta: Jiddisch) Italien 333.000 (uma 67% aller Südtiroler, Deitsch is in Südtirol gsetzlicheAmtssproch mit'm Italienischen und Ladinischen; schaug aa unta: Zimbern)

Kanada 300.000 oda mehra (2,8 Millionen Deitschstämmige, siehe Auswärtiges Amt). Kasachstan 358.000 (schaug aa unta: Kasachstandeitsche) Kirgisistan 20.000 (schaug aa unta: Kirgisistandeitsche) Krowozien 11.000 (schaug aa unta: Donauschwobn, Touristenzuazug) Lettland 541 Liachtnstoa 34.600 (Deitsch is alleinige Amtssproch) Litauen 2.060 Luxemburg 474.000 (Hochdeitsch is gemeinsam mit dem middeldeitschen Luxemburgisch und Franzesisch gsetzliche Amtssproch) Mexiko 80.000-90.000 Moldawien 7.300 Namibia 30.000 (schaug aa unta: Deitsche Sproch in Namibia) Niederlande 386.000, in den Niederlanden lebende Deitsche; Niederländisch, eine niederdeitsche Sproch, is Amtssproch Östareich 8,28 Milliona deitsche Östareicher (Deitsch als gsetzliche Amtssproch neben Minderheiten-Sprochn (u. a. Slowenisch in Kärnten und in da Steiermark) Paraguay iba 250.000 Deitschstämmige, davo aba höchstens 100.000 Deitschsprecher (schaug aa unta: Mennoniten, Deitschsprochige in Lateinamerika)

Polen 150.000 - 300.000 (Hauptsächlich Reste vo da deitschen Bevölkerung vor 1945 in Schlesien und Pommern, Deitsch is a anerkannte Minderheitensproch) Rumänien 45.000 (schaug aa unta: Siebenbürger Sachsen, Banater Schwaben, Donauschwobn, Sathmarer Schwaben) Russland: eiropäischa Tei (75.000), Sibirien (767.300) (schaug aa unta: Russlanddeitsche) Schweiz 5 Millionen (67% der Schweiza Bevölkerung; Deitsch is gsetzliche Amtssproch mit Franzesisch, Italienisch und Rätoromanisch) Serbien 5.000 (schaug aa unta: Donauschwobn in der Vojvodina) Slowakei 5.500 (schaug aa unta: Karpatendeitsche) Slowenien 2.000 (u. a. Reste vo de Gotscheer) Spanien 50.000 (Touristen, de meistn auf de Balearen, koa anerkannte Minderheit) Südafrika 300.000-500.000 (100.000 Passdeitsche, 1 Million Deitschstämmige, schaug aa unta Auswärtiges Amt). Tschechei 30.000 (Reste vo de Sudetendeitschen und as Hultschiner Ländchen) Ukraine 35.000 Ungarn 35.000-200.000 (schaug aa unta: Ungarndeitsche, Donauschwaben) USA 6,1 Millionen; 60 Millionen Deitschstämmige (Vor allem in North und South Dakota. Schaug aa unta: Pennsylvaniadeitsch bzw. "Pennsylvania Dutch", Texasdeitsch, Amische, Mennoniten, Hutterer)

Und des gibts heit ois

• Houchdeitsche Sprochn
  • Middldeitsch / Middldeitsche Sprochn (evtl. ehem. Iwagongsdialekt Houchdeitsch/Nidadeitsch)
    • Ostmiddldeitsch
      • Tiaringisch-Obersechsisch
      • Lausitzisch-Neimiarkisch
      • Schlesisch
      • Houchpreißisch
    • Westmiddldeitsch
      • Middlfrenkisch
        • Moselfränkisch
          • Luxemburgisch (emanzipiad)
        • Ripuarisch
      • Rheinfrenkisch
        • Hessisch
        • Pfälzisch
        • Pennsilfaanisch
  • Obadeitsch
    • Alemannisch (aa: Westobadeitsch)
      • Heachstalemannisch
      • Houchalemannisch
      • Middlalemannisch (aa: Boonseealemannisch)
      • Nidaalemannisch (aa: Obarheinalemannisch)
        • Elsessisch
      • Schweabisch
    • Boarisch (aa: Ostobadeitsch)
      • Noadboarisch
      • Noadmiddlboarisch (Iwagongsdialekt)
      • Middlboarisch
      • Sidboarisch
        • Hutterisch
        • Karntnarisch
        • Tirolerisch
      • Sidmiddlboarisch (Iwagongsdialekt)
      • Bersntolerisch (emanzipiad, aa: Mochenisch, adiem ois Sidboarisch gseng)
      • Zimbrisch (emanzipiad)
  • 'Obamiddldeitsch' (Iwagongs- u Mischdialektt vo Obadeitsch/Middldeitsch)
    • Jiddisch (emanzipiad, evtl. historisch a ghobns Oidboarisch, mid 'äi' fia 'åi'/'oa', vgl. vleisch/geist, an 'a' wia i jidd. kats u zimbr. khatz u stoakn middldeitschn Eifluß zwengs an 'pp' u da Lexik)
    • Noadobadeitsch (zwengs an 'pf' adiem zen Obadeitschn grechnt, evtl. historisch a Iwagongsdialekt Westmiddldeitsch/Obadeitsch)
      • Ostfrenkisch, umgangssprochlich "Fränkisch"
        • Mainfrenkisch
      • Sidfrenkisch (aa: Sid-Rheinfrenkisch)
• Nidasächsisch bzw. Plattdeitsch oda Nidadeitsch
  • Noadnidasächsisch
    • Holsteinisch
    • Oldenburgisch
    • Ostfrisisch
    • Schleswigisch
  • Ostnidadeutschen
    • Mecklenburgisch-Vorpommersch
    • Merkisch (aa: Mark-Brandenburgisch)
    • Ostpommersch
    • Nidapreißisch
  • Ostfälisch
  • Westfälisch

Und des hoaßt Deitsch bei de andern

1. Aus'm protogermanischen Wort fia Volk: Afrikaans: Duits Chinesisch: déyǔ 德语 oda déyìzhìyǔ 德意志语 (dé[yìzhì] = Lautibadrogung vom Wort „deitsch“; yǔ „Sproch“) Vietnamesisch: tiếng Đức (tiếng „Sproch“; Đức is de [sino-]vietnamesische Aussproch vom selben Sinographem 德 wia im chinesischen Nam) Dänisch: tysk Färöisch: týskt Furlanisch: todesc Hochdeitsch: Deutsch Hollendisch: Duits Isländisch: þýska Italienisch: tedesco Japanisch: doitsu-go ドイツ語 oda 独(逸)語 (doitsu = Lautibadrogung vom Woat „deitsch“; go „Sproch“) Koreanisch: dog(ir)eo 독[일]어 (Die gleichen Sinographeme wia im japanischen Namen, aber in sinokoreanischer statt sinojapanischer Aussproch: 獨→독 dok, 逸→일 il, 語→어 eo. Die drei Sinographeme 獨逸語 san im Japanischen inzwischen zu 独逸語 vaoafacht), aa dogilmal. Jiddisch: daytsh (דײַטש) Latein: (lingua) Theodisca Luxemburgisch (Moselfränkisch): Däitsch Niedersächsisch: Düütsch Nordsamisch: duiskkagiella oda tuiskkagiella Norwegisch: tysk Plattdeitsch: düütsch Rätoromanisch: tudestg Schwäbisch: deitsch Schwedisch: tyska	2. Kimmt vom Wort „Germanen“: Albanisch: gjermanishte Bahasa Indonesia: Jerman Englisch: German Esperanto: germana lingvo Griachisch: Γερμανικά (jermaniká) Hebräisch: גרמנית (germanit) Hindi: जर्मन (jarman) Irisch: Gearmáinis Mongolisch: Герман Rumänisch: germană Schottisch-Gälisch: Gearmailtis	3. Vo de „Sachsen“ abgleitet: Estnisch: 'saksa Finnisch: 'saksa Inarisamisch: 'säksikiela
4. Aus'm slawischen Wort němec mid vaschidnan Theorin iwa d Etymologi, wo zen Toal enda Eslsbruggn u Voiksetymologin san, wia němy "stad, stumm", es git a a boar Ortsnama, de wo ma mid dem Namma vaknipfn kant, wia Niemegk u Nijmegen. Bulgarisch: немски Bosnisch: njemački Kaschubisch: miemiecczi Krowodisch: njemački Niedersorbisch: nimšćina Obersorbisch: němčina Polnisch: niemiecki Russisch: немецкий Serbisch: nemački Slowakisch: nemčina Slowenisch: nemščina Tschechisch: němčina Ukrainisch: німецька Ungarisch: német (Ungarisch is koa slawische Sproch, jedoch is des Wort "német" aus'm Slawischen ibanumma) Weißrussisch: нямецкая	5. Vom Wort „Alamannen“ abgleitet: Arabisch: ألمانية (almāniyya) Baskisch: Alemaniera Bretonisch: alamaneg Franzesisch: allemand Galizisch: alemán Katalanisch: alemany Kornisch: Almaynek Lingala: lialémani Persisch: آلمانى (ālmānī) Portugiesisch: alemão Spanisch: alemán Tiakisch: Almanca Walisisch: Almaeneg	6. Bei de baltischen Sprochn: Jatwingisch: miksiskai Lettisch: vācu Litauisch: vokiečių Preußisch: miksiskāi

Literatua

• Das Deutsche Wörterbuch 1838–1961, ogfangt vo Jacob Grimm und Wilhelm Grimm („Grimmsches Wörterbuch“ oda DWB), dees umfossandste deitsche Weaterbuach, entwicket nach historischn Prinzipien Neibeorbatung 1983ff.
• Johann Christoph Adelung: Grammatisch-kritisches Wörterbuch der hochdeutschen Mundart, mit beständiger Vergleichung der übrigen Mundarten, besonders aber der oberdeutschen. 5 Bände; rev. u. berichtigt von Franz Xaver Schönberger. Pichler, Wien 1808, download hier
• Johannes Bechert /Wolfgang Wildgen: Einführung in de Sprachkontaktforschung, Wissenschaftliche Buchgesellschaft, Darmstadt 1991.
• Dieter Breuer: Oberdeutsche Literatur 1565–1650. Deutsche Literaturgeschichte und Territorialgeschichte in frühabsolutistischer Zeit. Beck, München 1979, ISBN 3-406-10811-3.
• Csaba Földes: Kontaktdeutsch. Zur Theorie eines Varietätentyps unter transkulturellen Bedingungen vo Mehrsprachigkeit, Gunter Narr, Tübingen 2005.
• Andreas Gardt (Hrsg.): Nation und Sprache. Die Diskussion ihres Verhältnisses in Geschichte und Gegenwart. de Gruyter, Berlin/ New York 2000, ISBN 3-11-014841-2.
• Peter Polenz: Deutsche Sprachgeschichte vom Spätmittelalter bis zur Gegenwart. Band II: 17. und 18. Jahrhundert. de Gruyter, Berlin u. a. 1994, ISBN 3-11-013436-5.
• Claudia Maria Riehl: Sprachkontaktforschung, Narr, Tübingen 2004.
• Daniel Sanders: Wörterbuch der Deutschen Sprache. Mit Belegen von Luther bis auf die Gegenwart, Belegwerterbuach vo da jinganan neihouchdeitschn Literatur, Otto Wigand, Leipzig 1876-1885.
• Anja Stukenbrock: Sprachnationalismus. Sprachreflexion als Medium kollektiver Identitätsstiftung in Deutschland (1617–1945). de Gruyter, Berlin 2005, ISBN 3-11-018278-5.
• Walter Tauber: Mundart und Schriftsprache in Bayern (1450 - 1800); Untersuchungen zur Sprachnorm und Sprachnormierung im Frühneuhochdeutschen. (= Studia linguistica Germanica. 32). de Gruyter, Berlin/ New York 1993, ISBN 3-11-013556-6. (Google Books)
• Harald Wiese: Eine Zeitreise zu den Ursprüngen unserer Sprache. Wie de Indogermanistik unsere Wörter erklärt. Logos Verlag Berlin, 2010, 2. Auflog, ISBN 978-3-8325-1601-7.

Im Netz

 Commons: Deitsche Sproch – Sammlung vo Buidl, Videos und Audiodateien

• Institut fia deitsche Sproch (IDS), Mannheim
• Deitscha Sprochrat@1@2Vorlage:Toter Link/www.deitscher-sprachrat.de (Seite nicht mehr abrufbar; Suche in Webarchiven)
• Gsejschoft für deitsche Sproch, Wiesbaden
• Stiftung Deitsche Sproch
• Rat fia deitsche Rechtschreibung
• Wortschatzlexikon vo da Universität Leipzig
• Grimm, Deitsches Wörterbuch
• Aktion lebendiges Deitsch
• Vabroadung vo da deitscen Sproch im Internet@1@2Vorlage:Toter Link/www.netz-tipp.de (Seite nicht mehr abrufbar; Suche in Webarchiven)
• Atlas zua deitschn Oitogssproch@1@2Vorlage:Toter Link/www.uni-augsburg.de (Seite nicht mehr abrufbar; Suche in Webarchiven)
• Deutschtum.net - Deitsch oda Welsch
• Trier Center for Digital Humanities - Woerterbuchnetz
• DWDS Woerterbuecher