Heigenbrücken

Basisdotn
Bundesland:	Bayern
Regiarungsbeziak:	Untafrankn
Landkroas:	Landkroas Aschaffenburg
Vawoitungsgmoaschoft:	Heigenbrücken
Hechn:	274 m ü. NHN
Flächn:	6,73 km2
Eihwohna:	2276 (31. Dez. 2020)
Bevökarungsdichtn:	338 Einwohner je km2
Postleitzoi:	63869
Voawoi:	06020
Autokennzeichn:	AB, ALZ
Gmoaschlissl:	09 6 71 126
Gmoagliedarung:	2 Ortstei
Address vo da; Gmoavawoitung:	Hauptstraße 7; 63869 Heigenbrücken
Webseitn:	www.heigenbruecken.de
Buagamoasta:	Werner Englert (SPD)
Log vo da Gmoa Heigenbrücken im Landkroas Aschaffenburg
	Karte

Heigenbrücken is a Gmoa im untafränkischn Landkroas Aschaffenburg und Sitz vo da Vawoitungsgmoaschoft Heigenbrücken.

Geografie

Geografische Log

Heigenbrücken liegt in da Region Bayerischer Untermain inmiddn vom Spessart. Da topografisch hechste Punkt vo da Gmoagemarkung befindt se an da Steigkoppe mid 493 m ü. NN, da niedrigste liegt am Lohrbach sidestli vo Heigenbrücken auf 248 m ü. NN.

Des Doaf Heigenbrücken sejbst liegt im Toi vom Lohrbach zwischn Jakobsthal und Neuhütten. Da hechste Punkt vo da Doafgemarkung befindt se am Hong vom Schwarzkopf auf 424 m ü. NN, da niedrigste entspricht der vo da gsomtn Gmoa.^[2]

Gmoagliedarung

Heigenbrücken hod zwoa Ortstei:^[3]

Heigenbrücken
Jakobsthal

Nochboagmoana

Heinrichsthaler Forst (gmoafreies Gebiet)	Gmoa Heinrichsthal	Heinrichsthaler Forst (gmoafreies Gebiet)
Sailaufer Forst (gmoafreies Gebiet)		Gmoa Neuhütten
	Forst Hain im Spessart (gmoafreies Gebiet)

Noma

Etymologie

Da urspringliche Noma Heygerbruck geht auf de middlhochdeitschn Weata Heiger, des Reiher bedeit, und brücke zruck. Ois Eaklearung eagibt se Brugg, an der se Reiher aufhoitn.^[4] A Vabindung mid bruch, des Sumpf bedeit, ko duach de Schreibweis im 16. Joarhundad …zur Heygerbrucken woi ausgschlossn wern.

Friahare Schreibweisn

Friahare Schreibweisn vom Ort aus diversn historischn Koartn und Urkundn:

1477 Heygerbruck
1518 Haigersbrücken
1526 Heygerbrucken
1551 Heyger Brucken
1633 Haigenbrücken
1819 Heigenbrücken

Gschicht

De easchte urkundliche Eawähnung ois Heygerbruch is im Joar 1477 eafoigt.

Im Zug vo de Vawoitungsreforma in Bayern is midm Gmoaedikt vo 1818 de Gmoa Heigenbrücken entstondn.

Am 1. Juli 1862 is des Bezirksomt Aschaffenburg buidt worn, auf dessn Vawoitungsgebiet Heigenbrücken gleng is.

Heigenbrücken woar seit 1939 oane vo de 33 Gmoana im Oidkroas Aschaffenburg. Diesa hod se am 1. Juli 1972 midm Landkroas Alzenau in Unterfranken zum neien Landkroas Aschaffenburg zammgschlossn.