Slowakai

Aus Wikipedia
Wexln zua: Navigation, Suach
Der Artikl is im Dialekt Pongaurisch gschrim worn.
Slowakai
Slovensko
Slowakische Republik
Flag of Slovakia.svg
Coat of arms of Slovakia.svg
Omtssprouch Slowakisch
Hauptstoud Pressburg (Bratislava)
Stoutsform Republik
Stoutsowerhaupt President Andrej Kiska
Regiarungsschef Ministerpresidentin Robert Fico
Flächen 49.034 km²
Eiwonerzoi 5.421.349
Bevejkarungsdichten 111 Aiwoner pro km²
Gejt Euro (1 Euro = 100 Cent)
Gryndung 1. Jenna 1993
Nazionaalhymne Nad Tatrou sa blýska
Zeidzone UTC+1 MEZ
UTC+2 MESZ (Märschz - Oktower)
Kfz-Kennzeichen SK
Internet-TLD .sk
Telefonvurwoi +421
Slovakia in European Union.svg

D' Slowakai oder amtle: Slowakische Republik, sejtner Slowakien, (slowakisch: Slovensko oder Slovenská republika) is a Stout in Middleiropa, der wos 1992/1993 aus da Teilung vo da Tschechoslowakei hervurganga is. Si grenzt an Esterraich, an d' Tschechai, Poin, d' Ukraine und Ungarn. Said'm 29. März 2004 is d' Slowakai a Midgliad vo da NATO und seid'm 1. Mai 2004 ghärts za da Airopejschn Union.

Geografie[VE | Weakln]

D' Slowakai bestet im Nordn und in da Mittn aus de za d' Karpatn ghäratn Gebirg Tatra (Tatry) und da Niedern Tatra (Nízke Tatry), Kloane Fatra (Malá Fatra), Grosse Fatra (Velká Fatra), am Slowakischn Erzgebirg (Slovenské rudohorie) und vei onderne. As Lond biatt vuroim in da Tatra a oipinas Beijdl, im Sidn dastreckt sa se bis in d' Ungarische Tiafewane. D' hächste Dahewung is de Gerlsdorfer Spitzn (Gerlachovský štít) in da Hochn Tatra mid 2.655 Meter.

D' grässtn Fliss vo da Slowakai sand d' Donau (am mittleran Ouschnitt), d' Thaiss, d' Woug, d' March und d' Gran.

Vawoitungsgliaderrung[VE | Weakln]

Londschoftsvabänd[VE | Weakln]

D' Slowakai is in ocht Londschoftsvabänd („kraj“) aitoaet.

  • Banskobystrický kraj
  • Bratislavský kraj
  • Košický kraj
  • Nitriansky kraj
  • Prešovský kraj
  • Trenčiansky kraj
  • Trnavský kraj
  • Žilinský kraj

Grässte Städt[VE | Weakln]

  • Pressburg - 419.678
  • Košice - 239.464
  • Prešov - 90.187
  • Nitra - 78.033
  • Žilina - 81.155
  • Banská Bystrica - 79.027
  • Trnava - 65.713
(Stond: 31. Dezember 2014)

Bevejkerrung[VE | Weakln]

Voiksgrubbm[VE | Weakln]

Im Lond lem ebbers 5,42 Millionen Laid (2014). D' Bevejkarungsentwicklung is seid da Unouhängigkait eher stagnirt. Mid am Durchschnittsoiter vo 35,5 Jou ghärt d' Slowakai za d' jungdlichern Stootn vo Airopa.

Nem 85,8 % Slowakn bestet d' Bevejkerrung vo da Slowakai aus 9,5 % Ungarn, 1,8 % Roma, 0,8 % Tschechn (offizieje Zoin, da totsächliche Otoae wert wesntlich hächer aigschatzt), 0,4 % Ruthener, 0,2 % Ukrainer und 0,1% Deitsche [1].

Religion[VE | Weakln]

D' Blaue Kirch in Pressburg

In da Slowakai gibs fuchzen stoutlich oakonnte Glaamsgmoaschoftn. D' oadeitig grässt' is d' Rämisch-Katholische-Kirch. Laut da Voikszälung vo 2001 ghärn dera 68,9 % o.

Waiderne grässerne Gmoaschoftn sand:

  • Evangelisch-Augschburger-Kirch 6,9 %
  • Griachisch-Katholische-Kirch 4,09 %
  • Evangelisch-Reformirte-Kirch 2,04 %
  • Methodistn
  • Orthodoxe Kirch 0,94 %
  • Jidische Gmoa

Danem existirn aa no Boptistngmoaschoftn und Gmoana vo de Siwatn-Doug-Adventistn.

Es gib aa 11.269 aktiave Zaing Jehovas in da Slowakai, de in da Zaid vo da CSSR vabotn gwen sand. Im Jo 2007 sands in 160 Gmoana in da gonzn Slowakai tätig gwen.

12,9 % vo da Bevejkerrung sand konfessionslos und 2,99 % homd koa Ogob gmocht. Unter de sunsting 1,24 % befindn se unter onderm Judn, de vurm Kriag zoiraiche Gmoana ghob homd. Haidzdoug existirn wider merane Gmoana, zwoa in Pressburg (800 Midgliader), oane in Košice (700 Midgliader), sowia in d' Städ Prešov, Nove Zámky, Komárno, Dunajská Streda, Galanta, Nitra und Trnava. In da Zaid vom Kommunismus hods in da Slowakai faktisch koa jidischs Lem neamer gem. Vei Jo hod d' jidische Gmoa koane religiäsn Owerhaipter ghob. Erscht noch da „Somtern Revuluzion“ is da haidige Owerrabbina vo da Slowakai, da Baruch Myers aus de USA und da Rabbina Goldstein aus Israel, de de Gmoana in Pressburg und Košice loatn, ins Lond kemma.

Außerdem lem aa no mera wia 2.700 Muslime in da Slowakai.[2].

Vakea[VE | Weakln]

As Vakersnetz is bizentrisch aufs im Westn glegerne Pressburg und aufs im Ostn glegerne Košice ausgrichtt. s orientirt se an d' Toier und Fliss in da gebirging Slowakai.

Aisnboh[VE | Weakln]

Wichtigste Bohvabindungan sand de elektrifizirte Ost-West-Vabindung vo da Ukraine iwer Košice noch Pressburg mid da Furtsetzung in d' Tschechai, nouch Esterraich und Ungarn. Danem is d' Vabindung vo da Tschechai iwer Pressburg noch Ungarn vo Bedeitung. Wichtige Aisnbohgsejschoftn sand dodabai firn Personenvaker d' Železničná spoločnosť a.s. (ŽSSK), firn Gitervaker d' Železničná spoločnosť Cargo Slovakia a.s. (ŽSSK Cargo), ois Schinennetzbetraiwer d' Železnice Slovenskej republiky (ŽSR) und d' regionoi operrirnde Bratislavská regionálna koľajová spoločnosť (BRKS).

Beleg[VE | Weakln]

  1. FAZ vom 28. Aprij 2004
  2. http://www.statistics.sk/webdata/slov/scitanie/tab/tab4a.htm

Literratur[VE | Weakln]

  • Andre Micklitza: Slowakei, Michael Müller Verlag, 2007, ISBN 978-3-89953-355-2
  • The Encyclopaedia of Slovakia and the Slovaks, VEDA, 2007 (A Enzyklopädie vo da Slowakischn Akademie vo de Wissnschouftn)
  • Frieder Monzer: Die Slowakei entdecken, Trescher 2004, ISBN 3-89794-059-0
  • Renata Sako-Hoess: Reisetaschenbuch Slowakei, DuMont 2002, ISBN 3-7701-4889-4
  • Susanna Vykoupil: Slowakei, Beck'sche Länderreihe, 1999, ISBN 3-406-39876-6
  • Gabriele Matzner-Holzer: Im Kreuz Europas: Die unbekannte Slowakei, Wien 2001, ISBN 3-85493-047-X
  • Eva Gruberova & Helmut Zeller: Slowakei, Reise Know-How 2005, ISBN 3-8317-1375-8
  • Ernst Hochberger: Das große Buch der Slowakei, Sinn 2003, ISBN 3-921888-10-7
  • Katharina Sommer: Slowakei, Iwanowski 2006, ISBN 3-933041-23-6
  • Aurel Emeritzy & Erich Sirchich: Nordkarpatenland - Deutsches Leben in der Slowakei, Karlsruhe 1979, ISBN 3-7617-0168-3

Im Netz[VE | Weakln]

Koordinaten: 48° 39' 29" N, 19° 33' 30" O