Stuagart

Aus Wikipedia
(Weidagloadt vo Stuggart)
Wexln zua: Navigation, Suach
Stuagart
Stuttgart
Schduagert

Wappn vo StuagartStuttgartSchduagert Deitschlandkartn, Position vo StuagartStuttgartSchduagert heavoghobn
Basisdatn
Bundesland: Baden-Württemberg
Regierungsbeziak: Stuagart
Landgreis: Stodgreis
Koordinatn: Koordinaten: 48° 47′ N, 9° 11′ O 48° 47′ N, 9° 11′ O
Hechn: 247 m ü. NN
Flächn: 207,35 km²
Eihwohna: 612.441 (31. Dez.. 2014)
Dichtn: 2954 Eiw. pro km²
Sonstige Datn
Postleitzoi n: 70173–70619 (oid: 7000)
Vorwoi: 0711
Kfz-Kennzeichn: S
Gmoaschlissl: 08 1 11 000
Stodgliedarung: 23 Stodbeziak
mit 152 Stodtein
Adress vo da
Stodvawoitung
:
Marktplatz 1
70173 Stuttgart
Hoamseitn:
Politik
Obabuagamasta: Fritz Kuhn (GRÜNE)
Fritz Kuhn (2011)

Stuagart (amtli: Stuttgart) is de Haptstod vo Bodn-Wiattmbeag. Mid 612.441 Eihwohna (2014) is Stuagart aa de gräßte Stod vo Bodn-Wiattmberg, noch Minga de zwoatgräßte Stod vo Siddeitschland und de sechstgräßte Stod vo gonz Deitschland. De Agglomeration vo Stuagart hot umara 2,7 Millionan Eihwohna.

Geografie[VE | Weakln]

Stuagart liegt am Nesenbach, der im Zentrum untaiadisch und beim Stodoi Bad Cannstatt in an Neggoa einifließt. Stuagart hot vui Greaflechn, im Westn vo da Stod san des Waida, im Ostn Weinbeag und im Sidn Krautfejda. Im Noadn und am Negga is Stuagart fost duachgehnd bebaut. Vom Schlossplatz im Zentrum bis zum Negga geht a riesiga Paak, da Schlossgarten. Da diafste Punkt vo Stuagart is bei 207 m ü. NN am Negga und da hexste Punkt bei 549 m ü. NN am Autobohkreiz vo da A 8 und da A 81.

Gschicht[VE | Weakln]

Stuagart is ungfäa 950 n. Kr. vom schwäbischn Herzog Liutolf g'gründet und 1219 von de bodischn Markgrofn zua Stod erhom woadn. Donoch ham d'württmbergischn Grofn d'Herrschoft übanomman und Stuagart hot sich dann zua Residenz- und Hauptstod vo Württmberg entwicklt. Noch'm Zwoadn Wöitkriag hom si Baden, Württmberg und Hohnzollan 1952 zum Bundesland Bodn-Württmberg zsammgschlossn und Stuagart is d'Hauptstodt gwoadn.

Sehngswirdigkeitn[VE | Weakln]

Da Middlpunkt vo Stuagart buidt da Schlossplatz mit'm Oidn Schloss aus da Reneissance und'm Nein Schloss aus da Borockzeit. Dahinda is d'evangelisch Stiftskirchn im gotischn Stil. Üba da Stod thront da Fernsehturm, dea 1954-55 baud woan und da easchte woa, wo aus Bedo gmochd woadn is. iwahaabt is z Stuagart vüi aus Bedo baud woadn. Voa oim hams z Stuagart noch'm Kriag vui oide Haisa obgrissn, aa wenns nua leichde Schädn ghobt hom, und neie Gebaide aus Bedo hibaat. Zum Beispui san vom oidn Rothaas im flämischn Stil no d'Mauan gstondn, ma hots aba obgrissn und a neis aus Bedo higstöit.

Z Stuagart hots au vui Museen. Die bekoanntestn san füa d'Kunst d' Staatsgalerie und s Kunstmuseum, füa d'Vöigakunde s Lindenmuseum und füa d'Noduakunde s Rosensteinmuseum und s Löwentormuseum.

Wirtschafd[VE | Weakln]

Stuagart is a wichtiga Industriestandoart. A wichtige Roin spuid de Automobuiindustrie (Mercedes, Porsche) und de Elektroindustrie (Bosch). Außadem san z Stuagart aa no vüi Valog dohoam.

Vaaunstoitunga[VE | Weakln]

s Cannstatter Volksfest im Herbst is des zwoatgräßte Voiksfest noch da Wiesn. Außerdem gibts im Fruajoa nos Stuttgarter Frühlingsfest. Oi zwoa wean afm Cannstatter Wasen gfeiad.

Da Stuagart Weihnachtsmarkt is da gräßte Christkindlmarkt vo da Wöit mit üba 3 Millionan Bsucha, von dena einige ausm nohglengnan Auslond (Frankreich, Schweiz, Östareich, Italien) kimman.

Verkea[VE | Weakln]

Seit 01.03.2008 hot Stuagart die Stod zua Umwejdzon gmacht. Trotzdem san de Feinstaubweat vo da Stod weidahin vui z hoch, drum dengan de, de wos zum song hom, dass des von de Partiken vom Roaenobrieb kimmt.[1]

Beleg[VE | Weakln]

  1. http://www.testsieger-reifen.de/20111004-ist-feinstaub-aus-reifenabrieb-schadlich/