Waging am See

Der Artikl is im Dialekt Rupertiwinklarisch gschriem worn.

Waging am See

Basisdatn

Bundesland:

Bayern

Regierungsbeziak:

Obabayern

Landkroas:

Traunstoa

Vawoitungsg-
moaschaft:

Waging a.See

Koordinatn:

Koordinaten: 47° 56′ N, 12° 44′ O 47° 56′ N, 12° 44′ O

Hechn:

465 m ü. NN

Flächn:

48,87 km²

Eihwohna:

6590 (31. Dez.. 2014)

Dichtn:

135 Eiw. pro km²

Sonstige Datn

Postleitzoi n:

83329,
83367 (Ebing, Parschall, Schuhegg, Unterholzen)

Vorwoi:

08681

Kfz-Kennzeichn:

TS

Gmoaschlissl:

09 1 89 162

Adress vo da
Gmoavawoitung:

Salzburger Straße 1
83329,
83367 (Ebing, Parschall, Schuhegg, Unterholzen) Waging am See

Hoamseitn:

www.waging.de

Politik

Buagamoasta:

Herbert Häusl (Freie Wählergemeinschaft)

Waging am See (amtli: Waging a.See) is a Gmoa im Rupertiwinke und gheart zum Landkroas Traunstoa. Z Waging wohna heit 6300 Leid.

Gschicht

Waging is scho um 740 urkundle eawehnt worn. Duach de Soizstross, wo vo Reichahoi aus duach Waging af Wossaburg am Inn gfiat hod, wor Waging scho im Middloita a woihobenda Ort und hod zan Fiaschtbistum Soizburg gheat. Zamma mitn Rupertiwinke und am Soizburga Beziark Flachgau hod mas "Land vorm Gebiag" gnennt. Im 14. Joarhundat hod Waging s Moarktrecht dahoidn.

S Land Soizburg is 1810 zsamm mid da Fiaschtprobstei Berchtsgoan zum Kinereich Bayern kema. Beim endgiitign Oschluss vo Soizburg an Estareich 1816 is Waging ba Bayern bliem.

Kulturej is da Rupertiwinke bis heit no stork midn Soizburga Land vabundn.

Fremdnvakea

Waging kent ma, bsondas duach an See. Dank am Fremdnvakeahr gehts z Waging guat. Zum Oschaun is de Gmoa sejm interessant und s Bajuwarenmuseum.

Politik

Easchta Buagamoasta is da Herbert Häusl (Freie Wähler), wo ba da Kommunalwahl 2008 mit 62,4 % vo de Stimma gwejd worn is. Da Gmoarot setzt si so zamma:

Freie Wähler 8 Sitze (2002: 6)
Greane 5 Sitze (7)
CSU 5 Sitze (6)
ÖDP 2 Sitze (1)

Mitn Daxenberger Sepp wor Waging de easchte Gmoa, wo an greanan Buagamoasta ghobt hod, und zwor vo 1996 bis 2008.

Berihmdheitn

Bernhard von Waging (* um 1400, † 1472 in Eichstätt), Schriftsteja und Benediktina
Sepp Daxenberger (* 1962, † 2010), Greane-Fraktionsvorsitzenda im Bayerischen Landdog und vo 1996 bis 2008 Buagamoasta vo Waging
Ludwig Felber, Mochoftsmitglied vo da LZ 129 „Hindenburg“
Alfons Schubeck (* 1949 z Traunstoa), is vo am Waginga adoptiad worn; Fernsehkoch, Kochbuach-Autor, Untanehma
Lothar Zagrosek (* 1942), Dirigent
Kreiz Miche (Michael Kreuz, * 1929, † 2015), da Herrgottschnitza vo Waging

Im Netz

Commons: Waging am See – Sammlung vo Buidl, Videos und Audiodateien

Waging am See: Woppmgschicht vom Haus der Bayerischen Geschichte

Städde und Gmoandn im Landkroas Traunstoa