Slowenien

Aus Wikipedia
(Weidagloadt vo Slowénien)
Wexln zua: Navigation, Suach
Der Artikl is im Dialekt Ostmittlboarisch gschrim worn.
Republik Slowenien

Republika Slovenija

Flagge Sloweniens
Woppm vo Slowenien
Fahna Woppn
Amtssproch Slowenisch regional: Italienisch und Ungarisch und aa Deitsch
Haptstod Laiboch (Ljubljana)
Stootsform Republik
Stootsobahapt Stootspresident Borut Pahor
Regiarungschef Ministerpresident Alenka Bratušek
Fläch 20.273 km²
Eiwohna 2.011.614 (Staund 30. Sep. 2005)
Dichtn 98 Eiwohna pro km²
Währung Euro
Unobhängigkeit 25. Juni 1991 (Unobhengigkeitseaklearung)
Nationalhymne Zdravljica
Zeitzone MEZ (UTC+1)
Kfz-Kennzoachn SLO
Internet-TLD .si
Telefonvoawoi +386
Europe location SLO.png

Slowenien (slowenisch Slovenija) is a Stoot in Eiropa, dea wos an Italien, Östareich, Ungarn, Krowozien und d Adria grenzt. Es Laund is am 1. Mai 2004 Mitglied vo da Eiropäischn Union worn. Am 1. Jenna 2007 is aa da Euro, dea wos in slowenischn Tolar obglest hod, eigefiad worn.

De Haptstod vo Slowenien is Laiboch (slow. Ljubljana), mid etwoa 260.000 Einwohna.

Bevökarung[VE | Weakln]

Slowenien hod a iwaraus homogene Bevökarung und besteht aus foigendn Voiksgrubbm:

(Zensus 2002)

weitas klaane autochthone Mindaheitn vo Italienan in Istrien (0,19%), Ungarn in da estlichn Region Prekmurje (0,39%), sowia Oidöstareicha (0,10%).

Religion[VE | Weakln]

Laut Zensus vo 2002 san 57,8 % vo de Slowenen remisch-katholisch, 2,4 % san Muslime, 2,3 % orthodox, 0,9 % Protestantn. 3,5 % san konfessionslos glaibig. 10,1 % san Atheistn. 22,8 % hom koa Ogob bei dea Umfrog gmocht.

Sprochn[VE | Weakln]

In Slowenien wiad vuaoim Slowenisch gredt. A großa Teu vo de Slowenen kau vua oim owa no Serbokrwodisch - duach de launge Zuaghearigkeit zum ehemoling Jugoslawien. Klaane Grubbm redn no Italienisch, Ungarisch, Albanisch und Deitsch.

Vawoitungsgliedarung[VE | Weakln]

Slowenien is in 193 Gmoana (slowenisch občine, Sg. občina)- drunta öif Stodgemeindn - gliedat. Olladings wird üba de Schoffung vo Regoonan nochdenkt.

De öif Stodgmoana san:

  1. Celje (Cilli)
  2. Koper (Capodistria)
  3. Kranj (Krainburg)
  4. Ljubljana (Laiboch)
  1. Maribor (Marburg an da Drau)
  2. Murska Sobota (Oisnitz)
  3. Nova Gorica (Nei Görz)
  4. Novo Mesto (Rudoifswert)
  1. Ptuj (Pettau)
  2. Slovenj Gradec (Windischgrätz)
  3. Velenje (Wöllan)
Historische Laundschoftn vo Slowenien:
1: Primorska
2: Kranjska (Krain)
2a: Gorenjska
2b: Notranjska
2c: Dolenjska und Bela krajina
3: Koroška
4: Štajerska
5: Prekmurje

De grässtn Städt[VE | Weakln]

Historische Laundschoftn[VE | Weakln]

Slowenien wird traditionö in 5 historische Laundschoftn eiteut:

Statistische Regionen[VE | Weakln]

Statistische Regionen

Slowenien is außadem in Statistikregionen eiteut, de wos owa kaa administrative Bedeitung hom:

  1. Gorenjska regija
  2. Goriška regija
  3. Jugovzhodna Slovenija
  4. Koroška regija
  5. Notranjsko - kraška regija
  6. Obalno - kraška regija
  7. Osrednjeslovenska regija
  8. Podravska regija
  9. Pomurska regija
  10. Savinjska regija
  11. Spodnjeposavska regija
  12. Zasavska regija

Gschicht[VE | Weakln]

6. Joahundat bis zum Heilign Remischn Reich[VE | Weakln]

Es wiad augnumman, dass de Slowenen im 6. Joahundat ins heitige Gebiet vo Slowenien eigwaundat san. Im 7. Joahundat is es slawische Fiaschtndum Karantanien (Karantanija), da easchte slowenische Stoot wuan. Im Valauf vo de näxtn zwa Joahundate is Karantanien znaxt unta boarische und daun fränkische Vuaheaschoft gfoin. In da Mittn vom 10. Joahundat woa duachn Sieg vom Kenig und spädan Kaisa Otto I. in da Schlocht aufm Lechföd (bei Augschburg) da Weg frei fiad Ostkolonisation duachs Heilige Remische Reich. De Ungarn hom si in da Foige ausn Gebiet vaum heitign Slowenien in de Panonnische Tiafebane zruckzogn. Karantanien is ins Herzogdum Bayern eigliedat wuan und ob 976 zum Herzogdum Kärntn vom Heilign Remischn Reich wuan. In de foigendn Joahundate is des Gebiet in de Herzogtüma Keantn (Koroška), Steiermoark (Štajerska) und Krain (Kranjska) aufgespoitn wuan.

Habsburga bis 1. Wödkriag[VE | Weakln]

Duachn Aufstieg vo de Habsburga in da Mittn vom 13. Joahundat san große Gebiete vo Slowenien habsburgisch wuan. A Ausnauhm woa de Grofschoft Sanegg in Cilli (Celje), de wos se duach gschiggte Heiratspolitik bis zum Aussteabm vo da Dynastie 1456 geng de habsburgarische Hegemonie bhauptn hod kenna. Danoch is Slowenien bis zum Ende vom Easchtn Wödkriag - mit ana kuazn Untabrechung wearend da Napoleonischen Kriag - unta habsburgischa Herrschoft gstaundn.

SHS-Stoot bis 2. Wödkriag[VE | Weakln]

Des scho im 19. Joahundat zuanehmend aufflaumende Nationalbewusstsein hod 1918 daun zua Proklamation vom Kenigreich vo de Serbm, Krowodn und Slowenen gfiat; woraufhi Italien de slowenische Küstnregion bsetzt hod, de wos des Kenigreich daun im Grenzvatrog vo Rapallo 1920 offiziö obtretn hod miassn. 1929 is des Laund nochm Stootsstreich vom Kenig in Kenigreich Jugoslawien umgnennt wuan. Doduach hod si de Dominanz vo de Serbm im Kenigreich vasteakt. Zuadem hom de Slowenen untam Valust vo ernana Küstenregjon glittn. Zuanehmend innenpolitisch zarrüttet, hod se des Land oba sei Neitralität beweat. Am 25. Meaz 1941 is Slowenien vo de Axnmächte zum Mitpaktian zwunga wurn. De Militeafiarung hod oba scho zwa Tog späda putscht und hod in Kronprinz Peter II. ois Mochthoba eigsetzt. De Axnmächte hom de Vurgäng aun iara sidestlichn Flankn ois Gfoa eigstuaft und hom deseng im Aprü [941 des gsamte Jugoslawien bsetzt. Slowenien is nocha unta Italien, Ungarn und Deitschland aufteut wuan. Scho a poa Tog noch da Bsetzung vo Slowenien is de kommunistisch gfiate Widastaundsorganisation Osvobodilna Fronta grindt wuan. Zoihreiche Partisanenvaband hom se unta de Kenigstrein - und ob da Kriagserklearung vom Hitler aun Stalin - aa unta de kommunistischn Opposizionön (unta da Fiarung vom Titoformiat. Am End vam zwatn Wödkriag is nohezua de gsamte deitschsprochige Mindaheit vatriebm wuan. Dabei san noch da Beendigung vom zwatn Wödkriag im Gebiet um Maribor (Marburg) und in de Schluchtn vom Hornwoid vo Tito-Partisanen Massnmorde ("Massaka vo Bleiburg") beganga wuan.

SFRJ bis Unobhängigkeit[VE | Weakln]

Nochm zwatn Wödkriag is am 29. Novemba 1945 de Demokratische Fedarative Voiksrepubblik Jugoslawien grindt wuan. Ab 1963 hod sa se Sozialistische Fedarative Republik Jugoslawien (SFRJ)gnennt. De woxande Unzufriednheit mit da Belgrada Fiarung wearend da 1980a Joa hod zua Unobhängigkeitserklearung vo Slowenien am 25. Juni 1991 gfiat. Da drauffoigende Eimarsch jugoslawischa Trubbm hod im sognenntn 10-Toge-Kriag erfoigreich obgweat wean kenna. Slowenien is binnen an Monat vo oin Mitgliedan vo da EU onakaunt wuan. De ethnisch relativ homogene Bevökarung und de wenign Kriagshaunlungan hom a schölle Stabilisiarung eameglicht. Des is mitm Beginn vo de Beitrittsvoondlungen zur EU im Novemba 1998 honoriat wuan und mitm Beitritt vo Slowenien am 1. Mai 2004 zur EU bsieglt wuan.

Eadkund[VE | Weakln]

Da Triglav in de Julischn Oipn

Obwoi Slowenien relativ klaa is, gibts do recht vaschiedane Laundschoftsfuamen. Im Noadn liegn de Hochgebiage Julischn Oipn, de Karawankn und de Staana Oim. Im Nationalpark Triglav gibts mitn Triglav (2.864 m) in hächstn Beag vom Laund. In de Julischn Oipm entspringan aa da Soča und de Save, de wos neba da Drau und da Mur wichtige Flüss vo Slowenien san. Da Ostn is vo ana Tiafebene prägt, de wos in de Pannonische Tiafebane iwagäht, wearend se in da Mittn und im Westn Middlgebirgszig vom Dinarischen Gebirg befindn. Duat gibts aa de tipischn Karst Erscheinungan. Im aissastn Südwestn vum Laund liegt de 47 km launge Adria-Küstn, de wos in tiafstn Punkt vom Laund markiat. Iwa de Höftn vo da Stootsflächn san mit Woid bedeggt. Im Südwesten vom Laund herrscht a mediterrans Klima mit woaman Summan und müdn, feichtn Wintan. Winta und Fruajoa bringan an da Küstn oft koide Foiwinde. Im Laundesinnan is des Klima kontinentala prägt.

Infrastruktur[VE | Weakln]

Slowenien hod a guade Infrastruktua mit an modernan Autobaunnetz.

Da greßte intanazionale Flughofn haßt Brnik und liegt in da Näh va da Hauptstod. Danebm gibts zwa klanare internationale Flughäfn, Marburg und Portorož. Entlang vo da Save valauft de Eisnbaun vo Deitschland und Östareich noch Krowozien. A weitare wichtige Eisnbaunvabindung valauft vo Italien noch Ungarn.

Wiatschoft[VE | Weakln]

A wichtiga Wirtschoftszweig vo Slowenien is da Tourismus, dea wos si vua oim auf de Oipm, Laiboch, de Adria und aundare Sengswiadigkeitn wia de Höin vau Postojna konzentriad.

Des Bruttoinlandsprodukt hod im Joa 2002 21,905 Mrd. € ausgmocht, des bedeidt pro Kopf 11.709 €. De Auslandsvaschuidung hod se 2002 auf 3968 Millionen Euro belauffm. Des reale Woxsdum hod 2002 3,2 % (2001: 3,0 %) betrong. De Inflazionsratn is imma no relativ hoch und hod im Joa 2002 7,5 % (2001: 8,4 %)betrong. De Arbeitslosenquotn hod vo 2001 auf 2002 von 6,4 % auf 6,0 % reduziat wean kena. Momentan (2005) hod Slowenien a Inflation vo 2,0 % und a gschätzts Wiatschoftswoxdum vo 3,7 %.

Im Vagleich mitm BIP vo da EU ausdruggt in Kaufkroftstandards erreicht Slowenien an Index vo 76.0 (EU-25:100) (2003).[1]

Slowenien hod am 1. Jenna 2007 in Euro eigfiad, 1 Euro hod do 239,640 Tolar entsprochn.

Politik[VE | Weakln]

Stootsobahaupt vo da Republik Slowenien is da Präsident, dea wos vua oim a repräsentative Funktion hod und olle finf Joa vo da Bevökarung gwöht wiad.

Ois a Teu vo da exekutivn Gwoit wiada vom Ministapräsidentn und im Ministarot untastitzt, de wos olle zwoa vo da Nationalvasaumlung gewöht wean.

Es slowenische Parlament besteht aus zwa Kauman: De Nationalversaumlung (Državni zbor) und im Nationalroat (Državni svet). De Nationalvasaumlung setzt se aus 90 Obgeordnetn zaum, de wos zum Teu duach a direkte Woi oda duacha Proporzjwoirecht bstimmt wean. De autochtonan Mindaheitn vo de Italiena und Ungarn höm a garantiads Voiksgrubbmmandat. In Frong, de wos ausschliaßlich de jeweiling Recht vo da Mindaheit betreffm, bsitzn de Voiksgrubbmobgeordnetn a absolutes Vetorecht.

In an Nationalrot wean 40 Abgeordnete aus sozialn, wiatschoftlichn und regionaln Intaressnsgrubbm gschickt. De Parlamentswoin findn olle via Joa stott.

Im Zug vo da NATO-Ostaweidarung is Slowenien am 29. Meaz 2004 Mitglied vo da NATO wurn. Seit 1. Mai 2004 is s Mitglied vo da Eiropäischn Union.

Kuitua[VE | Weakln]

Schriftstöla[VE | Weakln]

  • Primož Trubar (1508 - 1586)
  • Anton Tomaž Linhart (1756-1795)
  • Valentin Vodnik (1758-1819)
  • Matija Čop (1797 - 1835)
  • Friedrich Irenäus Baraga (1797 - 1868)
  • France Prešeren (1800-1849)
  • Anton Aškerc (1856 - 1912)
  • Jospi Jurčič (1884 - 1881)
  • Fran Saleški Finžgar (1871-1962)
  • Fran Ksaver Meško (1874-1964)
  • Ivan Cankar (1876-1918)
  • Oton Župančič (1878-1949)
  • France Bevk (1890-1970)
  • Juš Kozak (1892-1964)
  • Prežihov Voranc (1893-1950)
  • Ernest Arnošt Adamič (1898 - 1977)
  • Louis Adamič (1898 - 1951 ermordet)
  • Vladimir Bartol (1903-1967)
  • Edvard Kocbek (1904-1981)
  • Anton Ingolič (1907-1992)
  • Miško Kranjec (1908-1983)
  • Ciril Kosmač (1910-1980)
  • Boris Pahor (1913-)
  • Matej Bor (1913-)
  • Ivo Antič (1948-)
  • Alojz Rebula (1924-)
  • Žarko Petan (1929-)
  • Kajetan Kovič (1931-)
  • Drago Jančar (1948-)
  • Aleš Debeljak (1961-)
  • Slavoj Žižek (1949-)

Kinstla[VE | Weakln]

  • Evgen Bavčar (1946-) Fotograf

Musika/Musikgrubbm[VE | Weakln]

  • Slavko Avsenik - Original Oberkraina Quintett
  • Laibach (Band)
  • Siddharta (Rockgruppe)
  • Atomik Harmonik
  • BeatweenTheLines
  • Sankrock

Kinstlagrubbm[VE | Weakln]

  • Neie Slowenische Kunst

Feiatog[VE | Weakln]

Datum Boarisch Naum Slowenischa Naum Aunmeakungan
1. und 2. Jenna Neijoa Novo leto Zwadägiga Feiadog
8. Feba Prešeren-Dog, slowenischa Kuituafeiadog Prešernov dan, slovenski kulturni praznik Todesdog vom Nationaldichta France Prešeren
Meaz, Aprü Ostersunntog, Ostermontog; Ostan Velikonočna nedelja in ponedeljek; Velika noč religjösa Feiatog
27. Aprü Dog vom Wiedastaund im Zwaatn Wödkriag Dan upora proti okupatorju stootlicha Feiadog
1. und 2. Mai Tog vo da Orwad Praznik dela stootlicha Feiatog
Mai, Juni Pfingstsundog; Pfingstn Binkoštna nedelja; Binkošti religiesa Feiatog
25. Juni Tog vo da Stootlichkeit Dan državnosti Vakingung vo da stootlichn Souveränität 1991
15. August Mariä Himmefoart Marijino vnebovzetje religiesa Feiatog
31. Oktoba Reformationstog Dan reformacije De slowenische Schriftsproch und de easchte Eawähnung vom Begriff Slowenien gäht auf de Reformation zruck
1. Novemba Tog vom Gedenkn aun de Vastuabanan Dan spomina na mrtve stootlicha Feiatog
25. Dezemba Weihnocht Božič religiesa Feiadog
26. Dezemba Dog vo da Unobhängigkeit und Einigkeit Dan samostojnosti in enotnosti Vakindung vaum Ergebnis vom Unobhängigkeitsrefarendum im Parlament, 1990

Spoat[VE | Weakln]

Nebm Fuaßboi und de Wintasportoartn Eishockey, Schi Alpin und Schi Nordisch gibts aa erfoigreiche Anzlspoatla. Im Eishockey is da HK Jesenice slowenischa Rekordmasta.

De Flugschanzn in Planica is de grässte vo da Wöid. 1936 is da Östareicha Sepp Bradl ois easchta Mensch iwa 100 m weit gflong.

Schau aa[VE | Weakln]

Beleg[VE | Weakln]

  1. Eurostat News Release 63/2006: Regional GDP per inhabitant in the EU 25

Im Netz[VE | Weakln]