Italien

Amtssprache	Italienisch Regionoie Omtssprouchn: Deitsch, Franzesisch, Ladinisch, Slowenisch
Hauptstadt	Rom
Staatsoberhaupt	Stootspresident Sergio Mattarella
Regierungschef	Ministapresidentin Giorgia Meloni
Fläche	301.338 km²
Einwohnerzahl	60.483.973 (31. Dezember 2017)
Bevölkerungsdichte	201 Einwohner pro km²
Bruttoinlandsprodukt Total (PPP); Total (Nominoi); BIP/Eiw. (PPP); BIP/Eiw. (Nominal);	2017 $ 2.060 Milliardn (8.); $ 2.307 Milliardn (12.); $ 31.984 (27.); $ 38.140 (35.);
Index der menschlichen Entwicklung	0,951 (18.)
Währung	Euro
Nationalhymne	Il Canto degli Italiani
Nationalfeiertag	25. Aprü, 2. Juni
Zeitzone	UTC+1 MEZ; UTC+2 MESZ (Meaz bis Oktoba)
Kfz-Kennzeichen	I
Internet-TLD	. it
Telefonvorwahl	+39

Italien (amtle: Italienische Republik, ital.: Repubblica Italiana, kuaz: Italia, tiroiarisch: Walsch, zimbrisch: Belischelant, Fersntoierisch: Balschlònt) is a Stoot in Eiropa, dea wos am Middlmeea ligt. De Haptstod vo Italien is Rom. Italien grenzt im Noadn an Östareich und an de Schweiz, im Noadostn an Slowenien, im Noadwestn an Frankreich, im Ostn iss umgem vo da Adria und im Westn vom Middlmeea. Italien umschliaßt zwoa kloane Stootn voikommen - des is zan oan San Marino un zan aundan da Vatikan.

Italien is unta andam Mitgliad vo de Vaoantn Nationa, vo da NATO und vo de G8 (Gruppm vo de Ocht), sowia Grindungsmitgliad vo da Eiropäische Union.

Italien is a recht a katholischs Laund, uma 85 % sand Katholikn, 16,2 % vo da Bevökarung houd koa Bekenntnis nid und nur 3,6 % gheand irngd na aundan Religion o.

Bevökarung

Italien hod a Einwohnazoi vo 60.483.973 (2017) Leid und rangiert in da Wödraunglistn auf Plotz 23, innahoib vo da EU ligts Lond aufm 4. Rang hinta Deitschland, Frankreich und Großbritannien.

Rund 67% vo de Einwohna vo Italien, iwawingd im Noadn, lem in da Stod. Vuaoim vo 1950 bis 1960 hot a stoake Owaundarung aus de untaentwicketn Laundregionan in de Städt gherrscht. Seid de 1980a Joa hod se da Trend za Gunstn vo de Vuaort und Kloastädt umkeaht.

Voiksgruppm

In Italien lem mearne Voiksgruppm. An Grässtn Toae mochnd de Italiena aus. Danem lem aa no autochtone Voiksgruppm wia de Friaula (in Friaul-Julisch Venezien), Ladina (in Sidtiaroi und Venezien), Slowenen (im Friaul und Triest), Boarische Östareicha (in Sidtiroi, Trentino und in de Zimbrischn Sprochinsln), Griachn (in Siditalien), Katalanen und Sardn (auf Sardinien), Siziliana (auf Sizilien), Krowodn (in Molise), Fraunzosn (im Aostatoi und Westn) und de Albana (im Mezzogiorno).

Omerkung: De Sidtiroia und de Ladiner sand laut da Republik Östareich de „östareichische Minderheit in Italien“. Fia de haumds de Schutzmochtfunkzion iwanumma.