Wikipedia:Stammdisch/Archiv/2016

De Seitn is a Archiv vo obgschlossanan Dischks. Ia Inhoid soit dahea ned mehr vaendat wern. Um a voaherigs Thema wieda aufzgreifa, ko de etzige Dischkseitn unta Vaweis auf den Obschnidd vo dera Archivseitn heagnumma wean.

Hallo wie gehts

Ich wünsche euch einen angenehmen Start ins neue Semester--Der scho wieda (dischkrian) 19:18, 23. Sep. 2016 (CEST) Hey, dir auch ;)--91.219.69.1 16:11, 28. Okt. 2016 (CEST)[Antwort]

Translation

Hello! Could you translate for me the phrase Automatische Aktualisierung to Boarisch? Thanks :) -XQV- (dischkrian) 16:42, 19. Okt. 2016 (CEST)

Easy ;-) "Automatische Aktualisiarung" --Howan Hansi (dischkrian) 08:57, 20. Okt. 2016 (CEST)

Woiz an Test mochn ?

Do gez weida --RobTorgel (dischkrian) 12:47, 21. Okt. 2016 (CEST)

Jo, sauwa :) --Howan Hansi (dischkrian) 13:27, 21. Okt. 2016 (CEST)

Leicht :D --Joe Watzmo (dischkrian) 14:40, 21. Okt. 2016 (CEST)

Seas

wia gehts eich?--213.225.39.190 15:51, 8. Dez. 2016 (CET)[Antwort]

Daunkschee, guad und dir? --213.147.165.147

Aa guad, danke.--213.225.39.190 15:54, 8. Dez. 2016 (CET)[Antwort]

lang nix mehr gehört von dir. Wos mochst du eigentlich? Studierst du no? I hab ghört, du bist nimma am Campus am Laaerberg. --213.147.165.147 15:56, 8. Dez. 2016 (CET)[Antwort]

Ja ich studiere noch, aber jetzt in St. Pölten. Bin aber leider immer noch Single. :-( --213.225.39.190 15:57, 8. Dez. 2016 (CET)[Antwort]

Host scho gsehn? Gestan hod si wer als Nutza:Mariandl amgmeldt. Glaubst is sas wirkli?--213.147.165.147 15:59, 8. Dez. 2016 (CET)[Antwort]

I woas nit. I bins jednfalls nicht falls des glaubst. Aber du bist de Tortnfee, gibs zua--213.225.39.190 15:59, 8. Dez. 2016 (CET)[Antwort]

Naa, des is do die Inge vo Wepperschduaf. Host ned glesn wia sie si vuahstöt hot--213.147.165.147 16:02, 8. Dez. 2016 (CET)[Antwort]

Ja jetzt hast di verraten. Flo die Tortenfee. Lol. --213.225.39.190 16:04, 8. Dez. 2016 (CET)[Antwort]

Zivüüdienst des woan no Zeitn. Die Inge mit ihre 130 kilo, mit der hamma imma a Hetz ghobt.--213.147.165.147 16:06, 8. Dez. 2016 (CET)[Antwort]

Wollen wir wieder trollen wie vorigs Joa?--213.147.165.147 16:07, 8. Dez. 2016 (CET)[Antwort]

Des woa aa vui lustig wias olle glaubt haum, da Boss is a Admin auf da deitschn WP gwen.--213.225.39.190 16:07, 8. Dez. 2016 (CET)[Antwort]

ICH HAB DAS EHER SCHOCKIEREND GEFUNDEN, DASS SIE ALLES GLAUBEN OHNE ES ZU HINTERFRAGEN.--Semmeringbahn (dischkrian) 16:45, 8. Dez. 2016 (CET)[Antwort]

I frog erm moi. Vielleicht mocht a uns wieder a Mafiaseitn.--213.147.165.147 16:09, 8. Dez. 2016 (CET)[Antwort]

Nanana, ned duads trolln Burschen. 👎Foit eich nix Gscheids ei?--Mariandl (dischkrian) 16:19, 8. Dez. 2016 (CET)[Antwort]

Na wie kommst den auf sowas? Wir trolln doch gar nicht...---213.225.39.190 16:21, 8. Dez. 2016 (CET)[Antwort]

Habts scho gsehn auf Nutza Dischkrian:Howan Hansi ganz unten? Da Rob hat uns scho durchschaut...--213.225.39.190 16:36, 8. Dez. 2016 (CET)[Antwort]

Kluges Bürschchen. Daun ded i sogn, mia lossns fia heia guad sei.--213.147.165.147 16:38, 8. Dez. 2016 (CET)[Antwort]

Wia kaunst in da Wiki Büdl einistön?

Dass de Artikl a bissl bunta wean, moan i. :)--Mariandl (dischkrian) 14:13, 9. Dez. 2016 (CET)[Antwort]

Do links, Sunstigs-->Datei auffelodn --RobTorgel (dischkrian) 17:44, 9. Dez. 2016 (CET)[Antwort]

Schau hea, i hob da wöche eibaut.--Podsauna Seppl (dischkrian) 13:07, 10. Dez. 2016 (CET)[Antwort]

Hey! :)

Daunk da recht schee! Solaungsd ned des oane Foto nimmst, woast eh,wori so bled grins... ;)--Mariandl (dischkrian) 14:07, 10. Dez. 2016 (CET)[Antwort]

Ho-Ho-Ho oda Klingeling

I winsch eich oin a frohs Festl. Sads brav und saufz und freßz ned z'vüü. --RobTorgel (dischkrian) 08:33, 24. Dez. 2016 (CET)[Antwort]

Dia aa scheene Weihnochtn und a guade Zeid! --Howan Hansi (dischkrian) 10:15, 24. Dez. 2016 (CET)[Antwort]

Scheene Zeid und a wengal Ruah :) --Joe Watzmo (dischkrian) 11:55, 24. Dez. 2016 (CET)[Antwort]

Jeds Joah des gleiche... Owa es hüft nix, do muasst hoid guade Miene zan bösn Spüü mochn. Oiso eich aa scheene Feiatog!--Podsauna Seppl (dischkrian) 16:02, 24. Dez. 2016 (CET)[Antwort]

Do host woah, jo, duach muaß ma! Owa hackln mog i in dera zeid aa nix ;-) Des mid den ned zvüü Saufn kunnt a Herausfuadarung wean :-)Und de Frog ob Ho-Ho-Ho oda Klingeling kaun i so beauntwuatn:

Van Gurk - Kana braucht bei uns den Santa Claus

https://www.youtube.com/watch?v=Kqdk1esjc8M

Scheen Feiadog - --Zwentibold (dischkrian) 16:29, 24. Dez. 2016 (CET)[Antwort]

I winsch Eich und Eichane Famülien a bsinnligs Weihnochtn. https://www.youtube.com/watch?v=jxZHLv_Yebk, da --Luki (dischkrian) 17:53, 24. Dez. 2016 (CET)[Antwort]

Alle Jahre wieder. Habzas alle gut iwastaundn ? --RobTorgel (dischkrian) 08:59, 25. Dez. 2016 (CET)[Antwort]

Jo, woa hoib so wüüd, hobs scho amoi schlimma triebm z Weihnocht :-) --Zwentibold (dischkrian) 14:06, 25. Dez. 2016 (CET)[Antwort]

Schee laungsam werma öta *g* --RobTorgel (dischkrian) 15:49, 25. Dez. 2016 (CET)[Antwort]

Scheene Festdog! Happy Hanukkah! --Gschupfta Ferdl (dischkrian) 11:10, 26. Dez. 2016 (CET)[Antwort]

Süwesta

I winsch eich oin an guatn Rutsch ins Neiche. Nehmz eich ned zvüü vua fias nechste Joah, des wiad eh nix.

PS taz ned zvüü schiassn und viecha schreckn, ned olla san schußfest. Lustig kau ma aa so sei --RobTorgel (dischkrian) 10:13, 31. Dez. 2016 (CET)[Antwort]

Ich brauch den Scheiß nicht. Wieder ein Jahr vorbei. Unterschied zum Vorjahr: ich habe keine Hoffnung mehr. Ich wollte heute bei dem schönen Wetter wandern gehen, aber alle waren gestern saufen und sind heute nicht fit. Unsere Katze schreckt sich auch sehr vor den Feuerwerkskörpern. Selber Schuld wenn sie alle ihr Geld im wortwörtlichen Sinne beim Fenster hinauswerfen. Abgesehen davon ist das im Ortsgebiet sowieso verboten, aber solche Idioten halten sich nicht an Verbote. --213.225.37.56

Hallo, zum kaa Hoffnung habn bist no z'jung. Wieso gehst ned allaa wandern ? Vielleicht lernst do andere Leut kennan, de weniga saufn ? Waass ma nie. Jetzt brauchst natürlich nimma furt, in aana Stund fangst au ins finsta werdn. Also, Kopf hoch halten, es wird scho werdn ! Guten Rutsch ! --RobTorgel (dischkrian) 14:26, 31. Dez. 2016 (CET)[Antwort]

Seawas. I winsch Eich und Eichane Famülien a bsundas guads neichs Joahr 2017. Rutschts guad ummi und ne aus. I hed do a kloas Video, des i a auf de Facebookseitn deit hob. https://www.youtube.com/watch?v=YdSYSH0BY3k Pfiat Eich, da --Luki (dischkrian) 17:56, 31. Dez. 2016 (CET)[Antwort]

Prosit, Luki ! --RobTorgel (dischkrian) 08:54, 1. Jen. 2017 (CET)

Prosit Neijoar zamma! --Howan Hansi (dischkrian) 06:02, 1. Jen. 2017 (CET)

Prosit! --Joe Watzmo (dischkrian) 09:31, 3. Jen. 2017 (CET)

Seit mei Hund zu Süwesta vua 3 Jahrln an Schlågaufoi z'weg'n dera deppat'n Kråcharei kriat håt und a Woch'n späda gstua'm is, kriag i an Gaach'n, waunn i dees Wuat Süwesta nua'ra hea'n muass! Jo, eh. mei Probölem, owa trotzdem is's Draudenk'n schlimm, griass Eich, --Michl aus Wean (dischkrian) 16:19, 3. Jen. 2017 (CET)

Unsa liaba Freind und da Michl san ausnauhmsweis amoi ana Meinung, waun des koa guada Beginn vom neichn Joah is... Owa des is ma aa unvaständli, warums des olle mochn. Waunst a Pech hosd, fliagt de Haund glei mit in'd Luaft.--Podsauna Seppl (dischkrian) 13:28, 5. Jen. 2017 (CET)

Und v.a. wos des fia Feinstaub und Abgase unnötig produziert --11:13, 8. Jen. 2017 (CET)

Semiprobabilistisches Sichaheitskonzept

Heit hauma se de Fuaml fia de Lostkombinatiaun augschaut. Schaut aum easchtn Blick kompliziat aus, is owa gaunz oafoch. Wos steckt da drin: im Grunde nua de Eiwiakungan, de mit an Sichaheitsbeiweat γ und an Kombinatiaunsbeiweat ψ multipliziat wean.

I geb eich no a Iwasicht, dass auf oan Blick sehts, wia des owerennt:

Lostaufstöllung → charakteristische Weate
Sichaheitsbeiweate und Kombinatiaunsbeiweate eirechnan → Design-Weate
Statisches System wöön
Auflogakräfte rechnan
Schnittgressn (Noamäukroft, Queakroft und Maument) rechnan
Queaschnitt wöön oda eafuadalichn Mindestqueaschnitt ausrechnan, Queaschnittsweate (Statisches Maument, Trägheitsmaument, Widastaundsmaument)
Auftretende Spaunnungan eamittln (Biegenoamäuspaunnung, Schubspaunnung, Vagleichsspaunnung)
Zualässige Spaunnungan eamittln und Nochweis fiahn, de auftretandn Spaunnungan miassn natiali kloana sein wia de zualässign.

--Podsauna Seppl (dischkrian) 16:33, 20. Jul. 2016 (CEST)[Antwort]

Stabilität und Knickn

Bishea hauma auf Zug und Biegung beaunspruchte Stäbe grechnat. Bei an Zugstob kriagst de Spaunnung oafoch ois N duach A, bei an Biegeträga ois M duach W. Nur bei an auf Druck belostetn Bautäu, z. B. ana Stützn, hauma no des Problem, dass seitli Ausknickn kau. Des kennts eich meakn: Druck is böse.

Waunst da a Lineäu vuastööst, des wosd senkrecht aum Tisch stööst und nocha draufdruckst, solaungs grod steht, wiads einigs aushoidn. Owa soboids sa se seitli ausbeult und du weida draufdruckst, nocha kaunst das vagessn, wäu daun kriagst a Maument eine und des Gaunze bricht zaum. Des Knickproblem is grod im Stoibau vo Bedeitung, wäu da hauma dünne, schlaunke Bautäu.

Wia gehma da vua? Mia schaun easchta, wos ma fia a Knicklängan haum. Ausm Queaschnitt kriagst ihn Trägheitsradius, und draus de Schlaunkheit und nocha de Bezuagsschlaunkheit und ihn Schlaunkheitsgrod. Mim Schlaunkheitsgrod gehst in de Taböön vo de Eiropäischn Knicklinian eine, wost an Ohmindarungsfaktor χ fia Knickn ausse kriagst und nocha kaunst gaunz noamäu ihn Nochweis fiahrn. De Kroft, wos aufn Stob kummt, muass kloana sei ois wia des, wos a inkl. Ohmindarungsfaktor aushoid. N_Ed kloana gleich N_Rd.--Podsauna Seppl (dischkrian) 18:12, 28. Jul. 2016 (CEST)[Antwort]

Statik

Leidln, mia haums gschofft--Podsauna Seppl (dischkrian) 19:52, 17. Aug. 2016 (CEST)[Antwort]

Wurm?

Servus. I hob vo an Artikl den http Link weidagebm woin. Und do is ma aufgfoin das do wos ned baßt.

Des schaud aso aus: https://bar.wikipedia.org/wiki/Da_Zwetschknrumml_oda_da_Katoff%C3%B6kriag und dea gherad owa a so gschribm: https://bar.wikipedia.org/wiki/Da_Zwetschknrumml_oda_da_Katoffökriag .Hod se do ebbs a Wuarm eigschlicha oda hod do wida Oana sei Dufdmarkn hintalossn ? Kennd se do Oana vo Eich bessa aus? Pfiat Eich, da --Luki (dischkrian) 18:45, 5. Sep. 2016 (CEST)[Antwort]

Oiso i kenn eigentli nua de oware Veaseaun von ana http-Adress - waunn is' eibind, nåcha ända'r i dees imma händisch auf de lesboare Veaseaun. Beispüi: https://bar.wikipedia.org/wiki/Der_F%C3%A4rber_und_sein_Zwillingsbruder. Da Grund is, weul Umlaut und maunche Sondazeich'n nua mit eahnan Code zagt wea'n, seas, --Michl aus Wean (dischkrian) 19:45, 5. Sep. 2016 (CEST)[Antwort]

Daunkschee Michl. Pfiat Di, da --Luki (dischkrian) 20:15, 5. Sep. 2016 (CEST)[Antwort]

Wia såg'n de Preiss'n? Gar nich für! Seas, --Michl aus Wean (dischkrian) 07:15, 6. Sep. 2016 (CEST)[Antwort]

Gillamoos 2016

Lang nimma gseng - glei wida kennt. Duad ma leid, das i so lang nix mehr vo mir hern lassn ho, walls ma letzts Joar vo da Arbad aus gscheid einedruckt hod. Oba des druckt mi widamoi so gscheid, dass is engk frong muas. Is eich bei oll de Bericht vom Gillamoos z´Omschbeag voaoim bei dene iba de bestn Sprich afgfoin, dass grod de Bayernpartei nix gscheids zum song ghobt hom muas, oda koi Zuhera ghobt hod, wal ma goanixe gseng,glesn oda gherd hod? Vom BR is mas ja gwehnt. Obea heia niagans a nua a Zwoazeila, aussa das a do warn beim Kuchlbauer. Etz han i endle wos gfunna und war ned weng ibarascht wia guad bsucht de Voanstaltung gwen sa muas und das a a gherige Stimmung aafkemma is be der Redn. Herts amol ei, wenns Zeit habt´s und vialleicht schreibts, wos vo de Redn hoits (a im Vogleich zu de andan Partein) und iba des Doudschweing duach Rundfunk und Presse.

http://www.bayernpartei.de/Gillamoos/Dorn.mp3

http://www.bayernpartei.de/Gillamoos/Weber.mp3

A Artikl ibas Gillamoos seiwa war fialeicht a ned schlecht in da "Boarischn" fialeicht is oana a aus de Gengd um Omschbeag, dea se daboamd und oan schreibt.

NB: Etz is ma afgfoin, a Admin soid bessa mei Gschreibsl zum Stammdisch voschiam.-- Miiichale (dischkrian) 08:53, 7. Sep. 2016 (CEST)[Antwort]

Measse, Miiichale! De Bayernpartei is eh de oanzige in Bayern, wo si fia d Sproch eihsezt. --Howan Hansi (dischkrian) 08:56, 7. Sep. 2016 (CEST)[Antwort]

Warst Du schnäi, Merci, Hanse! --Miiichale (dischkrian) 09:00, 7. Sep. 2016 (CEST)[Antwort]

Ned schlecht..., Gillamoos schreib i. --Ehgadn (dischkrian) 14:11, 8. Sep. 2016 (CEST)[Antwort]

Mainfränkisch

I was told to ask here. Does anyone speak Main Franconian language? Can you translate the Star Wars userbox on my userpage (m:template:user SW)? -XQV- (dischkrian) 20:08, 7. Apr. 2016 (CEST)[Antwort]

I'm afraid there is no one who speaks "Main Franconian". --Joe Watzmo (dischkrian) 08:02, 8. Apr. 2016 (CEST)[Antwort]

Bavarian is also good. ;) -XQV- (dischkrian) 18:43, 8. Apr. 2016 (CEST)[Antwort]

ok, reading...., the text is simple, probably the same in Main Franconian as in Bavarian. --Joe Watzmo (dischkrian) 18:57, 8. Apr. 2016 (CEST)[Antwort]

Statik

Nochdem ma uns vurigs Semesta mit da Bauphysik beschäftigt haum, schau ma uns hiaz de Statik a wengal genaua au. Schauts wieda, dass vo Aunfaung au mitduads, wäu i woaß scho, wia i des erklärn muass. Faung ma ois easchtas damit au, wos is'n üwahaupt a Kroft.--Podsauna Seppl (dischkrian) 13:56, 23. Apr. 2016 (CEST)[Antwort]

So, heit hauma si augschaut, wia ma se de Auflogakräfte ausrechnat. Am bestn rechnets de Beispüü söwa noch, wauns no Frogn gibt, wia ma auf iagenda Zoi oda Vuazeichn kummt, bin i gean behüüfli.--Podsauna Seppl (dischkrian) 22:39, 5. Mai 2016 (CEST)[Antwort]

Boarisch ois Vawoitungsproch? :-))

De inkonsequente Linie zaagt zwoa, dass des a auswärtiga (Serb?) woa, owa da Trend geht in de richtige Richtung :-))

http://gemeindebund.at/site/news-detail/einspruch-oida-zur-auslegung-von-parteierklaerungen-durch-die-behoerden

Sehr supa find i aa de rechtlichn Auslegungan, zweng wos dea Eispruch gültig is :-))

--Zwentibold (dischkrian) 08:46, 3. Mai 2016 (CEST)[Antwort]

sauba :D --Ehgadn (dischkrian) 16:17, 25. Mai 2016 (CEST)[Antwort]

+1 hehehe --Joe Watzmo (dischkrian) 10:10, 26. Mai 2016 (CEST)[Antwort]

Beispüü Auflogakräfte

Datei:Beispiel1.jpg

Oaföödträga mit zwoa Kräftn

Wauns den Artikl Eifiahrung in de Trägalehr duachgoawad hobts, suitats koa Praublem sei, dass ma de Auflogakräfte Ah, Av und B vo dem Träga nennts, dea is 5,5 m laung und wiad mit zwoa Kräftn (10 kN und 20 kN) belost'. --Podsauna Seppl (dischkrian) 19:22, 9. Mai 2016 (CEST)[Antwort]

Wea de Auflogakräfte hod, kau scho mit de Schnittgressn beginnan.--Podsauna Seppl (dischkrian) 14:33, 15. Mai 2016 (CEST)[Antwort]

Ois nächstas rechnats eich aus, waun ma den Träga in Bedau C25/30 mochn wuin, wia hoch und wia broad dass a sei muass. Kloane Hüüf: Mia nehman de Spaunnungsfuaml hea:

\sigma ={\frac {N}{A}}+{\frac {M_{y}}{W_{y}}}-{\frac {M_{z}}{W_{z}}}

Des easchte und des dritte foit wecka, wäu Noamäukroft und Maument um de z-Axn hauma koane. Bleibt iwa:

\sigma ={\frac {M_{y}}{W_{y}}}

Des miassts umfuaman noch W:

W_{erf}={\frac {M_{y}}{\sigma _{Rd}}}

So kriagts des eafuadaliche Widastaundsmaument ausse, fia M setzts eicha Maument ei, wos des letzte Moi ausse kriagt hobts. Ois Spaunnung nehma des hea, wos da Bedau maximoi aushoit, des san bei an C25/30 σ_Rk = 25 N/mm² oiso 2,5 kN/cm². Do wiad no a Sichaheit eigrechnet, oiso nehma σ_Rd = 1,33 kN/cm² au. Nocha nehmts de Fuaml fia's Widastaundsmaument hea, de miassts noch da Hechn umfuaman und itaratiav a Broadn aunehma.

W_{y}={\frac {b\cdot h^{2}}{6}}

h={\sqrt {\frac {6\cdot W_{y}}{b}}}

--Podsauna Seppl (dischkrian) 20:40, 25. Mai 2016 (CEST)[Antwort]

Warad aa scho laungsaum Zeid fia easchte Eagebnisse. Owa mia is wuascht. Mochts sas oda mochts sas ned, i hob ja koan Grund mehr zan Trolln.--Podsauna Seppl (dischkrian) 18:17, 28. Jul. 2016 (CEST)[Antwort]

Obacht

Unlengst hob i n Gerhard Polt im TV gsegn, bei aana Lesung von Peter und der Wolf auf Boarisch. Dabei hod a amoi den Ausdruck "Pass Obacht" vawendt. Kann ma des im Boarischn so sogn ? Bishea hob i nur kennt: "Pass auf" und "Gib Obacht". I dadad des jo eh ned iwabeweatn, vielleicht hod a si a nua varedt, kummt jo a vua --RobTorgel (dischkrian) 09:53, 22. Mai 2016 (CEST)[Antwort]

Wobei jå des Wuat "Obacht!!" allaani bei uns maunchesmoi sovü haaßt ois wia "Vuasicht, Oida, Du rennst glei aum Watsch'nbaam au!" Seas, --Michl aus Wean (dischkrian) 12:10, 22. Mai 2016 (CEST)[Antwort]

"Bass Obacht" oda a "Obacht bassn!" is ma geleifig und vawendt i seiba a --Oidabeda (dischkrian) 15:05, 25. Mai 2016 (CEST)[Antwort]

Ahja, schau hea, daunkschee. Wieda wos gleant. --RobTorgel (dischkrian) 15:50, 25. Mai 2016 (CEST)[Antwort]

Des is doch genau da Witz, es is quasi a Parodie auf "Pass auf" und "Gib obacht". Dh. es gibts eingtlich ned, aba es is in dem Sinn a koa Erfindung vom Boijdt, do han aundana aa scho draufkemma ...

Ah, i maan, jez hob i's --RobTorgel (dischkrian) 17:42, 30. Mai 2016 (CEST)[Antwort]

+1 :)

Festigkeitslehr

Bishea hauma si augschaut, wia ma vo an Träga de Auflogakräfte und Schnittgressn rechnat. Owa es wiad an Untaschied mochn, waunst an 10 m laungan Träga mit 50 kN belostn duast, ob dea aus an Zuibrettl oda aus Bedau 30 Zanti broad und 70 hoch is. Drum hauma si a poa Queaschnittweate augschaut, wia de Queaschnittsflächn, es Statische Maument, es Trägheitsmaument und es Widastaundsmaument. Beim Zuibrettl mochts aa an Untaschied ob ma des hilegn oda hochkaunt stöön, genau des berücksichtigt des Trägheitsmaument, wäu do geht de Hechn mit da 3. Potenz ei.

De Schnittgressn und de Queaschnittsweate miass ma hiaz mitanaund kombinian, des moch ma mit Spaunnungan. Oiso meakts eich des, auf da Kräfteebanan hauma Biegemaument, Noamäukroft und Queakroft, und auf da Spaunnungsebanan Biegespaunnung, Noamäuspaunnung (Druck- oda Zugspaunnung) und Schubspaunnung. De Eiheit vo da Spaunnung is N/m², oiso Newton pro Quadrotmeda, im Gegnsotz zan Maument, des hod Nm, oiso Newton moi Meda. De Spaunnung wos auftritt, oiso des σ_Ed muass nochm Semiprobabilistischn Sichaheitskonzept natiali kloana sei, ois wia des, wos es Materiäu aushööt, z. B. a Baustoi S235 hoid 235 N/mm² aus, des san 23,5 kN/cm² ois σ_Rd (scho mit Sichaheitsfaktoan, wäu im Stoibau is da Täusichaheitsfaktoa fia de Widastaundsseitn glei 1, des weama uns no genaua auschaun). Waun ma'n weida belostn, gibt's bleibende Vafuamungan, bis a iagendwaun zaumbricht.--Podsauna Seppl (dischkrian) 20:31, 25. Mai 2016 (CEST)[Antwort]

So, hiaz hauma si no a Beispüü dazu augschaut, is ned so schwaa, oda?--Podsauna Seppl (dischkrian) 17:38, 30. Mai 2016 (CEST)[Antwort]

Thema Mundart

Auf br-alpha gibts momentan Sendungan iba de bairische Mundort (z.B. heit um 17:15). Hobz des eh gsegn ? In Estarreich homma soichane Sendungan ned, da sans woascheinlich froh, waunnd de Leit iwahaupt iagndwos in Richtung Deitsch ren. --RobTorgel (dischkrian) 08:22, 2. Jun. 2016 (CEST)[Antwort]

Hello RobTorgel, des warat a Supa-Idee füa Radio Wean! Weanarisch füa Migrant'n! - oiso füa Tüak'n, Araba, Balkana, Preiss'n, Tirola, Vuararlbeaga... Seas, --Michl aus Wean (dischkrian) 17:23, 2. Jun. 2016 (CEST)[Antwort]

Leida ned gseng. --Joe Watzmo (dischkrian) 11:04, 13. Jun. 2016 (CEST)[Antwort]

Lostaufstöllung

Bishea, waun i a Kroft oda Belostung auge'm hob, hob i's so gmocht, i hob an Pfäu higmoit und dazuagschriam z. B. 10 kN. Owa hiaz schau ma si au, wia ma auf des eigantli kummt.--Podsauna Seppl (dischkrian) 16:40, 15. Jun. 2016 (CEST)[Antwort]

Moagn, griaß enk!

Na Moagn is guid, iss jo schou fost dreiviadl neine. Ouwa i houb heid mein frein Toug. Kuaz zua mia: I bin de Inge, na eigantli hoaß i Ingeborg, ouwa des houd schou laung neamt zmia gsogt ghoubt. Sogoa auf da Heiroudsuakundn houb i mit Inge untaschriam und houb noucha nous -borg dazuafizln miassn, wäus sunst nit guidn hätt, eppa warads eh bessa sou gwen. Gestan houb i ma van Bäck a Bagl ghuid fia heid fias Fruahstuck. Ouwa heid ind Fruah houd mi fousd da Schloug troufn. Houb i ma iwalegt, nimmst ua Stickl mit Buda oda uans mit Marmeloud. Noucha schauri - i findt des Bagl neamt! Houd mei Mou schou`s gaunze Bagl gestan afd Nouchd zaumgfressn ghoubt. Heid is jo wieda so a scheis Fuaßboina im Fernsehn. Waun i hoamkimm van Oawadn, muass i no kouchn und wouschn und begln, und wos moucht mei Mou? Dea huckt si vuas Koustl und frisst ua Tschipsbackl nouchm aundan und daun schouffta au, i sui eams Bia huin. Na houd dea an Vougl?!

Bring eahm des Bia, haus eahm owa iwan Schedl oda laas eahm iwad Hosn. Do hoda bestimmt a Freid. --RobTorgel (dischkrian) 09:04, 21. Jun. 2016 (CEST)[Antwort]

Tuat a oide Frau aum Friedhof Bleamaln giass'n - kummt a aundare vuabei und maant neidisch: "See haum's guat, see deaf'n scho giass'n - ii muass no koch'n! Seas, --Michl aus Wean (dischkrian) 11:04, 21. Jun. 2016 (CEST)[Antwort]

Sodala dess warat's..

..de Englenda samma los - jetzt'n kennan unsare recht'n Anti-EU-Wappla zuaschaug'n, wia's daunn in Båch owegeht, waunn ma a Solo ohne Orchesta spüi'n wü.

Owa i hoff', dass de Schott'n jetzt'n gscheit san, a neuche Voiksohstimmung måch'n und daunn weida bei uns bleib'n - weu sunst'n warat mei liawa Glenfiddich jå nimma zum dazoih'n! Slàinte! --Michl aus Wean (dischkrian) 07:23, 24. Jun. 2016 (CEST)[Antwort]

No, schau ma amoi, wia des wiad. Momentan rennans jo olle nua umanaund wia de aufgschrecktn Hendln. --RobTorgel (dischkrian) 14:05, 25. Jun. 2016 (CEST)[Antwort]

Jednfois a wundaboars Beispui, wia ma mit Liang Woin gwinnt. Je gressa de Liagarei und je gressa da Untahoitungsfaktor vo de Liangbarone (in dem Foi da ehemolige Buagamoasta vo London Boris Johnson), desto gressa da Eafoig. So deppad is (oft) de Mehrheit vo de Leit.

A präzise Analyse vo de Lianggschichtln zum Brexit vom Prof. Dougan auf Youtube: https://www.youtube.com/watch?v=0dosmKwrAbI

--Joe Watzmo (dischkrian) 07:29, 3. Jul. 2016 (CEST)[Antwort]

hey, @JohnClark1960 ? --Ehgadn (dischkrian) 11:06, 3. Jul. 2016 (CEST)[Antwort]

Jo, obwoi natiale etz mehra LibDem Fan :) --Joe Watzmo (dischkrian) 09:08, 4. Jul. 2016 (CEST)[Antwort]

Fufzehnjahrigs Juwileum vo da Wikipedia

I hob mi zan Feiaschtaummtisch in Linz vo da Östarreichobteulung vo da De.Wikipedia am 15.Jenna augmöt.

Und das a glei wissn vo wo i kim hob i a glei in Link za insana Hoamseitn draugsezt.

https://de.wikipedia.org/wiki/Wikipedia:Ober%C3%B6sterreich#Ich_komme:

Wegn ana Gruaßkoatn möd i mi nuamoi. Pfiat Eich, da --Luki (dischkrian) 15:31, 8. Jen. 2016 (CET)

Seawas.

Des warad mei Vuaschlog fia a Glickwunschkoatn.

De Wikipediaeadkugl bringd s´Liacht (s´Wissn) in de Dunköheid.

I hob obsichtli weng Text gnumma, das des Büdl ned dadruckt.

Links af da Seitn hob i des "bar.wikipedia.org" eigschtöd.

Hed dazua nu wea an Fuaschlog?

Pfiat Eich, da --Luki (dischkrian) 18:21, 9. Jen. 2016 (CET)

Bua, du bist echt guat! Seas, --Michl aus Wean (dischkrian) 19:08, 9. Jen. 2016 (CET)

Nett, owa fia wos soi de Gruaßkoatn vawendt wean, Luki? Mia san jo sejm de Wikipedia (ohne Autorn is de Wikipedia rein goa nix), mia braucha uns jo ned sejm gratulian. --Howan Hansi (dischkrian) 03:56, 10. Jen. 2016 (CET)

Seawas Hansi und natiali olle Aundan a. I schtö de Koatn in da englischschprochign Wikipediafacebookseitn eini.

Mid aso Kloanigkeitn mochn ma ins a bei de aundan Wikipedien bemeakboa.

Owa a in da Effentligkeid kinnts dem Oan oda em Aundan auffoin ; Hö do gibds jo im Sidn unt a kloane Wikipedia, des kinnt i ma jo amoi auschaugn.

Und mid Sowos zoagd ma a dene Leid, fia De des Bairische ni a Schproch is, das mas jo owa sogoa guad schreibm kau.

I dads a gern, im Mäaz in da deitschn Wikipedia iagandwia eini, den do feiat de eahna 15jahrigs Bschteh.

Drumm hed i a de Bitt, das Oana dea a in da englischschprochign Wiki eitrogn is a duat mid an kloan Begleidtextal einiduat.

Und i siags aso, ned netta de Nutza feian se söbm, Na voaoim feiad ma de Idee und wos de Nutza draus gmocht hobm. Den des is grod in da heidign Zeid ned söbstvaschtendli, wo do im Netz schau jeda gschtungane Schaß sofuat vasübat wead.

Und waun ma bei soichane Auläß aa a kloas Bissial auf ins söbm aufmeaksaum mochan, wos warad do trau schlecht ?

Pfiat Eich, da --Luki (dischkrian) 05:10, 10. Jen. 2016 (CET)

Äquator

A blede Frog: Es gibt jo sowos wiaran "Weißwuascht-Äquator", brauch ma ned weida eaklean. Oba wäus in da de-wp an Artike iban "Arschlochwinkl" gibt, frog i mi, wo is eignlich da Arschloch/Oaschloch-Äquator ? Glei beim Uaztafal "Wean" oda do weida Richtung Westn ? --RobTorgel (dischkrian) 13:38, 14. Jen. 2016 (CET)

Waunn's uman Dialekt geht - wås i hoff'n tua - nåcha tättat i de Linie im West'n bis nåch Amstettn valeg'n, oda? Und im Süd'n g'fühsmäßi bis nåch Neistod. Seas, --Michl aus Wean (dischkrian) 14:35, 14. Jen. 2016 (CET)

Mmmh. Owa im Siidn songs do ned aa eha "O---" ? In Tiroi waa i ma sicha. ("Bischt oa Tirola, bischt oa Mensch, bischt koa Tirola, bischa an Oaschloch") Owa Owaestareich oda Soizbuag waaß i ned recht, wos des sogn --RobTorgel (dischkrian) 15:06, 14. Jen. 2016 (CET)

PS. In Mindlheim songs "A--", des waaß i zuföllig sicha *g*

I wea meine Bundeslända-Freind fråg'n, seas, --Michl aus Wean (dischkrian) 16:54, 14. Jen. 2016 (CET)

Jo, des waa supa, daunn kenn ma vielleicht a "Oaschloch-Koatn" beim Freytag & Berndt mochn lossn. Is jo a Kuituagut --RobTorgel (dischkrian) 17:06, 14. Jen. 2016 (CET)

I hättat aa scho a Idee füa's Deckbladl ;o] --Michl aus Wean (dischkrian) 17:16, 14. Jen. 2016 (CET)

Seawas. Ogsengn das ma dea Ausdruck iwahaubt ned gfoid, dad i sogn St. Pötn. Amschtedn is de Beziakhaubtschtod vom Mostviadl und do redns wia im Beziak Steyr-Laund (und do redns traunviadlarische Dialekt).--Luki (dischkrian) 22:29, 14. Jen. 2016 (CET)

Naujo - gråd in Amstett'n, wia's jo in gressare Städt efta vuakummt, is da Umlaunddialekt iwahaupts net zum hean. I bin vua Jahrln duat'n g'wes'n und kenn heit no a etliche Leidl'bn von duat'n. Und mindest'ns da Beziak Mök g'heat sichalich no zum (fåst) Weanarisch'n dazua, duat bin i seit 30 Jahrl'n beinåh wia daham. Owa im Prinzip håst recht! Seas, --Michl aus Wean (dischkrian) 10:42, 15. Jen. 2016 (CET)

Is jo no de aundare Meglichleit, indem daduach doss ma schaut, wieweit des "A-" vom Westn hear noch Estareich einegeht. Wobei Großstädt vielleicht imma a bissl a Ausnauhm san, denn da is de Gschicht imma iagndwia vawoschn --RobTorgel (dischkrian) 11:10, 15. Jen. 2016 (CET)

Brennsuppn

A so a Frog, wo i scho laung dischkurriat hob: In westlich Sprochraum is aana "af da Brennsuppn daheagschwumma" und in Wean haaßt des "af da Nudlsuppn daheagschwumman". Wo kaunn do de Grenz sei ? Auf wos schwimmans in Amstettn (a Beispüü) ? --RobTorgel (dischkrian) 16:56, 15. Jen. 2016 (CET)

Dees wiad jetzt'n net vü höf'n: In Tiroi hasst's jed'nfois "Brennsupp'n" - des is sicha; füa's Stoarische bin i nimma so sicha und in Niedaöstarreich waaß i echt ka Grenz', sorry, --Michl aus Wean (dischkrian) 17:23, 16. Jen. 2016 (CET)

Mei Theorie: Wia de oaman, dian Bauan vaum Laund no iwaroi Brennsuppn gessn haum, haum de fettn Weana scho längst Nudlsuppn kennt.

--Gschupfta Ferdl (dischkrian) 08:34, 20. Jen. 2016 (CET)

Mia san ned fett, mia san nua kaane Z'niachtln ned ! A Mau ohne Bauch is a Krippe !

Äussa du maanst, des is eha a Gschicht Stod-Laund ? Des dadat daun owa a fia Münchn götn, durtn schwimman's owa aa auf da Brennsuppn dahea.

Oda es is wiaklich a Weana Schmankal, des mid da Nudlsuppn. Wia isn des bei de Owaestareicha und de Soizbuaga ? --RobTorgel (dischkrian) 09:46, 20. Jen. 2016 (CET)

Wia gsogt, nua mei POV, owa ned nua ois Witz gmaant. Wia de Redewendung vau da "Nudlsuppn" enstaundn is, woa Wean woarscheinlich aane vau de 2-3 reichstn Städt vau da gaunzn Wöd. Dageng woa sogoa München nua Provinz und eascht Recht Soizbuag und Linz... Und Brennsuppn is sicha a Oameleitessn par exellence gwesn, wos in Wean mit Sichaheit vüü friacha vaschwundn is, wia aundaswo. (Waa sicha intressant, waun a Experte des aufklärn kennt, wia des wiaklich woa.) --Gschupfta Ferdl (dischkrian) 10:15, 20. Jen. 2016 (CET)

Naujo, z'wengan friacha vaschwind'n - ois Bua (mia woa'n aa net gråd Gstopfte, so wia nåch'n Kriag de ollameist'n Weana - då is denan Bauan daumois vü bessa gaunga) håt's bei uns dahaam eftas a Eibrennsupp'n geb'n - quasi da Weana Nauman füa de Brennsupp'n. Owa trotzdem samma auf da Nudl- und net auf da Brennsupp'n daheag'schwumma, seas, --Michl aus Wean (dischkrian) 11:51, 20. Jen. 2016 (CET)

Des muas oba nix hoassn. Wei, de Rednsort ned in da Weana Nochkriagszeit entstandn is, sondan vui, vui friaa, in da Kaisazeit woarscheinle, wo Wean a ganz grousse Nummara wor. --Ehgadn (dischkrian) 13:50, 20. Jen. 2016 (CET)

→ (quetsch) ...mit gaunz, gaunz oame Leit! I denk nua'r aun de Ziaglbehm, de wo - wia ma aa in Wean sågt - in Kitt aus de Fensta g'fress'n haum (waunn's üwahaupts Glåsfensta g'håbt haum). --Michl aus Wean (dischkrian) 16:53, 20. Jen. 2016 (CET)

Schaug: Mehjsuppn (Da Spruch vo da Brennsuppn is vui äita, da Spruch vo da Nudlsuppn is in an Umfejd ois Ibalogarung entstandn, wo de Brennsuppn koa wichtiga Begriff mehr wor. --Ehgadn (dischkrian) 14:42, 20. Jen. 2016 (CET)

Sicha richtig. Die Frog woa nua, wo sogt ma wos. I glaub scho fost, des is a Schmäh aus da kaisalichn Weanastodt, wo de feinan Leit sowos proletnmäßiges wia a Brennsuppn nedamoi ois Metapher ins Mäu gnumman haum, und de oaman Weana haums eana nochgmocht und haum aa vo Nudlsuppn gred', obwois noch wie vua Eibrennsuppn gessn haum --RobTorgel (dischkrian) 16:18, 20. Jen. 2016 (CET)

@Michl: Es kimmt draf oo in wejchanan Milieu a Redewendung entstandn is. Beispuisweis ham se de Leit im Studentnmilieu oda im Handweakamilieu in da Kaisazeid mid Sichaheid ned fia de Kittfressa intressiad. --Ehgadn (dischkrian) 06:40, 21. Jen. 2016 (CET)

I woittat nua relatevia'n: Weu de Masse von de Weana in da Kaisazeit woa'n eb'n kane g'stopft'n Leitl'n, sundan bluatoame klane Greissla, Haundweaka, Oawata, Tåglöhna und aa eahnare Weibsleit'. Då woa de Eibrennsupp'n des tägliche Fuada - wobei da Rob vamuatli mit sein Gedaunk'ngaung ziemli richti lieg'n wiad. Seas, --Michl aus Wean (dischkrian) 07:33, 21. Jen. 2016 (CET)

Mißtraunsvotum gegn Arnnon Geshuri (WMF-Großkopfata)

Scho gsegn? m:Requests for comment/Vote of no confidence on Arnnon Geshuri/bar. (vum Nutza:Steinsplitter) :) --.js^{[democracy needed]} 03:51, 26. Jen. 2016 (CET)

Daungda fia de Info. Mia wean uns des auschaun. --Gschupfta Ferdl (dischkrian) 07:00, 26. Jen. 2016 (CET)

Und wos hod dea Schlimms oogstejt? Aussa dass a ba Spitznfirmen wia Google und Tesla Karriere gmocht hod? --Ehgadn (dischkrian) 07:46, 26. Jen. 2016 (CET)

Nit amoi im de.Kurier gibts do vui Palava driwa[1]. --Howan Hansi (dischkrian) 14:24, 26. Jen. 2016 (CET)

Dangschee fia de Infos!

Hmmmm, is des ned des, wos in Konzeana eh Dog fia Dog gmocht wead?

I woass ned, ob des fia a Misstraunsvotum fia mi ausreicht. Wann a sejm ooklogt oda vauateit wead, waa des wos andas. --Ehgadn (dischkrian) 10:05, 27. Jen. 2016 (CET)

Und überhaupt ist es sowieso völlig Wurscht, weil es die Foundation schon lange nicht mehr interessiert, was die Community denkt. --Holder (dischkrian) 12:45, 27. Jen. 2016 (CET)

Ich nehme alles zurück und behaupte ab jetzt das Gegenteil: 'Earlier today, Arnnon decided to step down from the Board'. --Holder (dischkrian) 05:31, 28. Jen. 2016 (CET)

Einmal eine andere Sichtweise (ohne dass ich die ganzen Hintergründe auch nur ansatzweise kennen würde): Statt dass man froh ist, dass sich solche Hochkaliber in der Wikipedia engagieren, werden sie kurzerhand rausgeekelt. --Joe Watzmo (dischkrian) 07:11, 28. Jen. 2016 (CET)

Das hat vor allem damit zu tun, dass der von der Community gewählte Vetreter im Board aus diesem vor kurzem von der WMF herausgeekelt wurde und eben durch besagten Arnnon Geshuri ersetzt wurde. --Holder (dischkrian) 07:15, 28. Jen. 2016 (CET)

Grundlogn-Artikl

I bin dafia, dass de Grundlogn-Artikl groß auf da Hauptseitn valinkt wean, dass ma's sofurt findt, wäu de suit ma scho kennan. In da deitschn Wikipedia san vü Artikl so kompliziert gschriam, dass ma's ned vasteht. Und auf privotn Webseitn steht a Haufn Bledsinn. --Podsauna Seppl (dischkrian) 18:01, 7. Feb. 2016 (CET)

Driba ko ma nochdenga. Do host ned ganz Unrecht.

Af jedn Foi amoi schee, dassd wieda do bist.

Naxte Woch is dei Artike Fischaua Vuaberg ois Artike vo da Woch af da Hoamseitn.

--Ehgadn (dischkrian) 20:06, 7. Feb. 2016 (CET)

Des is ned schecht. Daunkschee.--Podsauna Seppl (dischkrian) 21:12, 8. Feb. 2016 (CET)

Artikl Englischgrundlagn

Derf i den Artikl schreim oda geht des zu sehr in Richtung Witzartikl?

Englisch is a komische Sproch. Ich haßt I, Ei haßt egg, Eck haßt corner und koana haßt nobody …

--Podsauna Seppl (dischkrian) 20:47, 8. Feb. 2016 (CET)

jo so sands de Englenda :) --Ehgadn (dischkrian) 13:46, 9. Feb. 2016 (CET)

Artikl Wochnschau

Derf i den Artikl schreim oda geht des zu sehr in Richtung Witzartikl?

Am Maundog gibt's z'Mittog Wochnschau. Do haut da Koch ois eine, wos in da vurign Wochn iwa bliem is.

--Podsauna Seppl (dischkrian) 20:47, 8. Feb. 2016 (CET)

In Wean såg ma dazua "Woch'nüwasicht mit G'reste" (-Eadäpfen) - mei Leibspeis, Michl aus Wean (dischkrian) 07:13, 9. Feb. 2016 (CET)

@Podsauna Seppl: hehehehe

Wannst wiakle Witzartike schreibn wuist, mochs do:

Wikipedia:Gaudi/Englischgrundlogn

Wikipedia:Gaudi/Wochnschau

und auf Wikipedia:Gaudi as Inhoidsvazoachnis.

--Ehgadn (dischkrian) 13:44, 9. Feb. 2016 (CET)

Ehgadn, du bist a leiwaunda Hawara. Des taugt ma.--Podsauna Seppl (dischkrian) 14:13, 9. Feb. 2016 (CET)

Obocht

Wikipedia-spezifische Postings ins AutornKafää vaschom. --Joe Watzmo (dischkrian) 08:03, 10. Feb. 2016 (CET)

tz af Boarisch

Auch dieses Jahr hat die tz wieder eine Ausgabe auf Bairisch zum Tag der Muttersprache veröffentlicht. --Holder (dischkrian) 16:41, 21. Feb. 2016 (CET)

Seawas Holder: Af de Facebook-Seitn vo da boarischn Wikipedia hob is einigebm:

https://www.facebook.com/boarische/?ref=aymt_homepage_panel

Pfiat Di, da --Luki (dischkrian) 20:59, 21. Feb. 2016 (CET)

Dangschee fian Hiiweis. Etzad is da Link aa af da Hoamseitn, unta Nochrichtn (rechte Spoitn). --Ehgadn (dischkrian) 08:26, 24. Feb. 2016 (CET)

Ostergriaß

Seawas. I wisch Eich und Eichane Famülien und a olln Lesan vo da boarischn Wikipedia a scheens Osterfestl. Da --Luki (dischkrian) 18:59, 25. Mea. 2016 (CET)

Vo mia aa a scheene Ostazeid! --Joe Watzmo (dischkrian) 08:58, 27. Mea. 2016 (CEST)

Enk aa! --Howan Hansi (dischkrian) 09:24, 27. Mea. 2016 (CEST)

Vo mia aa ois Guate. Jeda soi sovüü Eia findn, wossa grod no drogn kau. Waunn aana auf sei Kolestarin aufpassn muass, daunn solla hoit zwaa Simvastatin extra nehman. --RobTorgel (dischkrian) 09:27, 27. Mea. 2016 (CEST)

Frohe Ostan und blaue Eia winscht Eich aa da Michl aus Wean (dischkrian) 09:52, 27. Mea. 2016 (CEST)

+1 :) --Ehgadn (dischkrian) 18:47, 27. Mea. 2016 (CEST)

Aa da Seppl winscht eich wos! --Podsauna Seppl (dischkrian) 19:19, 27. Mea. 2016 (CEST)