São Tomé u Príncipe

Aus Wikipedia
Zur Navigation springen Zur Suche springen
A Koatn vo São Tomé u Príncipe
Nu a Koatn vo São Tomé u Príncipe
A Koatn vo da Loḡ in n Gulf vo Guinea.

São Tomé u Príncipe, amtle port. República Democrática de São Tomé e Príncipe,[1] engl. the Democratic Republic of São Tomé and Príncipe, is a Inslstoot in n Gulf vo Guinea, vur n westlinga Gstod vo Zentrolafrika. Es Land hod zwou Inslgruppn oda Archipl um dej zwou Haptinsln (São Tomé u Príncipe) umma, dej wou umma 140 km vonanonda weg un umma 225 bis 250 km vua n noadwestlinga Gstod vo Gabun ling.[2] Ondane Lenda i da Gnejchtn han Equatorialguinea u Kamerun.[3][1]

D Insln in n Atlantik han scheints ned bsidlt gweng, vur dass d Portugisn duatn in n 15. Jh. hikumma han. Gfunna woan han s umma 1471 duach de poatagisischn Asfurscha João de Santarém u Pedro Escobar.[4] Noudem dass d Portagisn duatn in n 16. Jh. Fouss gfasst hom, is s a fundamentols Hannlszentrum fia n atlantischn Sklafnhanḏl woan.[1] Da minerolreicha vulkanischa Boḏn u de Gnejchtn zen Equatoaringal hom São Tomé u Príncipe ideal fia n "Kanna-" oda Rouazugga gmacht; spada homs owa aa a "bouas Troad" wej an Kafee un an Kakao õpflanzt; d lukrativn Plantaschna han schwar ohange gweng vo importiatn Sklafnoawata vo Afrika.[1] D Zykln vo sozialna Unrouh u wiatschaftling Gwirwl in n ganzn 19. u 20. Jh. hom niad nougloua bis za Unohangekait um 1975. São Tomé u Príncipe is dasida oins vo dea am mejran stabiln u demokratischn Lenda vo Afrika.[1]

Midrana Bvelkaring vo umma 201 800 Leitn (nou offezjella Schetzunga vo 2018)[5][6][7] is São Tomé u Príncipe nou de Seychelln z Afrika af Plotz zwoa vo de am wengan bvelkatn suwerennan Stootn, un es am wengan bvelkata portagisisch-sprochata Land.[1] Dej Bvelkaring han vuawejngt Noukumma vo de gwenganen Sklafn u schwar katholisch.[7] Dej Spuan vo da poatagisischn Herrschaft sigt ma aa heit nu i da Kultua, i de Tradeziona un i da Muse, dej wou eiropejscha un afrikanischa Eifliss vaoina. São Tomé u Príncipe is a Grindingsmitglid vo da Gmoaschaft vo de poatagisisch-sprochatn Lenda.

Galeri[Weakln | Am Quelltext weakln]

Beleg[Weakln | Am Quelltext weakln]

  1. 1,0 1,1 1,2 1,3 1,4 1,5 «São Tomé e Príncipe». Info Escola. Afgrouffn en 7. Miarz 2019.
  2. «São Tomé e Príncipe no CIA World Factbook». Central Intelligence Agency (CIA). Afgrouffn en 7. Miarz 2019
  3. «São Tomé e Príncipe». Brasil Escola. Afgrouffn en 7. Miarz 2019
  4. «Boas Vindas!». Arquivo Histórico de São Tomé e Príncipe. Afgrouffn en 7. Miarz 2019
  5. Instituto Nacional de Estadística de São Tomé e Príncipe, nou en Stand von n 13. Mai 2018.
  6. ""World Population prospects – Population division"". population.un.org. United Nations Department of Economic and Social Affairs, Population Division. Afgrouffn en 9. Nufemma 2019.
  7. 7,0 7,1 «São Tomé e Príncipe». Central Intelligence Agency (CIA).