Eswatini

Aus Wikipedia
A Koatn vo Eswatini.
Nu a Koatn vo Eswatini.
A Koatn vo d Regiona.

Eswatini, aa Swatini,[1][2] (si)Swati: eSwatini  [ɛswáˈtʼiːni], inoffezjell aa (ka)Ngwane,[3][4][5] amtle engl. Kingdom of Eswatini, (si)Swati: Umbuso weSwatini, frejas bis 2018 Swasiland[6][7] mid an s (z) zwengs en (isi)Zulu, is a vo Land umschlossna Stoot in n sidlinga Afrika. Ar grenzt mid Mosambik af n Noadoustn u mid Sidafrika af n Noadn, Westn u Siḏn zamm. Mid ned amol 200 km Noad-Sid- u 130 km Oust-West-Asdeanung is Eswatini oins vo dea kloawinzingann Lenda z Afrika; u zant dan han es Klima u d Topographie, es Weda u d Geḡatn, recht vaschiḏn, u dastreckn se von n köjlln u beagnatn Houchland af s hoissa u trickata Tejffland.

D Bvelkaring vo umma 1,2 milljona Leitn han umma 84 % (ema)Swati, wou d Swati-Sprouch, eihoimisch siSwati, ren un umma 10 % (isi)Zulu-Sprecha, wos min (si)Swati za d Nguni-Sprouchn ghejad. Es modeana Kinereich vo de (ema)Swati hod da Ngwane III i da Mitt von n 18. Jh. gschaffn.[8] Es Land u de (ema)Swati nenna se nou en Kine Mswati II, da wou in 19. Jh. es Land daweitat u vaoint houd; d heintinga Grenzn han 1881 zmidst in n Dabeitn vo Afrika zong woan.[9] Nou en Zwoitn Burn-Krejḡ is s Kinereich min Nama Swasiland 1903 a britischs Protektorat woan u houd en 6. Settemma 1968 d Unohangekait daglengt.[10] En April 2018 is da Nama amtle umgnennt woan vo Kingdom of Swaziland af Kingdom of Eswatini, ba den wou Eswatini gwissamaassn d Entsprechung vo Swasiland auf (si)Swati is.[11][12][7]

Es Land is faktisch a absoluta Monarchi u wiad seit 1986 von n Kine Mswati III reḡiad.[13][14] Es Untahaus (House of Assembly) u da Senat wean olle fimf Jouana, zletzt 2018, gwelt. D heintinga Vafassing is 2005 õgnumma woan. Wichtinga nazionala Dareigniss oda Festt han da Umhlanga-Tanz in n August/Settemma[15] u da Incwala-Tanz in n Dezemma/Jenna.[16]

Eswatini is a hintnou hatschats Land, wou klassifiziad wiad wej a Wiatschaft vo gringane Mittl-Eikumma. Fia Eswatini wej a Mitglid vo da Zollunion von n Sidlinga Afrika (SACU) un en Gmoisaman Moakt von n Estlinga u Sidlinga Afrika (COMESA) is da gressta Gscheftsportna Sidafrika. Zwengs da Stabilitet is aa d Währung vo Eswatini, da Lilangeni, õn n sidafrikanischn Rand buntn. D grejsstn iwasejatn Gscheftsportna han dej Vaoinigtn Stootn[17] u d Eiropejsche Union.[18] D mejran Stelln han in n landwiatschaftling un in n produziratn Sektor. Eswatini is a Mitglid vo da Antwicklingsgmoischaft von n Sidlinga Afrika (SADC), da Afrikanischn Union, en Commonwealth of Nations u de Vaointn Naziona.

A von n Gsund steckn vill Leit durtn i koinn gouṯn Fell niad. HIV u, in an gringan Umfang, TB han schwar umatum.[19][20] Ma schetzt, umma 26% vo de Vulljahratnan han HIV-positiv. 2019 hod Eswatini mid duachschnittle umma 60 Jouana en 12. Plotz vo de gringstn Lemsdawoatunga vo da Welt eignumma.[21][22] Dej Bvelkaring is aa vo destweng recht jung, mid an Medianolta vo 21,7 Jouana.[23]

Galeri[Werkeln | Am Gwëntext werkeln]

Beleg[Werkeln | Am Gwëntext werkeln]

  1. Agence Mauritanienne d'Information: Le Roi de Swatini se rend à Nouadhibou, (Memento des Originals [1] vom 14. Mai 2021 im Internet Archive) i Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.@1@2Vorlage:Webachiv/IABot/fr.ami.mr 10-07-2019.
  2. https://ss.wikipedia.org/w/index.php?title=SiSwati&oldid=37021
  3. James Earl Lassiter: Culture and Personality Aspects of Socioeconomic Development in Swaziland: An Analysis of Student Attitudes and Values. University of Oregon, 1983, S. 28: The names of the kingdom used most often by the Swazi are KaNgwane and ESwatini.
  4. All About Eswatini/Swaziland, i: Countries. africa.com, 2019, afgrouffn en 5. Mai 2021.
  5. https://ss.wikipedia.org/w/index.php?title=Umbuso_weSwatini&oldid=37423
  6. Swaziland king changes the country's name , 19 April 2018. 
  7. 7,0 7,1 Kingdom of Swaziland Change Now Official. 18 May 2018.
  8. Bonner, Philip: Kings, Commoners and Concessionaires, Great Britain: Cambridge University Press 1982, S. 9–27.
  9. Kuper, Hilda: The Swazi: A South African Kingdom, Holt, Rinehart and Winston 1986, S. 9–10.
  10. Gillis, Hugh: The Kingdom of Swaziland: Studies in Political History, Greenwood Publishing Group 1999.
  11. Swaziland facts and guide as the country renamed the Kingdom of eSwatini (en-US) 20 April 2018.
  12. UN Member States. 30 May 2018.
  13. Swaziland: Wither absolute monarchism? , Pambazuka News, 16 May 2013. 
  14. Swaziland: Africa′s last absolute monarchy. In: Deutsche Welle. 14 July 2014.
  15. Cultural Resources – Swazi Culture – The Umhlanga or Reed Dance. Archiviert vom Original [2] am 28. August 2009. Abgerufen am 14. Mai 2021.
  16. Cultural Resources – Swazi Culture – The Incwala or Kingship Ceremony. Archiviert vom Original [3] am 30. Oktoba 2013. Abgerufen am 14. Mai 2021.
  17. Swaziland | Office of the United States Trade Representative. Ustr.gov. Archiviert vom Original [4] am 20. Juli 2014. Abgerufen am 14. Mai 2021.
  18. Swaziland. Comesaria.org. Archiviert vom Original [5] am 10. Oktoba 2014. Abgerufen am 14. Mai 2021.
  19. Projects : Swaziland Health, HIV/AIDS and TB Project. The World Bank.
  20. Médecins sans frontières: Swaziland: Dual HIV and Tuberculosis Epidemic Demands Urgent Action, 18. Nufemma 2010, archiviad.
  21. The Economist explains: Why is Swaziland's king renaming his country? , The Economist. 
  22. "Human Development Report 2020 (statistical tables 1 and 4)" (PDF). United Nations Development Programme.
  23. Swaziland Demographics Profile 2018. Indexmundi.com.