Landkroas Naimakk in da Owerpfålz

Aus Wikipedia

Wappn	Deitschlandkartn
Basisdaten
Bundesland:	Bayern
Regierungsbezirk:	Oberpfalz
Vawoitungssitz:	Neumarkt i.d.OPf.
Flächn:	1.344,23 km²
Einwohna:	128.587 (30. Juni 2006)
Beväikarungsdichtn:	96 Eiwohna je km²
Kfz-Schuidl:	NM
Landkroasschlissl:	09 3 73 NUTS: DE236
Landkroasgliadarung:	19 Gmoandn
Adress vo da Landkroasvawoitung:	Nürnberger Str. 1 92318 Neumarkt i.d.OPf.
Hoamseitn:	www.landkreis-neumarkt.de
Landrat:	Albert Löhner (CSU)
Log vom Landkroas Naimakk in da Owerpfålz in Bayern

Da Landkroas Naimakk in da Owerpfålz (alternative aussproch is Neimoak), åmtlich Landkreis Neumarkt i.d.OPf., is da westlichste Landkroas von Regierungsbezirk Owerpfålz in Bayern. Er ligt in an Draieck zwischa de Grousstedt Nirmberch, Rengschburch und Inglstod.

Inhoitsvazeichnis 1 Region und Wirtschåft 2 Geografie 3 Stedt und Gmoana 4 Externe Links 5 Quölln und Lesats

[dro werkln] Region und Wirtschåft

In sainer haintinga Form is da Låndkroas Naimakk iwer d Gebejtsreform in Bayern 1972 entståndn, dou is vor ålln da Låndkroas Parschbach aglidert worn. D Stod Naimakk is vor da Reform a kroasfraie Stod gwen.

Ghejern tout da Låndkroas zo da Metropolregion Nirmberch und zo da Plånungsregion Rengschburch. Es wirtschåftliche und kulturölle Zentrum is Naimakk. Orientiern tejn'se d Lait und d Wirtschåft z Naimakk und rundumadum ar af Nirmberch (bsunders arwatsplozmasse), in Ostn ar af Rengschburch, in Sidn ar af Inglstod.

Aa zo da Region Åltbayern ghejert da Låndkroas. Gredt wird in derer Gechad Boarisch, gnauer: Nordboarisch, mit frenkische Ainfliss in Westn und Nordn.

[dro werkln] Geografie

Da Låndkroas Naimakk ligt bailaife in da Mittn vo Bayern, dou wou'se de Frenkische Ålb oder da Frenkische Jura und da Owerpfölzer Jura in ara ungfern Linie Berch - Naimakk - Bacham treffa. Estlich vo derer find'ma durt a åbwechslungsraiche Berchlåndschåft, durch dej zejng'se zolraiche Taler vo Bach und Fliss. Westlich wird d Låndschåft flåcher, durt han ner nu oanzlne Zaingberch, baispülswais da Bouchberch und da Düllberch). Dej waisn af des hi, das da Stalrånd urspringle waiter in Westn valoffa is. D Stod Naimakk ligt in aran su an Tolkessl.

[dro werkln] Stedt und Gmoana

Hiwais: De Ortsnama han de traditionölln durtinga, und in Klåmmern hinter deane de offiziölln mit de Titl und de Nåmazousetz.

• Bacham (Stadt Berching)
• Berch (Gemeinde Berg bei Neumarkt in der Oberpfalz)
• Berngau (Gemeinde Berngau)
• Broinbrunn (Markt Breitenbrunn)
• Deining (Gemeinde Berngau)
• Dejpfurt (Stadt Dietfurt an der Altmühl)
• Freystod (Stadt Freystadt)
• Houaföls bzw. Houföös (Markt Hohenfels)
• Lauterhuf (Markt Lauterhofen)
• Lupburch (Markt Lupburg)
• Mühlhausn (Gemeinde Mühlhausen)
• Naimakk oder in Ostn und in Sidn: Naimoark (Stadt Neumarkt in der Oberpfalz)
• Parschbach (Stadt Parsberg)
• Pülsa (Gemeinde Pilsach)
• Poschbaua-Heng (Markt Postbauer-Heng)
• Pyrbam (Markt Pyrbaum)
• Sengatol (Gemeinde Sengental)
• Saiberschdorf (Gemeinde Seubersdorf in da Oberpfalz)
• Völburch (Stadt Velburg)

D Stod Naimakk, und de Gmoana Berngau, Pülsa und Sengatol büldn zåmma d Vawåltungsgmoaschåft Naimakk in da Owerpfålz.

[dro werkln] Externe Links

• D Hoamsaitn von Låndkroas
• Landkroas Naimakk in da Owerpfålz: Wappengeschichte vom Haus der Bayerischen Geschichte

[dro werkln] Quölln und Lesats

• Landkreis Neumarkt i.d.OPf. : Das große Heimatbuch der westlichen Oberpfalz, Buchverlag der Mittelbayerischen Zeitung, Regensburg, 1993, ISBN 3-927529-98-2