Båssa

Der Artikl is im Dialekt Innboarisch gschrim worn.

Båssa

Koordinaten: 48° 34′ N, 13° 28′ O

Basisdatn

Bundesland:

Bayern

Regierungsbezirk:

Niadabayern

Landkroas:

Groasfreie Ståd

Hechn:

294–447 m ü. NN

Flächn:

69,58 km²

Eiwohna:

50.594 (31. Dez. 2010)^[1]

Beväikerungsdichtn:

727 Eiw. pro km²

Sonstige Datn

Postleitzoi en:

94032–94036 (alt: 8390)

Vorwoi:

0851

Kfz-Kennzeichn:

PA

Gmoaschlissl:

09 2 62 000

Stådgliederung:

8 Stadtteile

Adress vo da Stådvawoitung:

Rathausplatz 2–3
94032 Passau

Hoamseitn:

www.passau.de

Politik

Obabuagamoasta:

Jürgen Dupper (SPD)

Båssa (amtle: Passau) aa Bassa oda Bassau is a groasfreie Ståd in Niedabayern an da Grenz nåch Estareich, de wos am Zsåmmafluss vom Inn und vo da Uiz mid da Doana ligt; zwengs dem wead Båssa aa oft Dreiflüsseståd gnennt. Mied ebba 50.000 Eiwona is Båssa d'zwoatgrässte Ståd vo Niedabayern, und as zwoate wichtige Zentrum vo dem Land nach da Hàpståd Låndshuad; z'Båssa ligt aussadem d'oanzige Universität vo Niedabayern.

Inhoitsvazeichnis

1 Gschicht
2 Stådtgliadarung
3 Bolidik
4 Kuitur und Sehenswirdigkeiten
5 Persenlekeitn
- 5.1 Eahnbiaga
- 5.2 Buam und Dechda vo da Stod
6 Beleg
7 Im Netz

[drå werkln] Gschicht

Båssa gibts scho, seitdem d'Kejtn in da jetzing Åidståd gsiedlt hammd. As kejtische Oppidum Biodurum is dann im erschtn Johundat noch Christus vo de Rema erobat woan und is a Stiggl vo da Provinz Raetia woan. Då wo heit da Dom steht hammd d'Rema as Kastell Batavis baut damieds eanan Limes bfestign kinnand. Da Nam vom Kastell kimmd vo de germanischn Soidatn, vom Stamm vo de Batava, de wo do stationiert woan. Dåhea kimmd aa da heidige Nam Båssa. In da spaada Kaisazeid is am andan Innufa in da remischn Provinz Noricum as Kastell Biotrol entstandn, des wo bis zum Åbzuag vo de Romanen bstandn håd.

Bassau um 1600

Im Jåa 476 hammd d'Rema d'Region valåssn. D'Bajuwaren hammd af da Håibinsl a Herzogsbuag darricht. Scho im Jå 739 is Bassau Bischofssietz g'wen, zu dera Zeid is aa as Klosta Niadanbuag g'rindt woan, des iba grouße Ländarein im Eizuagsbereich vo da Uiz vafiagt. Im 11. Jåhundat woa durtn Gisela, d'Schwesta vom Kaisa Heinrich II. und Witwe vom Kine vo Ungarn, Stefan I., Äbtissin. Wia 999 vom Kaisa d'wêidliche Herrschåft iba d'Stådt am Bassauer Bischof Christian übadrong woan is, håd d'Vorherrschåft vom Klosta g'endt. Zwischn 1078 und 1099 hamm d'Bassauer Bischäf voribagehnd d'Herrschåfftsrechte üba d'Stådt an d'neigschaffane Buaggrafschåft Bassau und am vom Kine Heinrich IV. eigsetztn Grafn Ulrich valoan. Nåch dem seim Doud han d'Rechte zruck an d'Bischäf gfoin.

D Bassaua Oidståd am Inn.

In da erstn Häifdn vom 12. Joahundat is as Baussauer Schmieadehandwerk bedeitsam g'wen. 1217 is Bassau zum Fiastbistum g'woan. As Klosta Nieadanbuag, wêichs am Bischof 1161 vom Friedrich I. Barbarossa g'schenkt woan is, is zum Sitz vom Fiastbistum g'woan. Bassau håd 1225 Stådtrechte valiehn erhåitn. Es håd mehrane Aufständt vo de Biaga gega d'Herrschaft vo de Fiastbeschäf gem, z'letzt 1367/68, de åba ållesamt g'scheitert han. Andaraseits håd as Bistum an b'trächtlichn Woistand entwicklt und håd imma wiada Begehrlichkeiten beim Nachbarn Bayern und am Herzogtum Estarreich g'weckt.

Bassau is aa Entstehungsoat vom Ausbund, as äideste bis heid nu bei de Amischen hergnummane G'sangsbiachl vom Protestantismus. Sei Kernsammlung is zwischa 1535 und 1540 im Valias vo da Bassaua Buag entstandn. D'Autoren woan inhaftierte Deifa. A boa vo eana han scha währnd da G'fangaschaft g'stoam. D'mehran Deifa, wo do g'fanga g'wen han, hamm im Aschluss an d'Haftzeid an Märtyradoud dalittn. D'druckte Erstausgam håd an Titl: Etliche schöne christliche Gesäng wie sie in der Gefengkniß zu Passau im Schloß von den Schweizer Brüdern durch Gottesgnad gedicht und gesungen warden. Ps. 139.

1552 is in da Stådt da Bassauer Vadråg g'schlossn woan, wêicha a Wegbreita fia d'Tolerierung vo de Konfessionen im Augschbuaga Religionsfrien woa.

Hochwåssa in Bassau 1954: Da Schaiblingsturm 5 m unta Wåssa
Hochwåssa in Bassau 1954: Hafenhallen an da Doana

1622-33 is d'Philosophisch-Theologische Hochschui g'rinnt woan. 1676 håd in Bassau d'sognannte Kaisahochzeid vom Leopold I. und da Eleonore von Pfalz-Neuburg stattgfundn. D'Ståd is efta vo stoake Houwossa und Brändn heimgsuacht woan. 1662 is d'ganze Stådt obbrennd. Italienische Baumoasta (Carlone und Lurago) hamms danåch wiada nei afbaud und da Ståd aso ihr wejsch-barocks Auschaung gem. 1786 is d'erste Bassauer Zeidung aussakemma. D'Zeid vo Bassau åis sêibstständigs Fiastntum håd mid da Säkularisation 1803 aufghead, durch de's zu Bayern kemma is. 1821 is d'Ståd wiada Bischofssietz woan. Vo 1806 bis 1839 woa Bassau Hauptståd vom Untadoanakreis. 1860 is d'Eisenbahnlinie nåch Straubing aufgmocht woan. 1870 is St. Nikola ei'gmeint woan, 1909 Heidnhof und 1923 Beiderwies.

Vo 1935-1945 is Bassau a wichtiga Standort vo da Wehrmacht g'wen. In da Ståd han vor åim Einheitn da Infanterie g'leng. Außadem han in Bassau stoake Flak-Kräfte g'leng, so in de Teilorte Kachlet und Doblstoa.

Seit 1942 håd se in Bassau a Außenlåga vom Konzentrationslåga Dachau b'fundn. D'Haftlinge han beim Bau vo am Untawåssakraftwerk beim heidign Stausee Obaêizmêi ei'gsetzt woan. Ab Novemba 1942 is des Außnlåga am KZ Mauthausen untaleng, wêichs im März 1944 d'Außnstêin Passau II und im März 1945 d'Außnstêin Passau III erêffnet håd. D'Häftling san durtn in de Wåidwerkn Bassau-Uizståd und bei da Bayer. Lloyd zum Entlån vo Schiffn eigsetzt woan.

Am 1. Juli 1972 han de Gmeindn Gruabweg, Håis, Hacklbeag und Heining sowia Teile da Gmeindn Kirchbeag vorm Wåid in d'Ståd Bassau ei'gmeint woan, wodurch as Stådgebiet vo 20 auf 70 Quadratkilometa g'wåchs is und d'Eiwohnazåi um 40 % auf 50.000. Seit 1978 is Bassau Universitätsståd. D'Universität håd bsondas in de Bereichn Jura, Betriebswirtschaftslehre und Informatik an guadn Ruaf.

1980 is d'Ståd Bassau mid'm Europapreis fia ihre Bemiaungen um an europäischn Integrationsgedanken auszeichnet woan. 1993 håd Bassau d'Markn vo 50.000 Eiwohna übaschrittn. Es is as Obazentrum da Region Doana-Wåid.

[drå werkln] Stådtgliadarung

D'Åidstådt und da Inn vo da Mariahêif aus afgnumma. Im Hintagrund d'Veste Oberhaus.

S'Stådtgebiet is in d'foigadn acht statistischn Stådtei gliadat, de wo im Groußn und Ganzn d'Gemarkungs- oda d'ehemojign Gmoagrenzn hand. D'Stådtei weand weida in Ortstei untagliadat.

Stadtteile vo Bassau

Nr.	Stådteil	Flächn^[2] ha	B'vêikarung Hauptwohnsietz 31.12.2005^[3]	Bevölkerung pro km²	Bemerkungen
1	██ Åidståd	152,6018	3067	2010	historischa Stådkern rechts da Doana Veste Oberhaus links da Doana
2	██ Innståd	508,9354	4861	955	rechts vom Inn, 1923 åis Beiderwies eing'meindt
3	██ Hoanhof Siad	406,9042	4810	1182	3. Juni 1870 Ei'gemeindung da G'meinde Nikola 1. Jan. 1909 Ei'gemeindung da G'meinde Haidenhof
4	██ Hoanhof Noad	871,8241	11292	1295	1. Jan. 1909 Ei'gemeindung da G'meinde Haidenhof
5	██ Heining	2085,9484	11121	533	Ei'gmeindung am 1. Juli 1972
6	██ Hacklberg	1668,8038	5553	333	Ei'gmeindung am 1. Juli 1972
7	██ Håis	407,3414	1491	366	Ei'gmeindung am 1. Juli 1972
8	██ Gruabweg	857,9621	7202	839	Ei'gmeindung am 1. Juli 1972
	Bassau	6954,9200	49397	710

[drå werkln] Bolidik

Seit 1900 woan Buagamoasta bzw. Obabuagamoasta vo Bassau:

Joseph Muggenthaler (1894–1919)
Carl Sittler (1919–1933)
Max Moosbauer (1933–1945)
Carl Sittler (1945)
Rudolf von Scholtz (1945–1946)
Alfred Lobinger (1946)
Heinz Wagner (1946–1948)

Hans Riedl (1948)
Stephan Billinger (1948–1964)
Emil Brichta (1964–1984)
Hans Hösl (1984–1990)
Willi Schmöller (1990–2002)
Albert Zankl (2002–2008)
Jürgen Dupper (seit 2008)

2008 is da Jürgen Dupper (SPD) åis Nåchfoiga vom Albert Zankl (CSU) zum Obabuagamoasta g'wêid woan. Da Stådtrat håd Urban Mangold (öpd) und an Anton Jungwirth (FDP) zu seine beidn Stêivatreta g'wêid.

Da Stådråt setzt se foigndamoaßn zsamm:

D'Sitzvateilung im Stådråt seit 1996
Joa	CSU	SPD	Grüne	FDP²	ödp¹	REP	FWG	Studenten für Passau	Junge Liste	Passauer Bürgerliste	G'samtsietz	Wåibeteiligung (in %)
1996	18	14	3	3	2	1	1	1	–	1	44	?
2002	19	12	2	2	5	–	2	1	1	–	44	56,3
2008	12³	12	3	7³	7	–	3	–	–	–	44	54,45

¹ Aktive Bassauer (2002) bzw. Parteifreie Umwêidtschitza (1996)
² 2008 Fraktionsg'meinschaft mid „Junge Liste“, seit 13. Oktober 2008 u'bnannt in „Passauer Liste“
³ Am 14. Oktober 2008 hamm drei da urspringlich 16 Abg'ordneten da CSU-Fraktion eanan Übatritt zua FDP/Passauer-Liste-Fraktion erklärt. Am 17. Oktober is a weitare Abgordnete g'foigt

Jeds Joa findt in Bassau und Umgebung da Pilitische Aschamiedwoch statt. Bis zum Joa 2003 håd d'CSU eanane Veranståitungen in da Nibelungenhalle åbghåitn, bevor's in da neig'bautn Dreiländerhalle am Stådrand umzong is.

In Bassau hamm a boa Bewohna 1998 aus Protest gega a Tagung vo da NPD d'sognannte Passauer Aktion Zivilcourage (PAZ) g'rinnt. De håd as Zui g'håbt, an Wiadastand gega d' in Bassau reglmäßig ståttfindndn Vaanståitungen da rechtsextremen NPD ned auschsliaßle da Antifa zum übalåssn, sundan a breite Zuastimmung da B'vêikarung fia des Zui zum g'winna. Es woa s'Zui vo da PAZ, d'NPD-Tagung durch Blockadn und Nötigung zum stean. An entsprechadn Aufruaf and d'Bassauer Biaga hamm unta andam d'Kabarettistn Bruno Jonas und Sigi Zimmerschied untazeichnet, a boa Stådratsmitgliada, G'werkschaftssekretäre, Gastwirte, Schula und Kirchnvatreta, da Generalvikar vom Bistum, da Leiter da Bassauer Stådwerke und da G'schäftsfihra vom Schlachthof. Letztlich woa d'NPD-Vaanståitung jedoch durch asVersammlungsrecht vom Grundgsetzt g'schitzt. Dåss d'Vaanståítung vo da NPD oda da DVU seit a boa Jå nimma in Bassau ståttfindt, is auf'n Åbriss da Nibelungenhalle zruckzfian.

[drå werkln] Biagabegehren

Seit da Eifiarung da kommunaln Biagabegehrn håd d'Bassauer Bevêikarung bisher vier Måi entschein kinna. Dabei hamm bisher ålle Åbstimmungen as in Bayan fia d'Guitigkeit notwendige Qorum fia Zuastimmung bzw. Åblehnung vo 15 % da Wåiberechtigtn erreicht:

Am 11. Februar 1996 hamm sa se mid 57 % gega d'Erhåitung da Schwimmbäda in Bschütt und Neistift entschien, sowia am Erhåit vom Håinbåd.
Am 12. Novemba 2000 hamm d'Bassauer Biaga mid 66 % fia a Valågarung da Voiksfestn Maiduid und Herbstduid in'n Stådteil Koibruck gstimmd.
Am 18. Juli 2004 san zwoa Begehrn vo Seitn vom Stådrat und a Biagainitiativn üba's Ausmaß vom Neibauprojekt Bassauer Neie Mittn zua Åbstimmung gstandn. Es håd se as Begehrn vom Stådrat in a Stiechentscheidung mit 51 % durchgsetzt.
Am 22. Oktoba 2007 is üba's sognannte Europäische Haus, a Konzerthaus in da Neien Mitte, åbgstimmd woan. 55 % da Biaga, de an da Åbstimmung teilgnumma hamm, hamm an Bau vom Haus åbglehnt.

[drå werkln] Poatnastädte

Bassau untahåit mit foingdn Städtn Poatnaschaftn:

the United States Hackensack, New Jersey, USA, seit 1952
Scotland Dumfries, Schottland, seit 1957
France Cagnes-sur-Mer, Frankreich, seit 1973
Austria Krems an der Donau, Österreich, seit 1974
Japan Akita, Japan, seit 1984
Spain Málaga, Spanien, seit 1987
the Czech Republic Budweis, Tschechien, seit 1993
the People's Republic of China Liuzhou, China, seit 1999
Hungary Veszprém, Ungarn, seit 1999
Italy Montecchio Maggiore, Italien, seit 2003

[drå werkln] Städtefreindschaften

Bassau is freindschaftlich vabundn mid:

Austria Eferding, Èstarreich
Austria Linz, Èstarreich
Italy Scurcola Marsicana, Italien

[drå werkln] Patenstädte

Patenstädte vo Bassau han Bad Griasbåch, d`Freyng, Hauzenberg. Bocking und Simbåch am .

[drå werkln] Patenschaften

zu dee Sudetndeitschn vom Bähmawåid, wêich weng'm Beneš-Dekrete 1945 enteignet und vatriem woan han (seit 1961)
zum Minenjagdboot „Passau“, des in Kiel stationiert is (seit 1990)
zum Airbus A340-300 „Passau“ da Lufthansa (seit 2002)^[4]
zum ICE „Passau“ (seit 2003)

[drå werkln] Kuitur und Sehenswirdigkeiten

[drå werkln] Stådtbejd

D'Åidstådt ligd afa schmåin Håibinse am Zsammafluss vom Inn und da Doana. Da Dom "St. Stephan" stehd af am gloana Hiagl. An ålle zwoa Flussufan hi fåind d'Gåssn teilweis in gaachn Stiang åbe.

Oane vo de recht gaach asteigadn Bassaua Gåssn

As Stådtbejd schaugt dank a Boa italiänischn Baumoastan a wengal siadländisch aus und is durch Heisa im Stui vo da Inn- und Såizachbauweisn gprägt. Zwengs dem wead Bassau aa eftas as Venedig vo Bayan ghoaßn. Jäseits vo de zwoa Flussufan steigt d'Landschåft in grêane Hiagln a. Iawarågt wead d'Stådt im Noan vo, Obahaus und im Sian vo da Wåifoatskircha Mariahejf.

Da westlee Teil vo da Åidståd zwischam Hauptbahnhof und'm St.-Nikola-Kloster wead gråd Neigstoidt. Wega da Reduzierung vo Gleisanlång durch d'Deitsche Bahn sowia aa durch'n Ruckzuag vo da Bundeswehr und a neia Vaanståitungsstättn in Koibruck håd durtn a groußa Bereich in da Innastådt stättebaule nei gståitd wean kinna. Des Projekt, wås ma åis Neie Mittn kennd, soi bies 2011 åbgschlossn sei.

[drå werkln] Dreiflüsseståd

D'Åidståd vo Bassau an da Doana

Am Fuaß vo de Buaganlång Veste Niederhaus fliaßt erscht amåi d'Uiz vo links und kurz danåch vo rechts da Inn da Doana zua. As Wåssa vom Inn, des vo de Åipn kimmd, is grea, as da Doana blau und des vo da aus am Moorgebiet kemmadn Uiz schwoaz, so dåss d'Doana a längas Stickl nåch'm Zsammfluss drei Wåssafoam (Grea, Blau, Schwoaz) håd. Auffåind is dabei, wia stoak as greane Wåssa vom Inn as Wåssa vo da Doana beiseitn drängd. Des hängt neba da zeitweis sehr groußn Wåssameng vom Inn hauptsächlich mid da stoark untaschiadlichn Diafn vo de beidn G'wässa (Inn: 1,90 Meta / Doana: 6,80 Meta) zamm - "da Inn übasträmt d'Doana". Zwoa fiad da Inn im Joasmittl aa etwoa fünf Prozent mehr Wåssa wia d'Doana sêiba, doch riad des hauptsächlich vo de stoakn Hochwässern vom Inn bei da Schneeschmêizn her, während d'Doana a deitle konstantare Wåssafiarung aufweist. Se fiad d'meiste Zeid vom Jå (sieben Manad, Oktoba bis April) mehr Wåssa mid se wia da Inn.

Doanafoat zua Mündung vom Inn

Aa wenn da optische Eidruck's åiso nahelegt, vo da Mündung da Doana in'n Inn zum sprecha, is d'Namensgebung Doana fia'n se ergemdn Strom weidahi grechtfertigt - ned nur durch d'Läng da zruckglegtn Wegstreckn (Doana: 647 km / Inn: 510 km).

[drå werkln] Sehanswerte Bauwerke

Da Stephansdom is Sietz vom Bassauer Bischof. Er gehd zruck af a Kiacha, de scho um 450 exestiert håd. D'Bischofskiacha is 730 erstmåis urkundlich erwähnt woan und is seit 739 Kathedrale da Diozösn. Zwischa 1280 und 1325 is de durch an friagotischn Dom ersetzt woan. A Ostteil im spadgotischn Stil is vo 1407 bis 1560 abaut woan. Im Stådbrand vo 1662 is da Dom mid Ausnahm da Außnmauer vom Ostteil voiständig zastead woan. Vo 1668 bis 1693 is da Dom vo Carlo Lurago nei erricht woan, desmåi im Barockstil. Bsondas zum erwähna san im Innenausbau Stukkaturen vo Giovanni Battista Carlone und Gemälde vom Johann Michael Rottmayr in de Seitnaltären. Da Stephansdom is da gräßte Barockdom närdle da Åipn. Mid da Domorgl mid 17.774 Pfeifn und 233 Registan befindt se d'gräßte Domorgl da Wêid in Bassau.

Stephansdom

Nebam Dom is af'm Domblåtz, der wo an hächstn Punkt da Åidståd bêit, is nu as Lamberg-Palais erwähnaswert; durtn is 1552 da Baussaua Vatråg g'schlossn woan. Siadle vom Dom ligt d'Åide Residenz, de heid as Landg'richt b'herbergt. Im ehemåign fiastbischäflichn Opernhaus b'findt se heid as Stådtheater. As 1645 urspringle åis Båihaus errichtete Gebäude is åb 1779 åis Hofkomödienhaus g'nutzt und schliaßle 1783 af Anweisung vom Fiastbischof vo Auersperg durch Johann Georg Hagenauer zum Opanhaus umbaud woan.

Am Doanauafa b'findt se as Rathaus aus'm 14. Joahundat mid seim 38 Meta houm Tuam, der wo 1890 hinzuagfiagt woan is.

Am Rathausblåtz beherbergt as Patrizierhaus "Wilder Mann" as Passauer Glasmuseum mid Exponaten vom wêidberiamtn "Böhmischen Glas".

Estle vom Rådhausblådz stehd as 1848 bis 1851 vom Friedrich vo Gärtner darrichtete klassizistische Hauptzoiamt.

Ned weid vom Rådhaus befindt se d'ehemåiige Jesuitinekricha St. Michael mid'm benåchboartn Komplex vom ehemåiign Jesuitnkollegs, weida Richtung Oatspietz as ehemåiige Benediktinerinnenklosta Niedernburg. Im Oat stehd as Biagaliche Waisenhaus, des vom Schiefsbaumoasta Lukas Kern 1749 gstift woan is. Des Gebäude is 1750 bis 1755 vom Domkapitel-Baumoasta Johann Michael Schneitmann baud woan. Vorm Waisnhaus stehd a Johannes Nepomuk-Standbêitl vom Bassaua Buidhaua Joseph Carl Hofer ausm Joa 1759.

De so gnannte Oatspietz ligt am Zsammfluss vo da Doana, am Inn und da Uiz. D'Gschitzbastion in Form vo am Kleebladl ausm Joa 1531 håd friaha d'Flusstäla geng Ostn gsichat.

D'Pfårkiacha St. Paul is 1050 erschtmåis urkundle dawähnt woan; da heidige Baubstand stammd aus de Joahan 1663 bis 1678. Am Rindamoakt daneem stehd d'zwoaschiffige Spitalkirche vo 1380 vom 1200 g'rinntm St.-Johannes-Spitåis.

In da Breigåssn bfindt se as Museum Moderna Kunst (MMK). Sei Begrinda Hanns Egon Wörlen, Sohn vom Måia Georg Phillipp Wörlen, bleibt da Kunst und seim Museum aa in seim hohan Åita nu drei.

Im Zentrum da Åidståd ligt da Residenzblådz mid seine Patrizierheisan und da Nein Bischäflichn Residenz. In da Residenz is as Domschatz- und Diözesanmuseum zu b'sichtign. In da Mittn vom Blådz b'findt se da Wittlsbåchabrunn, der 1903 åis Erinnerung an d'100-jahrign Zuaghärigkeit da Ståd zu Bayern vo Jakob Bradl aus Minga darricht woan is. As Herberstein-Palais (Schustergasse 4) mid seina duach Wandpilaster gliadate Fassadn bsitzt an Renaissance-Arkadenhof im italienischn Stil vo 1590 und bherbergt heid as Amtsgricht Bassau.

Pfårrkircha St. Paul

Lohnad is a Spaziergang entlang da måiarischn und sonnign Innpromenad. Durt kimmd ma am Schaiblingsturm vurbei, am rundn Wehrturm, der im Mittlåita zum Schutz vom Såizhåfn darricht woan is.

D'Ludwigsstråßn und ihre Nemstråßn buin d'Fuaßgängazon mid Gschäftan und Cafés. Am Eck zua Heiliggeistgåssm stehd d'Votivkircha, d'Klosterkircha vom ehemåiign Franziskanerklosta.

Veste Obahaus

Jeenseits da Doana rågt af am Hiagl d'mächtige Veste Obahaus auf. Se Bherbergt heid unta andam as Oberhausmuseum mid Stådmuseum und weidane Sammlungen mid Schwerpunkt af Ostbayern und de Nåchboalända Bähm und Èstarreich. Untahåib da Veste, mid ihr duach an Wehrgang vabundn, ligt zwischa Doana und Uiz d'Veste Niadahaus, de se in Privatbsitz bfint. An n'Burgberg agloant zur Uizseitn hi stehd d'ehemåiige Wåifoahrtskircha St. Salvator.