Landkroas Garmasch-Partakurch

Der Artikl is im Dialekt Werdenfoisarisch gschrim worn.

Wappn	Kartn

Basisdatn
Bundesland:	Bayern
Regierungsbeziak:	Obabayern
Vawoitungssitz:	Garmasch-Partakurch
Flächn:	1.012,28 km²
Eiwohna:	87.104 (30. September 2006)
Bevölkerungsdichtn:	86 Eiwohna je km²
Kfz-Kennzeichn:	GAP
Kreisschlissl:	09 1 80
Kroasgliadarung:	22 Gmoandn
Adress vo da Kroasvawoitung:	Olympiastraße 10 82467 Garmisch-Partenkichen
Hoamseitn:	landkreis-garmisch-Partenkirchen.de
E-Post-Adress:	mail@lra-gap.de
Politik
Landrot:	Harald Kühn (CSU)
Karte

Da Landkroas Garmasch-Partakurch (amtle: Landkreis Garmisch-Partenkirchen) lieg im Sidweschtn vom boarischn Regierungsbeziak Obabayern. Nochbaalandkroas san im Nordn da Weilheim-Schongau, im Oschdn da Doiz-Woifrodshausn, im Sidn s eschterreichische Bundesland Drull und im Weschtn da schwäbische Landkroas Oschtallgai.

Inhoitsvazeichnis

1 Erdkunde
2 Gschicht
3 Wirtschoft und Infrastruktur
- 3.1 Vakea
4 Politik
- 4.1 Wappn
5 Märkte und Gmoana
6 Im Netz

[drå werkln] Erdkunde

Da sidliche Doal vom Landkroas, des Werdnfoisa Land, isch doalweis hoachalpin mit dia Foismassive vom Karwendel- und Weidastoagebirg (Zugspitz 2.964 m) und lieg an da Grenz zu Drull (Eschtareich). Noch Nordn hockt si deis Gebirg bis zua voralpina Büchilandschaft vom Pfaffnwinkls mit seine Sea und ausdehntn Moore.

[drå werkln] Gschicht

Um 1000 n. Chr. isch deis Gebiet Besitz vo dia Welfen, dia ou de Burg Werdenfois baut hom. 1249 hod deis Hoachstift Freising, da Freisinga Bischof, den welfischn Besitz und 1294 ou dia Grafschaftn Mittanwoid und Partakurch koft keit und de reichsunmittelbare Grafschaft Werdenfois gmacht keit, de erscht 1803 in da Säkularisation aufglöst worn isch. Des Gebiet isch noch Bayern kemma, des 1803 des Landgricht Werdenfels errichtet hod, des zerscht zum Innkroas und 1814 zum Isarkroas (ab 1838 Obabayern) ghert hod. 1862 isch na do draus deis gleichnamige Beziaksamt gworn, deis 1879 in "Bezirksamt Garmisch" umghoas worn isch. Noch da zwangsweisn Vaeinigung vo de Gmoandn Garmasch und Partakurch 1935 hod ou deis Bezirksamt und na 1939 deis Landratsamt bzw. da zugherige Landkroas den Dopplnouma Garmasch-Partakurch kriagt. Im Rahmen vo da Gebietsreform 1972 san am Landkroas Garmasch-Partakurch a boor Gmoandn vou deia Nachbarlandkroas Weilheim in Obabayern und Schongau eigliedert worn. Damit hod er sei heitige Ausdehnung kriagt.

[drå werkln] Wirtschoft und Infrastruktur

De Wirtschaft im Landkroas isch mehra mittelständisch prägt. Da Landwirtschaft kimmb a erhebliche Bedeitung fia de Wirtschaftsstruktur vom Landkroas zua. Insgesamt san ca. 15% vo da Landkroasflächn landwirtschaftlich gnutzt.

De Eikommensteierkraft a Einwohna isch im Johr 2004 bei 272 Euro (Bundesdurchschnitt 216) gweisn. De Kaufkraft a Einwohna im Johr 2005 isch bei 7.671 Euro (Bundesdurchschnitt 8.523) gleng.

De Region um Garmasch-Partakurch isch a klassischs Fremdnvakehrsgebiet und ou a bekannta Olympia- (1936) und Woitmoaschtaschaftserprobta (1978) Wintersportort. Er hod si erfolgreich um de Ausrichtung vo da alpinen Ski-WM 2011 beworbn, wia de vorherige Bewerbung fia de Ski-WM 2009 geng des französische Val-d'Isère verloren ganga isch. Oanziger Gegnkandidat war Schladming (Eschtareich).

[drå werkln] Vakea

De Staatsbouhlinie vou Minkn hod Murnaa 1879 dalangd. Wia de 1889 durch de Lokalbouh Aktien-Gesoischaft Minkn aufgmachte Weiterführung bis Garmasch-Partakurch an de Boarische Staatsbouh übaganga gweisn isch, isch dia Bouh 1912 üba Mittawoid bis zua eschtareichischn Grenz valängat worn, so daß dia Verbindung mit Innschbruck hergstoit gweisn isch.

Ou isch da druller Beziak Reitte 1913 vou Garmasch-Partakurch her durch de Außerfernbouh erschlossn worn.

Dia Lokalbouh Murnaa - Obrammagaa isch im Johr 1900 vou dia AG E-Werke vorm O. L. Kummer & Co. baut und 1905 durch de "Lokalbouh AG Minkn" elektrifiziert worn.

Fia rein touristische Zwecke isch dia Streckn vou da Boarische Zugspitzbouh AG, de seit 1929/30 vo Garmasch-Partakurch zum Schneafernerhaus eröffnet worn isch und seit 1992 ou zum Zugspitzplatt aui geat.

Olle Bouhlinien san bis heit in Betrieb.

Deis Straßnnetz umfasst a Bundesautobouh (A 95), drui Bundesstraßn und a relativ dichts Netz vou Staats-, Kroas- und Gmoastraßn.

[drå werkln] Politik

[drå werkln] Wappn

Iwa oam kiaztn und eigschwoaftn Spitz mit dia boarischn Rautn, gspoitn vo Suiba und Goid, vorn a links gewendta roada Greifnläw, hintn a roat krönta Mohrenkopf mit roadn Ohrring.