Nutza:El bes

Naiche Saiten

S'Låndeswåppn vo Owaöstareich Der Bersch kummt aus Owaöstareich (Östareich).

Babel: bar Dea Nutza redt Boarisch ois Muadasproch. at Diese Person redet Österreichisches Deutsch als Muttersprache. de-4 Diese Person beherrscht Deutsch auf annähernd muttersprachlichem Niveau. en-4 This user speaks English at a near-native level. land-4 Dosl Mensch ko Landlarisch fåst aso guad, wia wonn's sai Muatasproch wa. es-3 Puedo contribuir con un nivel avanzado de español. pt-3 Este usuário pode contribuir com um nível avançado de Português. ro-3 Acest utilizator poate contribui cu un nivel avansat de română. fr-2 Cette personne peut contribuer avec un niveau moyen en français. it-2 Questo utente può contribuire con un italiano di livello intermedio. yi-lat Der Mentsh farshtejt poshet de yiddishe loishn, kon ober nit de kadoishe shraib lejsn sx-1 Ech kunn en wenich Siweberjesch Såksesch farschduan ond mät Såxn riëden la-1 Hic usor simplici latinitate contribuere potest. Nutza noch d Sproch

El señor Bes kimd aus Owaésdaraich, schdudiad in Wean Wiatschåft und romanisdische Filologi und intressiad si fia Gschicht, Bolidik, Linguisdik, Schbanisch, Latainamearika, Rumenien und Russlãnd. Nåch Joa fum intensifn Wikipedia-Konsum mechad I a wås baidrång, doat wo I beschaid woas (oda guad reschaschian kã).

Boarisch

A bsondas Ãnling is ma, das aus da boarischn Wikipedia wås gschaids wiad - néd neta so a Gaudi-Gschicht oda a Brojekt wås e båid wida âischlåft. Boairsch in sâina zentral-mitlboarisch Variantn is nemli mâi Muataschbråch und dé Såch fu maim kultureln Backround dé I wiakli zu 100% måg und supa find. Zentral-Mitlboarisch déswéng, wai s sidliche Hausrukfiatl, s ehemålige Landl nu ned wiakli Ostmitlboarisch is, åwa a ned wiakli so wia s modeana Westmitlboarisch in Baian. Mia sång a: I hã (I håb), mia han, es haz, sé han (néd: wia san, ia saz, si san). Mia sång a kema und ned kuma und "I kim" und ned "I kum". Bai da L-Vokalisiarung sama åwa haid kloa auf da Ost-Saitn, mid fü Ü und fü Ö (Föd, Wöd, Göd, fü, Schbü, Brün, Zün (Zille), zün (zielen), usw ... a wãn I woas das mâi Grosötan-Genarazion nu mea bayrisch-boarisch grét håd. Ois Dialekt-Laisdn fawend I déswéng:

{{Dialekt-oben|Ostmittelbairisch|Hausrukfiatlarisch}}

TV-DOKU: What the fuck is Bairisch?

Zua boarischn Wikipedia bin I kema, wia I 2007 a Sendung fian Weana frain Senda OKTO TV iwa des Thema gmåcht håb. Wea si de Sendung ãnschaun wü, då miast's aufidrukn:

Wikipedia auf Boarisch 1/3

Wikipedia auf Boarisch 2/3

Wikipedia auf Boarisch 3/3

oda då de Playlist zu ole Foing fu deara Sendung, wo's a jéd's Måi uman boarisch-östaraichischn Dialekt ged:

Playlist: What the fuck is Bairisch?

Mâi Dialekt-Schraibwais

Mâi Dialekt-Schraibwais richt si ned umbedingt nåch dem wås da Ludwig Zehetner foagschlång håd, wai I find, das dés zwoa a guada Fasuach is, åwa ea håd dabai blos an de Dialekt fu Owa- und Niadabaian dåcht und fia main Gschmåk san bai eam z'fü Akzent dabai, de ma iwahaupt ned braucht. Dafia fawent a dés "å" Zaichn iwahaupt ned, fu dém I a grossa Fan bin. Mâi Schraibwais is fonetisch und basiad aufn lådainischn Alfabet, mid a boa Sondazaichn, dé ma õafåch fia insa Schbråch braucht, wai's dé Laute auf Lådain ned gibt. Wöchane san dés:

Sondazaichn

• å ... s'dunkle "a", bzw. da Vokal zwischn am "a" und am "o", wia in de Weata: I håb, I måg, I såg, I fråg, ...
• ã ... a aigena Laud, dea si ãhead wia auf Franzesisch "en", zB in de Weata: I kã (kann), I hã (habe), a Mã (Mann), drã (dran)
• õ ... s'nasale "o", wia bai: õa Oa (ein Ei), mõana (meinen), kõana (keiner), oda bayrisch Boarisch: a Mõ (ein Mann)

dé drai han dé wichdigsdn, dé maina Mainung nåch umbedingt sâi miassn. Wãn ma åwa fonetisch genau sâi wü, braucht ma nu a boa mea, und zwoa:

• ö ... s'dunkle ö, wia in Ostmitlboarisch: schnö (schnell), hö (hell), Mö (Mehl), söwa (selber), fön (fehlen), d'Sö (die Seele), etc.
• öö ... s'helle ö, wia in: Föön (der Föhn), schdöön (stehlen, stellen), fazöön (erzählen), d'Höö (die Hölle)
• é ... s'helle e, wia auf Dialekt: Bésn (Besen), gwésn (gewesen), méng (mögen), rén (reden), lésn (lesen), Wéda (Wetter), Drég (Dreck)
• e ... s'dunkle e, wia in de romanischn Schbråchn a jéds "e" ausgschbrocha wiad und wås auf Hochdaidsch oft mid am "ä" gschrim wiad. Dés dunkle "e" is im Dialekt oft genau fadrad wia auf Hochdaidsch, zB: da Se (der See), da Schne (der Schnee), bes (böse), lesn (lösen)

Dés mim dunklen und hellen ö, kã Laid aus Baian übrigens wuascht sâi, wai bai aich gibt's im Dialekt e goa kõane "ö". Dés bedrift neta de ostmitlboarischn Dialekt.

Nasale Vokale

A jeda Vokal kã a nu nasal sâi, wãn danå aigentli a "n" oda "m" kamad, wås auf Boarisch wéka glåssn wiad. Damid ma dés a in da Schrift siagt, das a Vokal nasal sâi soid, måch I an Akzent Zirkumflex (^) driwa:

• â ... a nasals "a", wia in: drâ (drehen), Drâm (Traum), Bâm (Baum), Fâ'l (Ferkel)
• ê ... a nasals hells "e", wia in; schê (schön)
• ẽ ... a nasals dunkls "e", wia in: gẽ (gehen), Schblẽ (Spleen, Marotte), rẽna (rennen), drẽnzn (tränen, weinen)
• î ... a nasals "i", wia in: hî (hin), I bî (ich bin)
• û ... a nasals "u", wia in: ûguad (ungut, lästig); dés kimd åwa néd bsondas oft fia

(Fia's nasale "o" gibt's e schã dés "õ" mid da Tilde driwa)

De Diftonge (Zwilaud)

S'Boarische håd an Haufn Diftong, wo I mõa das ma dé a schraim soid. D'wichdigsdn han:

• oa ... Foab, Droad, woatn, Koatn, Roas, a Groas (Kreis), Goas (Ziege), I woas, es is hoas ...
• õa ... dén "oa" Diftong gibt's a nu nasal, wia in: õana (einer), kõana (keiner), mõana (meinen), lõana (lehnen), Bõana (Knochen), ...
• ua ... Doat wo auf Hochdaidsch oft a lãnges "u" is, kimd im Dialekt dea "ua" Diftong, wia in: Bruada, Luada, Fuada, Muata, Suam, Buam, ruadan, fuadan, ...
• ea ... In Dialekt, wo as "r" zu am "a" Vokalisiad wiad, entschdengan an Haufn fu de "ea" Diftonge, wia in: ea (er), Beag (Berg), Zweag (Zwerg), Heaz (Herz), Wea? (Wer?), mea (mehr), hean (hören), Kean (Kern), ghean (gehören), gean (gern), Geam (Germ), âischbean (einsperren), eam (ihm), ...
• ia ... dés glaiche güt natiali a fian "ia" Diftong, wia in: ia (ihr), fian (führen), kian (kehren), Kia (Kühe), Zwian (Zwirn), gschbian (spüren), Fiass (Füße) usw.
• åi ... s'dunkle "a" kã a an Diftong büdn, wia in: gåi (gell), Såizbuag (Salzburg), håidn (halten), Wåid (Wald), båid (bald), Zåi (Zahl), ...
• oi ... fum "åi" untaschait si in da Ausschbråch åwa s'"oi", wia in: hoin (holen), woin (wollen), Woi (Wolle), foi (voll), gschdoin (gestohlen), ...
• ai ... I schraib dén Diftong "ai" aso wiar a grét wiad, und néd "ei" (äi), wia ma's auf Hochdaidsch schraibt. So håd ma a bai ins im 17. und 18. Joahundat gschrim, befoa dé Owadaidsche Schraibschbråch fum Segsischn fadrengd woan is. Déswéng hoassn übrigens de Meier bai ins Mayer, Maier oda Mair. Wai dés dåmåis so gschrim woan is.

Dopikonsonandn

Nåchdém I auf da Uni Schbanisch gleant håb und aso a Schbråch kena gleant håb, de auf Dopikonsonandn komplet fazicht, håb I ma iwalégt, ob ma dé im Dialekt iwahaupt braucht, oda ob ma dé neta schraim, wai ma's fu da hochdaidschn Schraibwais aso gwénd han. I bin draufkema, das ma's néd braucht, aussa am dopi-s (ss). Déswéng weaz in maina Schraibwais kõane Dopikonsonantn findn. As hochdaidsche "ck" is übrigens a so a Dopikonsonant, dén I néd heanim. (déswéng: Ék = Eck)

Lenis-Konsonandn

Õa wichdigs Meakmåi fu ole mitlboarischn Dialekt is, das mia aus hoate Konsonandn woache måchan. Woach hoast auf Lådain lenis und déswéng nend ma dés Fenomén a Lenisiarung. Damid ma dés in da Schrift a siagt, fasuach I das I dés a konsequent a so schraib und mi fu da hochdaidschn Schraibwais néd iaridian lås. Déswéng a:

• Béch (Pech), Dobf (Topf), Kobf (Kopf), Drotl (Trottel), Disch (Tisch), Beda (Peter), Wéda (Wetter), Schbanisch (Spanisch), etc.

Apostrof

Es gibt auf Boarisch an Haufn Weata, foi oim Artikl und Preposizionen, dé neta aus õan õazing Bugschdåm bschdengan. Wai dés depad ausschaud, wãn so a kuaz Woat gãns alõa im Dext schded, håb I ãgfãngd, das I in dém Fåi a Apostrof schraib. Dé õanzing 1-Bugschdåb-Weata wo I ma dẽng, das's a alõa schdẽ kinan, san: I (ich) und a (auch, ein). Wås I åwa néd dua is, de Apostrof inflazionea fawendn, fia Bugschdåm dé wo ma aus da hochdaidschn Schraibwais wéka glåssn håd, bai Partizip Perfekt und Genitiv und so. Dés wiad a oft Depnapostrof[1] gnend und dés fawend I goa ned. Baischbü fia Schdön wo I a Apostrof fawend san:

z'wéng, z'laicht, z'guad, z'gring, b'fü, d'schnö, d'schiach, d'schwa, s'Schbü, s'Kind, s'Diandl, d'Waiwalaid, d'Kua, d'Kåz, d'Kåzn, d'Kia, d'Mãna, d'Kinda, I gib's n'Hãns, I gib's da Res, I såg's n'Buam, s'Wéda is haid d'schiach zan haing, s'réngd fü b'fü!

Bugschdåm dé I aussa in Fremdweata néd brauch, han: q, x, y

Artikl dé fu mia san:

boarische Litaratua

• Felix Mitterer
• H. C. Artmann
• Ostbahn Kurti
• Brandna Kåschba
• Gottfried Glechner
• Hans Kumpfmüller
• ‎Morgenschtean
• ‎Franz Freisleder

Linguisdik

• Subsdrat - Supasdrat - Adsdrat
• Åbschdãndschbråch - Ausbauschbråch - Dåchschbråch
• Pluarizentrische Schbråchn
• Dialektkontinuum‎
• Diglossi
• Austriazismus
• Helvetismus
• Teutonismus
• Ãmtsschbråchn fu da EU
• Heinz Kloss
• Joshua Fishman
• Heinrich Schmid
• Michael Clyne
• Charles A. Ferguson
• Anthony Rowley
• Ingo Reiffenstein‎
• Manfred Glauninger
• Code-Switching‎
• Intanazionala Dåg fu da Muataschbråch
• EU-Charta fia Regional- und Mindahaidnschbråchn
• Sprachinselforschung‎
• Boarische Schbråchinsln
• Schbanisch
• Luxnbuagisch

boarische Schbråchgschicht (19. Joahundat)

• Peter Rosegger
• Franz von Kobell
• Ludwig Thoma
• Ludwig Anzengruber

boarische Schbråchgschicht (Barok-Zaid)

• Joachim Heinrich Campe
• Filip Zesen
• Johann Christoph Gottsched‎
• Janez Ziga Popovic
• Johann Balthasar Antesperg
• Mundart
• Ignatz Anton Weiser
• Maurus Lindemayr
• Florian Reichssiegel
• ‎Gschicht fum Boarischn
• Johann Beer
• Augustin Dornblüth
• Andreas Dominikus Zaupser

boarische Schbråchgschicht (Mitlåita)

• Åid-Boarisch
• Muspilli
• Abrogans
• Fraisinga Bedrusliad
• Fraisinga Paternoster
• Wessobrunner Schöpfungsgedicht
• Kassla Konveasazionen
• Exhortatio ad plebem christianam
• Hildebrandsliadl (a Knakbunkt)
• Sturmi
• Arbeo fu Fraising‎
• Kero
• Jordanes
• Venantius Fortunatus
• Lex Baiuvariorum‎
• Ulrich fu Potnschdõa‎

boarische Gramatik

• Boarische Grammatik (Adverb)
• Boarische Grammatik (Genitif)
• Schbrosswokale
• Deponens

Gschicht fu Ésdaraich

• Ostarrîchi (dés woa a Oawad!)
• Franz Jägerstätter
• Landla (woa søwa doatn)
• Braunaua Palamént
• Landl‎
• Joseph Schaitberger
• Exulant
• Såizbuaga Exulantn
• Ziladåla Inklinantn
• Bruno Kreisky

Römaziad

• Agri Decumates
• Legio I Noricorum
• Legio II Italica
• Legio III Italica
• Legio X Gemina
• Legio XIII Gemina
• Legio XIIII Gemina
• Legio XV Apollinaris
• Legio XXI Rapax
• ‎Ala I Commagenorum
• ‎Ala I Britannica
• Cohors I Montanorum
• Villa rustica

Kulinarischs

• Knédl‎
• Sömmi
• Balatschinkn
• Kaisaschmoan
• Schwoatn‎
• Raiwadadschi
• Casu marzu (hmmm!)
• Limauni
• Pamarantschn

Dradizionen und Braich

• Radschn
• Eierpecken (Oabeka)
• Haimandl
• Moarischdidl
• Droadkåstn
• ‎Hõazlbéng
• Hõagoachtnbéng
• Grédn
• Schdum

Ficha und Gfikad

• ‎Waifåita

Geografischs

• Höllengebirge‎
• Dehradun
• Roşia Montană

wås õan sunst so unta kimd

• Dazlwuam
• Vandalismus
• Google
• Server Farm‎
• Jimmy Wales
• Christoph Ransmayr
• Roland Girtler
• Xaver Ernbert Fridelli
• Johann Grueber‎
• Venus fu Wilndoaf
• Sid Meier
• Õ
• Haiku
• MS Explorer‎
• Braka‎
• Jura Soyfer
• Muhammad Yunus
• Vandana Shiva
• Álvaro Leonel Ramazzini Imeri
• Sibiarische Diga‎

und fåis fu aich wea Schbanisch kã, dés is a fu mia:

• es.Wikipedia: Idioma bávaro

P.S.: Wea a Fråg oda Kritik zu oam fu de Artikl håd, kontakdiaz mi õafåch (links om "E-Mail an diesen Benutzer" drukn), oda schraibz es unta "bschprech" aini. Und I dad mi gfrain, wãnz aich és mea driwa draun daraz, søwa wås zan schraim. Wãn õan nix âifåid, dãn kinz õafåch wås aus da daidschn oda da englischn Wikipedia iwasézn - so dua is a maisdns.